وحدت نیوز(بہاولنگر)مجلس وحدت مسلمین پاکستان ضلع بہاولنگر پنجاب کے زیراہتمام شہدائے بہاولنگر کا عظیم الشان چہلم بہاولنگر میں منعقد ہوا جس میں مرکزی ڈپٹی سیکرٹری جنرل مجلس وحدت مسلمین پاکستان سید ناصر عباس شیرازی،صوبائی سیکریٹری جنرل سینٹرل پنجاب علامہ عبدالخالق اسدی،صوبائی سیکریٹری جنرل جنوبی پنجاب علامہ اقتدار حسین نقوی،مرکزی صدر آئی ایس او پاکستان برادر عارف حسین الجانی، شیعہ علماءکونسل کے رہنما علامہ مظہر علوی اور آئی او کے لال مہدی خان نے خصوصی شرکت کی اور خطاب کیا۔
اس موقع پر شہداء کے خانوادے اور مقامی علمائے کرام سمیت مومنین و مومنات کی کثیر تعداد شریک تھی بہاولنگر امن کمیٹی کے اہل سنت علماء نے بھی خصوصی شرکت کی . تمام مقررین نے دہشت گردی کے واقعات کی مذمت کی اور ساتھ ہی ساتھ مظلومین کے ساتھ ساتھ کھڑے ہونے کا اعلان کیا۔ مقامی انتظامیہ اور پولیس کےبھرپور دباو ٔکے باوجود مجلس وحدت مسلمین ضلع بہاولنگر نے اس چہلم کے انعقاد میں کلیدی کردار ادا کیا۔
