وحدت نیوز(کراچی)شیعہ علماءکونسل ضلع ملیر کےوفد کی جناب آفتاب مرزا کی سربراہی میں ضلعی سیکریٹریٹ وحدت ہاؤس جعفرطیار سوسائٹی آمد، مجلس وحدت مسلمین ضلع ملیر کے سیکریٹری جنرل سید احسن عباس رضوی سے ملاقات اور کل بروز ہفتہ یکجہتی فلسطین ریلی میں شرکت کی دعوت دی ۔
اس موقع پر دونوں رہنماؤں کے درمیان اہم قومی وملی امور پر تبادلہ خیال بھی کیا گیا، سید احسن عباس نے شیعہ علماءکونسل کے وفد کو ایم ڈبلیوایم کے شعبہ نشرواشاعت کی جانب سے شائع کردہ اسلامی کتب کا سیٹ تحفے میں پیش کیا اور یکجہتی فلسطین ریلی میں شرکت کی یقین دہانی کروائی۔
اس موقع پر ایس یو سی جعفرطیایونٹ کے رہنما کامران عباس ، جعفرعباس ، ایم ڈبلیوایم ضلع ملیر کے ڈپٹی سیکریٹری جنرل سید شعیب رضا اور ایم ڈبلیوایم جعفرطیاریونٹ کے سیکریٹری جنرل محمد علی زیدی بھی موجود تھے۔
