وحدت نیوز ( بھکر) بھکر میں کوٹلہ جام اور دریا خان کے علاقوں میں گذشتہ شام کالعدم دہشت گرد جماعت سپاہ صحابہ کے مسلح کارندوں کی فائرنگ اور ۵ مومنین کی قتل کے خلاف مجلس وحدت مسلمین پاکستان ضلع بھکر کے سیکریٹری جنرل سفیر حسین شہانی ایڈووکیٹ نے اپنی مدیت میں درخواست جمع کروادی ہے ، وحدت میڈیا سیل سے گفتگو کر تے ہو ئے سفیر حسین شہانی کا کہنا تھا کہ مسلم لیگ ن کے رہنما رانا ثناء اللہ اور ڈی پی او بھکر اس اندہوناک سانحے میں برائے راست ملوث ہیں ، دہشت گرد پو لیس کی سرپرستی میں کو ٹلہ جام اور دریا خان میں اہل تشیع کے جان و مال کو نقصان پہنچا تے رہے ، چادر اور چار دیواری کا تقدس پامال کر تے رہے ، مساجد سے اشتعال انگیر تقاریر اور نعرے بازی ہو تی رہی اور انتظامیہ خاموش تماشائی بنی رہی ۔

ان کا کہنا تھا کہ ہم نے متعلقہ تھانے میں حالیہ دہشت گردی کے سانحے کے خلاف ایف آئی آر کے لئے درخواست جمع کر وائی ہے ، پولیس نے تاحال کسی دہشت گرد کو گرفتار کیا ہے ، اور نہ ہی ہماری جانب سے نامزد ملزمان کے خلاف ایف آئی آر درج کی ہے ، انہوں نے کہا ہے کہ یہ بات روز روشن کی طرح عیاں ہے کہ ، مسلم لیگ ن کی قیادت کالعدم سپاہ صحابہ ، لشکر جھنگوی کی پشت پناہ ہے ، ورنہ اب تک کسی بھی دہشت گرد کو کیوں حراست میں نہیں لیا گیا ۔