وحدت نیوز(چکوال) مجلس وحدت مسلمین ضلع چکوال کے زیر اہتمام سانحہ سرپاک کے شہداء کی پانچویں برسی امام بارگاہ محلہ جعفرآباد میں عقیدت و احترام سے منائی گئی- شہداء کی بلندی درجات کے لیے مجلس عزا منعقد کی گئی- جس میں ملک بھر کے ممتاز علماء و ذاکرین نے خطاب فرمایا۔ برسی کی تقریب میں مجلس وحدت المسلمین صوبہ پنجاب کے امور نوجوانان کے سیکرٹری حجتہ الاسلام آغا حسن رضاہمدانی نے خصوصی شرکت کی اور اپنے خطاب میں فلسفہء شہادت بیان کرتے ہوئے سانحہ سرپاک کے شہداء کو خراج تحسین پیش کیا-اس موقع پر شہداء ملت جعفریہ کی تصویری نمائش کا انعقاد کیا گیاجس میں مختلف سانحات کو انکے تاریخ،حقائق اور تصاویر کے ساتھ اجاگر کیا گیا۔
مجلس وحدت مسلمین پاکستان
مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے
