وحدت نیوز(کراچی)مجلس وحدت مسلمین سندھ کا این اے 249 کے ضمنی انتخابات میں بھرپور شرکت کرنے کا فیصلہ۔ جامع مسجد حیدری اورنگی ٹاؤن میں مجلس وحدت مسلمین کراچی ڈویژن اور ایم ڈبلیو ایم ضلع غربی کی کابینہ کی میٹنگ سیکریٹری سیاسیات مجلس وحدت مسلمین صوبہ سندھ سید علی حسین نقوی کی زیر صدارت منعقد ہوئی جسمیں این اے 249 کے ضمنی انتخابات میں بھرپور شرکت کرنے کا متفقہ فیصلہ ہوا۔
علی حسین نقوی نے کہاکہ مجلس وحدت مسلمین NA249 ضمنی انتخابات میں بھرپور حصہ لے گی۔ حلقہ کے عوام کو ماضی میں منتخب نمائندوں نے مایوس کیا۔ آج بھی حلقے میں بنیادی سہولیات کی فراہمی کے لئے عوام حکمرانوں کے منتظر ہیں۔مجلس وحدت مسلمین عوامی خدمت پر یقین رکھتی ہے۔حلقے کے عوام کے مسائل کے حل کے لیئے ہر سطح پر کوشش کی جائے گی۔
