وحدت نیوز(اسلام آباد) مجلس وحدت مسلمین کے سربراہ علامہ راجہ ناصر عباس جعفری کا نواز شریف کی والدہ کے انتقال پر افسوس کا اظہار، مرکزی سیکریٹریٹ سے میڈیا کو جاری اپنے تعزیتی بیان میں انہوں نے کہاکہ والدہ کا انتقال شریف خاندان کے لیے ایک ناقابل تلافی نقصان ہے۔
انہوں نے کہاکہ دکھ کی اس گھڑی میں سوگوار خاندان سے دلی ہمدردی ہے، علامہ راجہ ناصرعباس جعفری نے کہاکہ مرحومہ کی مغفرت اور اہل خانہ کے صبر کے لیے دعاگو ہوں۔
مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے
