وحدت نیوز(اسلام آباد)مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے اصغریہ آرگنائزیشن پاکستان کےمرکزی صدر نسیم عباس منتظری کے انتقال پر گہرے رنج و غم کا اظہار کیا ہے۔
انہوں نے کہا کہ مرحوم قوم کے لیے بے پناہ درد رکھتے تھے ان کی ساری زندگی قوم کی فکری تربیت اور فلاح و بہبود میں بسر ہوئی۔ان کا انتقال پوری قوم بالخصوص وادی مہران کے تشیع کے لیے ناقابل تلافی نقصان ہے۔قوم کے لیے مرحوم کی بے لوث اور مخلصانہ خدمات کو ہمیشہ یاد رکھا جائے گا۔علامہ راجہ ناصر عباس جعفری نے مرحوم کی بلندی درجات اور پسماندگان کے لیے صبر کی دعا کی ہے
