وحدت نیوز(خوشاب)مجلس وحدت مسلمین پاکستان کے وفد کی علامہ نصیر حسین ملک کے بھائی کی  اچانک وفات پر پدھراڑ ضلع خوشاب جاکر تعزیت پیش کی اور فاتحہ خوانی کی ۔ مرکزی سیکرٹری سیاسیات مجلس وحدت مسلمین پاکستان  جناب سید اسد عباس نقوی ، صوبائی صدر مجلس وحدت مسلمین صوبہ پنجاب جناب علامہ سید علی اکبر کاظمی  اور صوبائی آفس سیکریٹری ظہیر کربلائی نے  علامہ ملک نصیر حسین مجلس علمائے امامیہ پاکستان کے صدر اور پرنسپل دارالعلوم محمدیہ سرگودھا کے بڑے بھائی کی ناگہانی وفات پر گہرے دکھ کا اظہار کیا اور علامہ ملک نصیر حسین کے آبائی گاوں پدھراڑ ضلع خوشاب جاکر ان سے تعزیت کی اور اجتماعی فاتحہ خوانی کی گئی۔  

فاتحہ خوانی میں ملک نصیر حسین کے خانوادہ کے لوگ بھی موجود تھے ۔ چیئرمین مجلس وحدت مسلمین پاکستان علامہ راجہ ناصر عباس جعفری کی جانب سے تعزیت کا پیغام پہنچایا گیا ۔ طبعیت ناساز ہونے کی بنا پر قبلہ راجہ ناصر عباس جعفری خود تشریف نہ لا سکے ۔ علامہ ملک نصیر حسین نے مجلس وحدت مسلمین پاکستان کے وفد کا پدھراڑ آمد پر شکریہ ادا کیا اور علامہ راجہ ناصرعباس جعفری صاحب کی صحت وسلامتی کے لئے دعا بھی کی ۔