وحدت نیوز(اسلام آباد) مجلس وحدت مسلمین پاکستان کے مرکزی سیکرٹریٹ کے زیر اہتمام جشن مولود کعبہ کا انعقاد کیاگیا۔جشن سے خطاب مرکزی ڈپٹی سیکرٹری جنرل علامہ مختار امامی اور معروف عالم دین علامہ اصغر عسکری نے کیا۔ اس موقع پر زاکر اہلبیت ع برادر شہزاد حسین ،مولانا نفیس شریف اور حماد رضا نے مولا کائنات کے شان میں بہترین کلام پیش کیے۔ جشن مولود کعبہ میں امامیہ اسٹوڈنٹس آرگنائزیشن پاکستان کے مرکزی صدر برادر عارف الجانی ، مرکزی ڈپٹی سیکرٹری جنرل برادر سید ناصر عباس شیرازی نے نے خصوصی شرکت کی۔

اس موقع پر مجلس وحدت مسلمین اسلام آباد اور ضلع راولپنڈی کے عہداروں نے بڑی تعداد میں شرکت کی۔ جشن کے آخر میں مہمانان گرامی کو تحائف پیش کئے گئے۔ اس موقع پرکیک بھی کاٹا گیا۔ مرکزی خطیب علامہ مختار امامی نے اپنے خطاب میں کہا کہ جس طرح مولا کائنات ع سے بڑے پہلوان اور قوتیں حوف زدہ ہوتی تھی۔ اس طرح آج کے زمانے میں مولا علی ع کے سچے بیٹے سید علی خامنہ ای سے بھی بڑی بڑی قوتیں حوف زدہ رہتی ہیں بڑی بڑی قوتیں علی ع کے بیٹے کی تقریروں کے ترجمے کرتے ہیں۔ہم پاکستان میں بھی ایسے قائد کے پیچھے چلتے ہیں جو محالفین کی آنکھوں میں آنکھیں ڈال کر علی خامنہ ای کے راستے پر چل رہاہو جس طرح کل شہید قائد عارف حسین الحسینی اسی خط پر اپنی جان قربان کرچکے ہیں۔ہم اسی راستے پر اپنی جان دینے کو تیار ہیں۔