وحدت نیوز (سینو) منسٹر ایگریکلچر گلگت بلتستان محمد کاظم میثم نے دورہ خپلو کے موقع پر خصوصی طور پر اپنے محبوب قائد و مربی مرحوم حجت الاسلام و المسلمین علامہ شیخ حافظ حسین نوری کے مرقد پر حاضری دی اور فاتحہ خوانی کی۔صوبائی وزیر زراعت اپنے قائد و رہنماء کی جدائی اور فراق میں اشک بار بھی ہوئے۔اس موقع پر منسٹر ایگریکلچر محمد کاظم میثم نے اپنی عقیدت کا اظہار کرتے ہوئے کہا کہ آج ہم مرحوم شیخ حافظ نوری کی کمی بہت زیادہ محسوس کرتے ہیں۔ جی بی میں مزاحمتی اور عوامی تحریک کا آغاز مجلس وحدت مسلمین کی صورت میں ہوئی تو علامہ حافظ نوری اس کے بانی تھے آپ نے اپنی زندگی میں محروم اور مظلوم عوام کی بھرپور طریقے سے نمائندگی کی۔
علامہ حافظ نوری ایک روحانی عرفانی اور علمی شخصیت کے ساتھ ساتھ مزاحمتی تحریکوں کے بانی بھی تھے گلگت بلتستان کی عوام کو حقوق دلوانے میں آپ کا کردار غیر معمولی تھے۔ انہوں نے کہا کہ میں فخر کرتا ہوں کہ میری تربیت اس شخصیت کے زیر سایہ ہوئی ہے جنہوں نے مظلوموں اور محروموں کو بولنا سکھایا۔ اگرچہ انکی شخصیت بظاہر ہمارے درمیان نہیں ہے لیکن انکا نظریہ کردار کبھی ختم نہیں ہو سکتے۔
انہوں نے مزید کہا کہ میں سمجھتا ہوں کہ خپلو سینو وہ علاقہ ہے جہاں ایک ایسی شخصیت پیدا ہوئی جس نے گلگت بلتستان کی تاریخ میں ایک نئے باب کا اضافہ کیا انکی شخصیت جہد مسلسل سے عبارت رکھتی ہے اور وہ ایک ایسا نورانی شخصیت ہے جن کا نظریہ کردار اور تربیت رہتی دنیا تک قائم رہے گی۔
