وحدت نیوز(ملتان) مجلس وحدت مسلمین پاکستان یوتھ ونگ کے مرکزی سیکرٹری علامہ اعجاز حسین بہشتی نے کہا ہے کہ امام مظلوم کا ذکر ہر ظالم و جابر کو ناگوار گزرتا ہے، ذکر سید الشہداء اور عزاداری سید الشہداء ظلم اور ظالمین کے خلاف علم بغاوت ہے۔ ان خیالات کا اظہار اُنہوں نے ملتان میں ایم ڈبلیو ایم عزاداری ونگ جنوبی پنجاب کے زیراہتمام منعقدہ تحفظ حقوق تشیع کانفرنس و چہلم شہدائے پاراچنار کی مناسبت سے اجتماع سے خطاب کرتے ہوئے کیا۔
علامہ اعجاز حسین بہشتی نے مزید کہا کہ عید غدیر کو سب سے بڑی عید کے طور پر منائیں، اپنے علاقوں کو غدیری رنگ میں ڈھالیں، اگر غدیر کو فراموش نہ کیا جاتا تو عاشور برپا نہ ہوتا۔ میں جوانوں سے اپیل کرتا ہوں غدیری ماحول کو پروان چڑھائیں اور حقیقی ولایت کا پرچار کریں۔
