وحدت نیوز(شگر) مجلس وحدت مسلمین ضلع شگر کی جانب سے فلسطین میں جاری اسرائیلی جارحیت وبربریت ، بے گناہ نہتے مسلمانوں کے بہیمانہ قتل عام اور مسجد الاقصی کی مسلسل بےحرمتی کےخلاف حسینی چوک شگر میں احتجاجی مظاہرہ منعقد کیا گیا جس میں ایم ڈبلیوایم شگر کے سیکریٹری جنرل شیخ اشرف حسین شگری، ڈپٹی سیکریٹری جنرل شیخ ابراہیم بہشتی، قاری شیخ اسماعیل اور ظہیر عباس ، عالم دین شیخ فدا حسین عابدی ،سماجی و سیاسی شخصیت حاجی وزیر فدا علی صاحب ،نے خطاب کیا۔ شرکاء نے مردہ باد امریکا اسرائیل نامنظور کے فلک شگاف نعروں کے ساتھ بھرپور شرکت کی۔