وحدت نیوز (بہاولپور) مجلس وحدت مسلمین پاکستان کی مرکزی کابینہ کے دورہ جات کے سلسلے میں مرکزی سیکرٹری تنظیم سازی علامہ مقصود علی ڈومکی نے بہاولپور کا دورہ کیا۔ بہاولپور پہنچنے پر ضلعی صدر سید سکندر شاہ۔ سینئر نائب صدر ڈاکٹر نوید محسن چوہان جنرل سیکریٹری بلال حسین جعفری سیکرٹری روابط احسان حیدر لیگل ایڈوائزر جاوید حسین کلاچی ایڈووکیٹ پروفیسر ملک عابد سیکرٹری تعلیم نے مرکزی رہنما کا استقبال کیا۔

علامہ مقصود علی ڈومکی نے ڈسٹرکٹ کورٹ کے وکلاء سے ملاقات کی اور ان سے خطاب کیا۔ انہوں نے شیعہ جامع مسجد بہاولپور میں مومنین کرام اور کارکنوں سے خطاب کیا۔اس موقع پر خطاب کرتے ہوئے علامہ مقصود علی ڈومکی نے کہا کہ مجلس وحدت مسلمین الہی جماعت ہے جو انبیاء کرام اور آئمہ ھدی علیہم السلام کے نقش قدم پر چل کر ملک و ملت کی خدمت کر رہی ہے۔ متنازعہ تکفیری نصاب تعلیم کے خلاف مجلس وحدت مسلمین نے جدوجہد کرتے ہوئے ایسے نصاب تعلیم کا مطالبہ کیا ہے جو تمام مسالک اور مکاتب فکر کے لئے یکساں طور پر قابل قبول ہو۔ تاریخ کی وہ متنازعہ شخصیات جن کی اہل بیت رسول صلی اللہ علیہ وآلہ وسلم سے عداوت شک و شبہ سے بالاتر ہو اسے نصاب تعلیم میں سرچشمہ ہدایت قرار دینا ظلم ہے۔

 انہوں نے کہا کہ اسرائیل یہ جنگ ہار چکا ہے اور نتن یاہو پوری دنیا میں ایک جنگی مجرم کے طور پر پہچانا جاتا ہے۔ اور دنیا امریکہ کو فلسطینیوں کے قتل عام میں شریک جرم سمجھنی ہے۔اس موقع پر شاہد اعوان ایڈووکیٹ صادق جعفری افضل ہاشمی سید فرخ نقوی ایڈووکیٹ ملک محمد ظفر ایڈوکیٹ و دیگر وکلاء موجود تھے۔