وحدت نیوز(سکردو) چیئرمین مجلس وحدت مسلمین پاکستان علامہ راجہ ناصر عباس جعفری کی سینیٹر منتخب ہونے کے بعد پہلی بار سکردو آمد، سکردو انٹرنیشنل ائیرپورٹ پر علماء کرام اور کارکنان کی جانب سے والہانہ استقبال۔
استقبالیہ قافلے کا اعلان نہ ہونے کے باوجود ہزاروں افراد کی شرکت۔شہر کے تمام چوکوں اور چوراہوں پر عوام اور جوانوں کی جانب سےشاندار استقبال، جگہ جگہ گل پاشی کی گئی۔
سکردو کی فضاء اسلامی شعار اور قائد وحدت کے فلک شگاف نعروں سے گونج اٹھی۔عوام کی جانب سے شہر کے راستوں پر پھول کی پتیاں بکھیر دی گئیں۔ شہر بھر کی تمام شاہراہوںپر قائد وحدت کی آمد پر خیرمقدمی بینرز اور بل بورڈ نمایاں تھے۔
عوام روایتی یاک اور تحائف کے ساتھ محبت بھرے جذبات کا اظہار کرتے رہے۔جگہ جگہ استقبال کے سبب منٹوں کا راستہ گھنٹوں میں بدل گیا۔ ایم ڈبلیوایم کے مرکزی رہنما علامہ اعجاز بہشتی اور ملک اقرار حسین بھی ان کے ہمراہ موجود ہیں۔
قائد وحدت کا استقبالیہ قافلہ ہزاروں کارکنوں کے ہمراہ ایم ڈبلیو ایم سیکریٹریٹ کی جانب رواں دواں۔علامہ راجہ ناصر جعفری اور مجاہد ملت آغا علی رضوی نے استقبال کرنے والوں کا شکریہ ادا کیا گیا۔
واضح رہے کہ سینیٹر علامہ راجہ ناصرعباس جعفری تین روزہ دورے پر سکردو پہنچے ہیں ، یہاں وہ مختلف مذہبی وسیاسی شخصیات سے ملاقاتوں سمیت 9 جو ن کو یاد شہداء پر عوامی اجتماع سے خطاب بھی کریں گے۔
