وحدت نیوز ( کوہاٹ)  ضلع کوہاٹ کے علاقہ مرئی بالا میں مجلس وحدت مسلمین کا یونٹ قائم کردیا گیا ہے۔ ایم ڈبلیو ایم ضلع کوہاٹ کی جانب سے جاری کردہ پریس ریلز کے مطابق ضلع کوہاٹ کے علاقہ مرئی بالا میں مجلس وحدت مسلمین کے ضلعی سیکرٹری جنرل حاجی علی داد خان نے یونٹ قائم کردیا ہے۔ جس کے سیکرٹری جنرل عظمت حسین ہوں گے جبکہ ندیم عباس ڈپٹی سیکرٹری جنرل ہیں۔ جبکہ دیگر کابینہ میں حاجی لیاقت علی، نوشاد علی، گل سرور، لیاقت علی، نصیب علی، ملک بلال حسین، خلیل حسین، ہادی حسین، خیال حسن، شاہ حسن اور اوقیانوس شامل ہیں۔ اس موقع پر ضلعی سیکرٹری جنرل حاجی علی داد خان نے یونٹ اراکین سے حلف لیا۔ اور انہیں مجلس وحدت مسلمین کے اہداف اور اغراض و مقاصد سے آگاہ کیا۔