وحدت نیوز (نجف اشرف) سیکریٹری امور خارجہ مجلس وحدت مسلمین پاکستان علامہ ڈاکٹرسید شفقت حسین شیرازی کی جوار جناب امیر المومنین حضرت علی ابن ابی طالب علیہ السلام نجف اشرف میں وفد کے ہمراہ مرجع عالیقدر آیت اللہ العظمی حافظ شیخ بشیر حسین نجفی (دام ظلہ) سے ملاقات
تفصیلات کے مطابق سیکرٹری امور خارجہ مجلس وحدت مسلمین پاکستان وعالمی ادارہ الباقر ومجلس علماء امامیہ پاکستان کے بانی و سربراہ حجت الاسلام والمسلمین ڈاکٹر سید شفقت حسین شیرازی کی ایم ڈبلیو ایم شعبہ نجف کے صدر علامہ سید خاور عباس نقوی ہمراہ اعضاء کابینہ و حوزة علمیہ امام باقر (ع) دمشق سيدة زينب (ع) کے مدير حجت الاسلام علامہ ڈاکٹر شیخ محمد حسن تقی ومدرس حوزہ شیخ عبدالغنی جابر کے ساتھ مرجع عالیقدر آیت اللہ العظمى شيخ حافظ بشیر حسین نجفی صاحب سے انکے دفتر نجف اشرف میں ملاقات۔
اس ملاقات میں شام سے تشریف لانے والے مہمانان گرامی نے مرجع عالیقدر کی خدمت میں شام کے موجودہ حالات اور وہاں تشیع کے مسائل کی وضاحت کی اور سربراه عالمی ادارة الباقر نے انہیں بتایا کہ شام میں رجیم چینج کے بعد دمشق میں موجود حوزہ علمیہ امام باقر (ع) کا تدریسی عمل اب نجف اشرف جوار اقدس أمير المؤمنين علیہ السلام میں آپکے زیر سرپرستی کرنا چاھتے ہیں ۔ جس پر مرجع عالیقدر نے حوصلہ افزائی فرمائی اور دعائیں دیں اور نیک خواہشات کا اظہار کیا۔
