وحدت نیوز(لاہور) مجلس وحدت مسلمین،پاکستان عوامی تحریک اور سنی اتحاد کونسل کے زیر اہتمام لاہور پریس کلب کے سامنے انقلاب مارچ کی حمایت میں دھرنا دیا گیا دھرنے میں تینوں جماعتوں کے رہنماوُں اور کارکنان شریک ہوئے دھرنے کے شرکاء سے خطاب کرتے ہوئے مجلس وحدت مسلمین پنجاب کے رہنما علامہ حسن ہمدانی نے کہا کہ پاکستان کے لاکھوں عوام گذشتہ دس دنوں سے شاہراہ دستور پر دھرنا دیے بیٹھے ہیں جبکہ دوسری طرف لٹیرے ایک دوسرے کو بچانے کے لئے سرگرم ہیں پاکستان میں اسٹیٹس کو کے پیداوار اپنی بقا کی جنگ کے لئے متحد ہے ایسے میں پاکستانی غریب عوام کو قائد اعظم کا پاکستان بچانے میں اپنا کردار ادا کرنا ہوگا ۔
علامہ حسن ہمدانی کا کہنا تھا کہ سانحہ ماڈل ٹاوُن کے شہداء کے قاتلوں کا دہشت گردوں کا میدان میں اُتار نا ملک میں خانہ جنگی کرانے کی منظم سازش ہے رانا ثناء اللہ کالعدم دہشت گردوں کے سرپرست ہے اور اُن کے ہی اشارے پر ہزاروں پاکستانیوں سمیت افواج پاکستان کے قاتلوں کو نواز حکومت کے بچاوُ کا ٹاسک دیا گیا ہے حکومت مخالف جماعتوں کی ٹارگٹ کلنگ کے لئے بھی انہی کالعدم جماعتوں سے پنجاب حکومت کی ڈیل ہو چکی ہے،اقتدار کے ہوس میں حکمران اندھے ہو چکے ہیں عوامی غیض و غضب سے حکمرانوں کا بچنا ممکن نہیں۔
دھرنے سے پاکستان عوامی تحریک کے رہنما محمد حنیف طاہر صدیقی نے اپنے خطاب میں کہا ہمارے شہداء کے قاتلوں کیخلاف ایف آئی آر عدالتی حکم کے باوجود بھی درج نہیں کیا جا رہا ہمارے کارکنوں کو پنجاب بھر میں ہراساں کرنے کا سلسلہ جاری ہے پاکستان میں پہلی دفعہ وحدت کی فضا نے ملک دشمنوں کی نیندیں حرام کر دی ہے آج کالعدم دہشت گردوں کو ہمارے خلاف پنجاب کا سابق وزیر قانون متحرک کرنے میں مصروف ہے ظالموں کے دن گنے جا چکے ہیں ہم اپنے مطالبات اور اپنے اہداف کے حصول تک پیچھے نہیں ہٹیں گے۔
سنی اتحاد کونسل کے رہنما مفتی محمد حبیب قادری نے دھرنے کے شرکاء سے خطاب میں کہا کہ اس وقت وہ طاقتیں جنہوں نے پاکستان بنایا تھا وہی متحد ہو کر اس ملک کی بقا کے لئے میدان میں ہیں جبکہ دوسری طرف قیام پاکستان کے مخالف قوتیں ملک میں سٹیٹسکو کو بچانے اور ملکی وسائل سے اپنی تجوریاں بھرنے میں مصروف ہیں جمہوریت کے نام پر پاکستانی عوام کا قتل عام کیا گیا سانحہ ماڈل ٹاوُن بدترین ریاستی بربریت اور پنجاب کے حکمرانوں کا سیاہ کارنامہ ہے اس ظلم کا حساب قانون و آئین کے مطابق ہم ضرور لیں گے ہمارے مظاہروں کو دس دن ہو گئے لیکن ایک پتا تک نہیں ٹوٹا دوسری طرف ہمارے کارکنوں کو پولیس کی تحویل میں قتل کیا جارہا ہے ہم ظلم اور نا انصافی کے نظام کو کسی صورت چلنے نہیں دینگے۔
