وحدت نیوز(اسلام آباد)سربراہ مجلس وحدت مسلمین پاکستان سینیٹر علامہ راجہ ناصر عباس جعفری نے اپنے مزمتی بیان میں کہا ہے کہ  بلوچستان میں پنجابی نوجوانوں کو شناخت کر کے موت کے گھاٹ اتارنے کا واقعہ افسوسناک اور قابل مذمت ہے۔انتخابی نتائج کو سبوتاژ کر کے اقتدار پر قابض ہونے والے حکمرانوں نے ملک کو تباہی کے دھانے پر لا کھڑا کیا ہے۔نااہل حکومت امن و امان کے قیام میں ناکام ہو چکی ہے۔ عدم تحفظ کے احساس اور لاقانونیت کا ہر طرف راج ہے۔

انہوں نے مزید کہا کہ بلوچستان میں رونما ہونے والا دہشت گردی کا حالیہ واقعہ  اس اعتبار سے بھی شدید تشویش ناک ہے کہ اگلے چند روز میں زائرین کی واپسی کا سلسلہ شروع ہونے والا ہے۔ بلوچستان حکومت کے غیر تسلی بخش اقدامات اور سیکورٹی معاملات سے عدم دلچسپی خدانخواستہ کسی بڑے سانحہ کو جنم دے سکتی ہے۔