وحدت نیوز(راولپنڈی) مجلس وحدت مسلمین کے مرکزی سیکریٹری تعلیم و  و مرکزی کنوینر مہدی ؑ برحق کانفرنس نثار علی فیضی کا کانفرنس کے حوالے سے عوامی رابطہ مہم کے سلسلے میں جامع مسجد  قصر شبیر ڈھیری شاہ ٹیکسلا میں خطاب کرتے ہوئے کہنا تھا کہ  کربلا سےہمیں دو ہی کردار ملتے ہیں، ایک شہادت کے رتبہ پر فائز ہونے والے اور دوسرا شہادت کا پیغام کوچہ و بازار میں عام کرنے والے، اس وقت ہم پر فرض ہے کہ ہم کردار زینبی کو اپناتے ہوئے شہداء کے امین و وارث بن کر امام مہدی عج کے ظہور کی زمینہ سازی کریں۔ ملت پاکستان شہید قائد کے افکار کی روشنی میں امام کے ظہور کی زمینہ سازی کر رہی ہے۔ 41 ممالک کا بلاک امام کے ظہور کے راستے روکنے والوں کا بلاک ہے، ہم پاکستان کو اسکا حصہ نہیں بننے دیں گے۔ ہمارا ملک اسلامی جمہوریہ پاکستان ایک ایٹمی طاقت ہے اور ہمیں ذمہ دارانہ کردار ادا کرنا ہے۔ ہمیں قائد اور اقبال کے پاکستان کو تکفیریت کے عفریت سے بچانا ہے۔ ہمارے آباؤ اجداد نے اس ملک کو بنایا تھا اور ہم ہی اس کو بچائیں گے۔ بعد از خطاب نثار فیضی فیضی نے ہری پور کے عمائدین کی ایک اہم اجلاس میں شرکت کی اور مہدی برحق کانفرنس میں شرکت کی دعوت دی۔ اجلاس کے بعد انہوں نے ہری پور میں میڈیا کے نمائندوں سے بھی ملاقات کی اور کانفرنس کے حوالے سے تفصیلی بات چیت کی۔ اس موقع پر ایم ڈبلیو ایم خیبر پختونخواہ کے سیکریٹری جنرل علامہ اقبال بہشتی، علامہ وحید کاظمی ڈپٹی سیکریٹری جنرل کے پی کے، آغا بخاری، نیئر عباس بھی موجود تھے۔