وحدت نیوز(مشھد مقدس)مجلس وحدت مسلمین شعبہ مشہدمقدس کے زیراہتمام دفتر مجلس میں جشن صادقین کی مناسبت سے خصوصی پروگرام کا اہتمام کیا گیا، جس میں مشھد مقدس میں پاکستانی زائرین کے لئے لگایے گئے موکب کے خدام حضرات نے خصوصی شرکت کی۔ پروگرام کی ابتدا تلاوت کلام مجید سے کی گئی، تلاوت کی سعادت قاری کاظم علی نے حاصل کی، قسور عباس اور شھباز علی نے نعت رسول مقبول اور منقبت  پڑھی۔ حجت الاسلام عقیل حسین خان مسئول شعبہ مجلس وحدت مسلمین مشھد مقدس نے ان مبارک ایام کے موقع پر تمام خدام زائرین اباعبداللہ الحسین علیہ السلام کو خصوصی طور پر مبارک پیش کی۔ حجت الاسلام آزاد حسین نے تمام خدام کی توفیقات خیر میں اضافہ کے لئے خصوصی دعا کرائی۔ مقاومت کی کامیابی، دشمن کی بربادی اور وطن عزیز کی سلامتی اور رھبر معظم کی طول عمر کے لئے دعا کی گئی، تمام مہمانوں کی مٹھائی اور مولا امام رضا علیہ السلام کے متبرک کھانے سے خاطر تواضح کی گئی۔