وحدت نیوز(اسلام آباد) چیئرمین پاکستان تحریک انصاف و سابق وزیر اعظم عمران خان سے وزیر اعلیٰ گلگت بلتستان خالد خورشید کی قیادت میں صوبائی وزیر زراعت و رہنما مجلس وحدت مسلمین گلگت بلتستان کاظم میثم اور دیگر صوبائی کابینہ کے اراکین کی ملاقات۔
ملاقات میں چیئرمین پاکستان تحریک انصاف نے گلگت بلتستان میں سیلاب سے تباہ کاریوں کے حوالے سے تفصیلی رپورٹ لی اور ہر ممکن مدد کرنے کی ہدایت کی۔انہوں نے جلد سیلاب متاثرہ علاقوں کے دورے کا بھی اعلان کیا۔
ملاقات میں پی ٹی آئی جی بی اور ایم ڈبلیو ایم جی بی کی جانب سے چیئرمین پاکستان تحریک انصاف عمران خان کے خلاف وفاقی امپورٹڈ حکومت کے اوچھے ہتھکنڈوں کی مذمت بھی کی گئی اور عمران خان سے مکمل یکجہتی کا اظہار کیا گیا۔
