وحدت نیوز (لاہور) بھارتی جارحیت کیخلاف ہمیں متحد ہوکر کر دشمن کو جواب دینا ہوگا،لائن آف کنٹرول اور سمندری حدود کی خلاف ورزی دشمن کے ناپاک عزائم کو ظاہر کرتا ہے،پاک چین اقتصادی راہ داری کی کامیابی نے دشمن کی نیندیں حرام کر دی ہیں،پاکستان میں دہشتگردی کے سب سے بڑے سپانسر انڈیا اسرائیل اور امریکہ ہے،انتہاپسندی اور فرقہ واریت کیخلاف عوام کو بیدار ہونا ہوگا،ان خیالات کا اظہار مجلس وحدت مسلمین پنجاب کے سیکرٹری سیاسیات سید حسن کاظمی نے سیاسی سیل کے اجلاس سے خطاب میں کیا۔
انہوں نے کہا کہ سیاسی جماعتیں چندووٹوں کے خاطر کالعدم جماعتوں کی سرپرستی ترک کردیں تو دہشتگردی کو شکست دینا مشکل نہیں،نیشنل ایکشن پلان کا غلط استعمال دہشتگردی کیخلاف جنگ کو متاثر کرنے کی سازش ہے،لاہور سے داعش اور کالعدم جماعتوں کے مین لیدر شپ کا پکڑا جانے سے اس بات کا اندازہ لگانا مشکل نہیں کہ دہشت گردوں کے سیاسی سرپرست کس طرح سے متحرک ہیں،دہشتگردی کیخلاف جنگ کی کامیابی میں سب سے بڑی رکاوٹ دہشتگردوں کے سیاسی سرپرست اور سہولت کار ہیں،ان کیخلاف کاروائی کے بغیر امن کا قیام ممکن نہیں،انہوں نے کہا کہ چہلم امام حسین اور داتا گنج بخش کے عرس پر فول پروف سکیورٹی کے انتظامات کو یقینی بنانا حکومت کی ذمہ داری ہے،تاکہ دشمن کے ناپاک عزائم خاک میں مل سکے۔
