وحدت نیوز (کراچی) مجلس وحدت مسلمین پاکستان کراچی ڈویژن کے نمائندہ وفد نے ڈویژنل ڈپٹی سیکریٹری جنرل سید رضا نقوی کی سربراہی میں بوہری جماعت کراچی کے صدر نورالدین بھائی سے انکی رہائش گاہ پر ملاقات کی اور سانحہ مسجد صالح آرام باغ پر دلی رنج وغم اور افسوس کا اظہار کیا، اس موقع پر ڈویژنل پولیٹیکل سیکریٹری سید علی حسین نقوی، صوبائی سیکریٹری آفس ناصرحسینی، سیکریٹری جنرل ضلعی جنوبی رضوان علی جیوانی بھی وفد میں شامل تھے، اس موقع پر ایم ڈبلیوایم کے رہنماوں نے نورالدین بھائی سے بے گناہ بوہری بھائیوں کی شہادت پر اظہار تعزیت کرتے ہوئے کہاکہ اسلام و پاکستان کے دشمن ملک کو عدم استحکام سے دوچار کرنے کرنے کیلئے اس طرح کی اوچھی سازشوں میں مصروف ہیں ، یہ تکفیری دہشت گرد کسی خاص مسلک یا گروہ کہ نہیں بلکہ پوری محب وطن پاکستانی کے دشمن ہیں اور اپنے سوا سب کو کافر اور واجب القتل قرار دیتے ہیں ، آخر میں شہداء کے ایصال ثواب کیلئے فاتحہ خوانی بھی کی گئی، بوہری جماعت کے صدرنورالدین بھائی نے ایم ڈبلیوایم کے وفد کا آمد پر شکریہ ادا کیا۔