وحدت نیوز(کراچی) وائس چیئرمین مجلس وحدت مسلمین پاکستان اور رکن مرکزی نظارت آئی ایس او پاکستان  علامہ سید احمد اقبال رضوی کی آئی ایس او کراچی  کے ڈویژنل کنونشن میں شرکت اورمامیہ طلبا سے خصوصی خطاب ۔کنونشن سے خطاب کرتے ہوئے انہوں نے کہا کہ آئی ایس او صالح نوجوانوں کی تنظیم ہے یہ تنظیم شھید قائد اور ڈاکٹر شھید کے نظریہ کی وارث ہے، آئی ایس او کے نوجوان امام خمینی اور رھبریت کے سچے پیروکار ہیں آج یہ تنظیم عصر حاضر کی عالمی اور ملکی سامراجی قوتوں کے سامنے ڈٹی ہوئی ہے۔ انہوںنے مزید کہا کہ عصر غیبت میں امام کے ظہور کے لئے تنظیم کے جوانوں کو مزید اخلاق تعلیم اور خدمت خلق پر توجہ دینے کی ضرورت ہے۔ کنونشن کے آخر میں علامہ سید احمد اقبال رضوی نے  کراچی ڈویژن کے لئے بطور صدر دیباج حیدر عابدی کے نام کا اعلان بھی کیاجنہیں شوریٰ عمومی نے کثرت رائے سے منتخب کیا تھا۔