وحدت نیوز(اسلام آباد) چیئرمین مجلس وحدت مسلمین پاکستان علامہ راجہ ناصر عباس جعفری نے اپنے ایک بیان میں کہا ہے کہ پارا چنار پر باربار جنگ مسلط کرنے کی کوشش ناقابل برداشت ہے۔
پاراچنار کے شیعہ عوام پاکستان کے دفاع کی فرنٹ لائن ہیں، انہیں کمزور کرنے کا مطلب پاکستان کو کمزور کرنا ہے۔
پارا چنار میں معصوم بے گناہ انسانی جانوں سے کھیلنے والے ملک و قوم کے دشمن ہیں۔قانون نافذ کرنے والوں ادارے ہوش کے ناخن لیں،
پاراچنار ملک کا حساس ترین علاقہ ہے۔یہاں کے عوام کو حالات کے رحم و کرم پر چھوڑنا ایک بھیانک غلطی ہو گی۔
پارا چنار میں جو چنگاری سلگانے کی کوشش کی جا رہی ہے وہ اگر بھڑک اٹھی تو اس کی حرارت پورے ملک میں پھیلنے سے کوئی بھی نہیں روک سکے گا۔
