The Latest
وحدت نیوز(حیدر آباد)امریکہ ، اسرائیل اور سعودیہ اپنے مضموم عزائم کی تکمیل کے لئے عراق میں خانہ جنگی کو ہوا دے رہے ہیں ، تکفیریوں کے لئےشام کی شکست کا زخم بہت گہرا ہے،مقدس مقامات کی حرمت کی پاسداری کسی خاص مسلک کی ذمہ داری نہیں ، عواقی عوام کے جذبے صادق ہیں ، مرجعیت ہی بہترین قیادت ہے، عراق میں ذلت و رسوائی دشمنان اسلام کاجلد مقدر بننے گی، ان خیالات کا اظہار مجلس وحدت مسلمین پاکستان کے مرکزی ڈپٹی سیکریٹری جنرل علامہ محمد امین شہیدی نے ایم ڈبلیو ایم ضلع حیدرآباد کے زیر اہتمام قدم گاہ مولا علی ع تا پریس کلب تک نکالی گئی تحفظ کربلا و نجف ریلی سے خطاب کرتے ہوئے کیا،جس میں خواتین و حضرات کی بری تعداد نے شرکت کی، جنہوں نے ہاتھوں میں بینرز ، پلے کارڈ اور پرچم اٹھا رکھے تھے، جن پر دہشت گردی مردہ باد، داعش تکفیری نامنظور، شیعہ سنی بھائی بھائی اور دیگر نعرے درج تھے، جب کہ مقررین میں ایم ڈبلیو ایم صوبہ سندھ کے ڈپٹی سیکریٹری جنرل عالم کربائی، ایم ڈبلیوایم ضلع حیدرآبادکے سیکریٹری جنرل علامہ امداد علی نسیمی،علامہ گل حسن مرتضوی اوردیگر شامل تھے۔
علامہ امین شہیدی کا کہنا تھا کہ اسلام دشمن قوتیں عراق میں جاری یک طرفہ دہشت گردی کو شیعہ سنی لڑی کا نام دینے کی کوششیں کر رہی ہیں ، اس سازش میں بعض بین الاقوامی خبر رساں ادارے بھی شامل ہیں ، عراق میں داعش کے حملے کے بعد حضرت آیت اللہ سیستانی کے جہاد کے فتویٰ اور اہل سنت مفتیان کرام کی جانب سے جہاد کے اعلان سے دشمنوں کی تمام ترسازشیں دم توڑ گئی ہیں ، اس وقت عراق کے تمام شیعہ سنی یک ، دل ، یک جان ہو کر اپنے مادر وطن سمیت مزارات مقدسہ کا دفاع کر نے مصروف ہیں ، انہوں نے مذید کہا کہ اگر ان بذدل دہشت گردوں نے کربلا ، نجف، کاظمین اور بغداد میں موجود مقامات مقدسہ کی جانب سے ایک قدم بھی بڑھایا تو پوری دنیا شیعہ سنی عوام کو ان تکفیریوں کے خلاف صف آرا دیکھے گی،پوری دنیا کے مسلمان اکھٹے ہو کر ان یزیدیوں کا مقابلہ کر سکتے ہیں ، تکفیری پوری دنیا میں دہشت گردی کر رہے ہیں جس کے پیچھے امریکا،سعودی عرب، اسرائیل اور پاکستان دشمن عناصر کا ساتھ ہے کربلا اور نجف کے مزارات مقدسہ کو کوئی بھی نقصان پہنچا یا گیا تو پوری امت مسلمہ اس بر بریت کے خلاف میدان عمل ہو گی۔
