وحدت نیوز (بھکر) نواز لیگ نے دہشت گردوں کی سرپرستی کے تمام ریکارڈ توڑ دیئے، پنجاب پولیس کا بھکر کے شہداء کے سوئم کی مجلس پر دھاوا، ایم ڈبلیو ایم پنجاب کے صوبائی ترجمان علامہ اصغر عسکری سمیت 150 افراد گرفتار۔ تفصیلات کے مطابق گزشتہ دنوں تکفیری دہشت گردوں کی جانب سے بھکر کی شیعہ آبادیوں پر حملے کے نتیجے میں 4 افراد کی شہادت ہوئی تھی، جن کا آج مقامی امام بارگاہ میں سوئم منعقد کیا جارہا تھا۔ اس موقع پر کالعدم تکفیری گروہ کی سرپرستی کرتے ہوئے نواز لیگ کی ایماء پر پنجاب پولیس نے شہداء کے سوئم میں شرکت کیلئے آنے والے ایم ڈبلیو ایم صوبہ پنجاب کے ترجمان علامہ اصغر عسکری سمیت 150 افراد کو گرفتارکرلیا۔ دوسری جانب تازہ اطلاعات کے مطابق امام بارگاہ کا مکمل محاصرہ کر لیا گیا  ہے، اور کسی کو بحی اندر جانے کی اجازت نہیں دی جارہی جبکہ مومنین کی بڑی تعداد اب بھی امام بارگاہ کے اندر موجود ہے اور شہداء کی یاد میں عزاداری کا سلسلہ جاری ہے۔