وحدت نیوز(اسلام آباد) مجلس وحدت مسلمین پاکستان کے مرکزی وائس چیئرمین علامہ سید احمد اقبال رضوی نے کلرکہار میں بس کے المناک حادثے میں قیمتی جانوں کے ضیاع پر دلی دکھ اور افسوس کااظہار کیا ہے۔

انہوں نے جان لیوا حادثے میں جاں بحق 14افراد کے اہل خانہ سے تعزیت اور ہمدردی کا اظہارکرتے ہوئے کہا کہ متاثرہ خاندانوں کے لیے صبر اور زخمیوں کی جلد صحت یابی کیلئے دعا گو ہیں،مقامی انتظامیہ زخمیوں کو بہترین طبی امداد کی فراہمی کو یقینی بنائے۔

ان کا مزید کہناتھا کہ افسو س کی بات ہے کہ ہماری حکومت پے درپےسنگین حادثات کے باوجود ٹریفک قوانین پر درست عمل درآمد اور سڑکوں کی بہتری کیلئے کوئی خاطر خواہ اقدامات نہیں اٹھارہی ابھی چند روز قبل ہی گلگت میں بھی المناک ٹریفک حادثے میں دو درجن سے زائد مسافر لقمہ اجل بن گئے تھے۔