ان کامذید کہنا تھا کہ پاکستان کی حکومت اگر چہ پنجاب اور پوری ملک میں ان تکفیر یوں کو تحفظ د ے رہی ہے اور لاہور جیسے سانحات ا ور اسلام آباد میں دھماکے در حقیقت ہمار ی توجہ ہٹانے کی کوشش ہے ، پاکستان فوج کے ضرب عضب آپریشن نے اچھے نتائج دینا شروع ہی کیئے تھے کہ لاہور میں پنجاب حکومت نے دہشت گر دی کر کہ مظلوموں کو قتل کیا تاکہ آپریشن کے نتائج اور دہشت گردوں کی تقویت دینے کی کوشش کی جار ہی ہے ، علامہ محمد امین شہیدی نے مزید کہاکہ پنجاب حکومت دہشتگردوں کی محفوظ پنا گاہ ہے۔ عراق اور شام میں جو حالات یزیدی سو چ نے تکفیریاں پیدا کی ہیں وہ اسی سوچ کے حامی ہیں جن سے پاک فوج وزیرستان میں لڑ رہی ہے۔
وحدت نیوز(ہری پور) مجلس وحدت مسلمین خیبر پختونخوا کے سیکرٹری جنرل علامہ سید سبطین الحسینی نے ضلع ہری پور کی تحصیل خانپور کی کابینہ کی تقریب حلف برداری سے خطاب کرتے ہوئے کہا کہ علی (ع) کی آخری وصیت میں حسنین (ع) کے نام نظم کی تلقین کی گئی ہے۔ منظم قومیں ہی باوقار و سر بلند زندگیاں گزارتی ہیں۔ ان کا کہنا تھا کہ مکتب کربلا والے ہوتے ہی منظم ہیں۔ نظم و بیداری، بصیرت و استقامت سے ہی موجودہ حالات کا مقابلہ کیا جاسکتا ہے۔ باشعور رہ کر اور آپس میں متحد ہو کر ہم تشیع کے غنی مکتب کو سربلند رکھ سکتے ہیں۔ انہوں نے کہا کہ مجلس وحدت مسلمین میں ملک و ملت کے مسائل کے حل کی بات ہوتی ہیں۔ مجلس وحدت کے مسئولین شہید بہشتی کے نظریئے کے مطابق اپنے آپ کو طاقت و قوت بخشنے کے خواہش مند نہیں بلکہ خدمت کےلئے تشنہ و خواہاں سمجھتے ہیں۔ انہوں نے کہا کہ موجودہ دور میں آئمہ (ع) کے مکتب کو دل اور زبان سے تقویت دینے کی ضرورت ہے۔ ٢٨ جون کو شہداء کی یاد منانے کے لیے ٹیکسلا میں بیاد شہدا کانفرنس میں شرکت کر کے شہدا کے لہو سے عہد کرتے ہوئے قلب امام زمانہ (عج) کو شاد کریں گے۔
وحدت نیوز(لاہور) مجلس وحدت مسلمین ویمن ونگ کی مرکزی سیکریٹری جنرل خانم سکینہ مہدوی نےایک وفد کے ہمراہ منہاج القرآن سیکریٹریٹ لاہور میں منہاج القرآن ویمن لیگ کی مرکزی صدر راضیہ نوید سے ملاقات کی خانم سکینہ مہدوی نے پنجاب حکومت کی جانب سے بے گناہ کارکنان خصوصاً خواتین ورکرز پر گولیاں برسانے کو بزدلانہ کاروائی قرار دیتے ہو ئے کہا کہ مسلم لیگ ن جھوٹ ، دھاندلی ، دھوکے بازی اور بیرونی امداد سے اقتدار پر قابض ہوئی، ظلم و ناانصافی کے ساتھ حکومت کرنے والے اپنے اقتدار کی بقاء کی خاطر درندگی پر اتر آئے ہیں ، ایم ڈبلیوایم ویمن ونگ اس در خراش سانحے پر منہاج القرآن کے غم میں برابر کی شریک ہے، آخر میں شہدا ءکے بلندی درجات کیلئے خصوصی دعابھی کی گئی۔
