وحدت نیوز(لاہور) ممتاز ذاکر اہل بیت (ع)علامہ ناصرعباس آف ملتان کی نماز جنازہ آج دوپہر دو بجے گورنر ہائوس کے باہر ادا کی جائے گی۔ مجلس وحدت مسلمین کے صوبائی ترجمان مظاہر شگری کے مطابق علامہ ناصرعباس کی میت کا پوسٹ مارٹم ہوگیا ہے، شہید کا جسد خاکی غسل و کفن کے مراحل کی تکمیل کے بعد واپس گررنرہائوس پہنچ چکا ہے اور ان کے قتل کا مقدمہ بھی درج کر لیا گیا ہے، جس کے بعد نماز جنازہ ادا کرنے کا اعلان کر دیا گیا ہے۔ نماز جنازہ ٹھیک ۵بجے ادا کی جائے گی۔ دوسری جانب وزیراعلٰی پنجاب شہباز شریف نے بھی آئی جی پنجاب پولیس سے واقعہ کی رپورٹ طلب کر لی ہے۔ وزیراعلٰی نے ہدایت کی ہے کہ علامہ ناصر عباس کے قاتلوں کو 24 گھنٹوں کے اندر اندر گرفتار کیا جائے۔