وحدت نیوز(اسلام آباد) اسلام آباد پولیس کے ہاتھوں گرفتار ایم ڈبلیوایم کے کارکنان کی دوخواست ضمانت پر بحث  25ستمبر2014تک ملتوی کر دی گئی ہے، ایم ڈبلیوایم کے وکلاء ایڈوکیٹ سید اجمل حسین زیدی اور ایڈوکیٹ سید فضل عباس نقوی آج مورخہ 23ستمبر کو اسلام آباد انسداد دہشت گردی کی عدالت میں ایم ڈبلیو ایم کے اسیر کارکنان کی درخواست ضمانت پر بحث کرنے کےلئے پیش ہوئے۔جہاں پر حکومت کی طرف سے سرکاری وکیل کا تقرر نہ ہونے کے باعث درخواست ضمانت پر بحث مورخہ 25ستمبر2014تک ملتوی کر دی گئی۔اس موقع پر ایم ڈبلیوایم آزاد کشمیر کے سیکریٹری جنرل علامہ تصور حسین جوادی بھی موجود تھے، واضح رہے کہ ایم ڈبلیوایم کے مرکزی سیکریٹریٹ پر پولیس نے چھاپے کے دوران ایم ڈبلیوایم آزاد کشمیر کے رہنما تصور موسوی، ذیشان حیدر، تہور عباس اور دیگر کو انقلاب مارچ میں شرکت کے جرم میں گرفتار کر لیا تھا جن پر دہشت گردی کی مختلف دفعات نافذ کردی گئیں جبکہ کےیہ  کارکنان سیلاب متاثرین کی امداد کے حوالے سے جاری کاروائیوں میں مصروف تھے۔