وحدت نیوز(قصور)علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب کا اپنے وفد کے ہمراہ ضلع قصور (پتوکی ) کا وزٹ ۔ ضلع کابینہ کے اجلاس میں شرکت ۔ ضلع کابینہ سے حلف لیا اور تنظیمی برادران سے خطاب کیا ۔
برادر سید حسن رضا کاظمی صوبائی جنرل سیکرٹری مجلس وحدت مسلمین پاکستان صوبہ پنجاب بھی علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب کے ہمراہ تھے ۔ تنظیمی برادران سے پنجاب کی موجودہ سیاسی اور تنظیمی صورتحال پر تبادلہ خیال کیا گیا۔
توسیع تنظیم اور مرکزی کردارسازی کونسل کے پروگرام اسٹڈی سرکل پر بھی گفتگو کی گئی اور نئی کابینہ سے درخواست کی گئی کہ مرکزی کردار سازی کونسل کے پروگرامز کو ترجیحی بنیادوں پر اجراء کیا جائے ۔ اور اپنے ضلعی امور میں اولویت دی جائے ۔
