وحدت نیوز(کراچی) مجلس وحدت مسلمین صوبہ سندھ کے سیکریٹری جنرل علامہ باقر عباس زیدی سمیت صوبائی کابینہ کے اراکین علی حسین نقوی، چوہدری اظہر حسین، علامہ رضا محمد سعیدی،علامہ دوست علی سعیدی، علامہ مبشر حسن، علامہ علی انور جعفری،یعقوب الحسینی،ارشد اللہ مکتبی،ڈاکٹر صابر ابو مریم اور دیگر رہنماؤں نے ایم ڈبلیو ایم کے مرکزی رہنما اور ممتاز عالم دین علامہ حسن ظفر نقوی کی والدہ محترمہ کے انتقال پر ان سے تعزیت کی ہے۔
رہنماؤں نے اپنے مشترکہ بیان میں کہا کہ والدہ کا وجود خاندان کے لیے رحمتوں اور برکتوں کے سائباں کی مانند ہوتا ہے۔اس عظیم ہستی کا جدا ہوجانا ایک ناقابل تلافی نقصان اور ناقابل برداشت صدمہ ہے تاہم حکم ربی سے مفر ممکن نہیں۔انہوں نے مرحومہ کی بلندی درجات اور پسماندگان کے لیے صبر جمیل کی دعا بھی کی۔
