وحدت نیوز(اسلام آباد) سیکرٹری جنرل مجلس وحدت مسلمین گلگت بلتستان آغا سید علی رضوی کی سربراہی میں ایم ڈبلیو ایم کی اعلیٰ حکومتی شخصیات اورگلگت بلتستان کے کے رہنماؤں کے وفد کی سربراہ مجلس وحدت مسلمین پاکستان علامہ راجہ ناصر عباس جعفری سے ملاقات۔ملاقات میں موجودہ ملکی صورتحال،گلگت بلتستان کے مختلف ایشوز سمیت مختلف امور پر تبادلہ خیال کیا گیا۔
ایم ڈبلیو ایم جی بی کے وفد میں ممبر گلگت بلتستان کونسل شیخ احمد علی نوری،منسٹر ایگریکلچر گلگت بلتستان کاظم میثم،معاون خصوصی وزیر اعلیٰ گلگت بلتستان الیاس صدیقی،صوبائی رہنما ایم ڈبلیو ایم الحاج محمد علی شامل تھے۔اس موقع مرکزی ڈپٹی سیکرٹری جنرل ایم ڈبلیو ایم علامہ احمد اقبال رضوی،سیدناصر شیرازی اور اسدعباس نقوی بھی شریک تھے۔
