وحدت نیوز(سجاول) مجلس وحدت مسلمین ضلع سجاول کی جانب سے حاجی مظفر علی لغاری کی قیادت میں یوم یکجہتی کشمیر ریلی کا انعقاد کیا گیا۔ ریلی ایریگیشن کالونی سجاول سے علی المرتضیٰ چوک سجاول تک ریلی نکالی گئی۔ ریلی کے شرکاءسے مجلس وحدت مسلمین ضلع سجاول کے سیکرٹری جنرل حاجی زوار مظفر علی لغاری اور ڈپٹی سیکرٹری جنرل زوار فیاض حسین انقلابی اور سوشل نانگ گروپ کے رہنما ممتاز علی لغاری،نظیر احمد نانگ اور علم دین ملاح نے خطاب کیا اور اقوام متحدہ اور عالمی عدالت سے مطالبہ کیا کہ کشمیریوں کی خواہشات کے مطابق انکو حق خودارادیت دیا جائےاور کشمیر میں جاری ظلم وبربریت اور کرفیو کو فی الفورختم کرایا جائے۔ریلی میں کشمیر میں مودی سرکار کی جانب سے ظلم وبربریت کے خلاف سخت نعرے بازی کی گئی آخر میں لعنتی مودی کی تصویراوربھارتی پرچم نذرآتش کیا گیا۔