لاہور (وحدت نیوز) مجلس وحدت مسلمین کے مرکزی سیکریٹری جنرل علامہ راجہ ناصر عباس جعفری، ڈپٹی سیکرٹری جنرل علامہ شفقت شیرازی، مرکزی سیکرٹری شعبہ خواتین علامہ ابوذر مہدوی اور سیکرٹری امور نوجوانان پنجاب علامہ حسن ہمدانی نے میو ہسپتال لاہور میں مجلس عزا پر ہونے والی فائرنگ کے نتیجے میں  زخمی عزاداروں کی عیادت  کی۔ اس موقع پر علامہ راجہ ناصر عباس جعفری نے زخمیوں کی جلد صحت یابی کے لئے دعا کی اور ایم ڈبلیو ایم لاہور کے ذمہ داروں شیخ عمران علی، سید فصاحت بخاری اور دیگر کو حکم دیا کہ زخمیوں کی علاج میں کوئی کسر باقی نہ رکھا جائے اور ادویات سمیت ہر قسم کی مدد بر وقت کی جائے۔