وحدت نیوز(کوئٹہ ) مجلس وحدت مسلمین پاکستان کے رہنما اور ممبر بلوچستان اسمبلی آغا محمدرضا نے کہا کہ قوموں کی ترقی کا راز تعلیم کے حصول میں مضمر ہے ، الیکشن مہم کے دوران کئے گئے وعدوں کو ایک ایک کرکے اپنی استطاعت کے مطابق پورا کر رہے ہیں۔ بلوچستان یونیورسٹی علمدار روڈ کیمپس کا قیام اسی سلسلے کی کڑی ہے۔ ان خیالات کا اظہار بلوچستان اسمبلی کے منتخب رکن سید محمد رضا (آغا رضا) نے جامعہ بلوچستان یونیورسٹی علمدار کیپمس کی تقریب سنگ بنیادسے خطاب کرتے ہوئے کہا کہ اس عظیم الشان درسگاہ کا سنگ بنیاد رکھنا میرے لیے اعزاز کی بات ہے اور یہ میرا خواب کا پورا ہونا ہے۔ میرے لئے خدمت سیاست سے بڑھ کر حیثیت رکھتی ہے اور دوستوں سے بھی گزارش کرتا ہوں کہ عوامی خدمت کے اس سفر میں میرے شانہ بشانہ کام کریں۔ جامعہ بلوچستان علمدار کیمپس کے قیام سے کوئٹہ شہر کے طلباء مستفید ہونگے۔ ان کا مزید کہنا تھا کہ علمدار کیمپس کے قیام کے سلسلے میں وہ وفاقی اور صوبائی حکومتوں خصوصاً وزیر اعلیٰ بلوچستان کے بے حد مشکور ہیں جنہوں نے اس سلسلے میں اپنا کردار بر وقت ادا کیا اور تعلیم دوستی کا ثبوت دیا۔ علمدار کیمپس کے افتتاحی تقریب میں علاقہ عمائدین، کونسلرز، کوئٹہ یکجہتی کونسل کے ممبران، تعلیمی اداروں کے سربراہان اور اعلیٰ سرکاری حکام نے شرکت کیں۔ شرکاء نے علمدار کیمپس کے قیام کو خوش آئند قرار دیا اور امید ظاہر کی کہ علاقہ ایم پی اے عوام سے کئے گئے وعدے اسی طرح پوری کرتے رہینگے۔ تقریب کے اختتام پر ایم پی اے آغا رضا نے ہزارہ ٹاون میں بھی ایک اور کیمپس کے افتتاح کی نوید سنائی۔
وحدت نیوز(کوئٹہ) مجلس وحدت مسلمین کے سربراہ علامہ مقصود علی ڈومکی نے کہا ہے کہ نواز لیگ کی موجودہ حکومت جعلی انتخابات اور جعلی مینڈیٹ کے تحت برسراقتدار آئی ہے۔ وہ ملکی اور قومی مفادات کے بجائے اغیار کے ایجنڈے کی تکمیل میں مصروف ہے۔ نواز شریف اور شہباز شریف اقتدار میں رہنے کا اخلاقی جواز کھو چکے ہیں۔ لہذٰا انہیں مستعفی ہونا جانا چاہیئے۔ ہم پنجاب کے وزیر لاقانون رانا ثناءاللہ کی برطرفی کا خیر مقدم کرتے ہیں۔ انہوں نے کہا کہ نجف اور کربلا سے عشق و محبت ایمان کی نشانی ہے۔ لہذٰا دنیا بھر کے کروڑوں غیرت مند شیعہ و سنی مسلمان متحد ہو کر انکا دفاع کریں گے۔ اہل بیت اطھار (ع) کے مقدس مزارات کی جانب بڑھنے والے ہاتھوں کو کاٹ دیں گے۔ کربلا معلٰی، نجف اشرف، کاظمین اور سامرہ میں آل رسول ﷺ کے مقدس مزارات کروڑوں مسلمانوں کی محبت اور عقیدت کا مرکز ہیں، ان پر حملہ، اسلام پر حملہ تصور ہوگا۔ داعش سامراجی آلہ کار دہشت گرد گروہ ہے۔ جسے کسی مکتبہ فکر کی حمایت حاصل نہیں۔ شام میں ذلت آمیز شکست کے بعد عراق ان کے عبرتناک انجام کا گواہ ہوگا۔ انہوں نے کہا کہ جب بھی عراق کے غیور عوام اور مراجع عظام نے پکارا ہم سر پر کفن باندہ کر کربلا کی جانب نکلیں گے۔ کربلا عشاق کی منزل ہے، ہم اس دن کے انتظار میں ہیں۔ اس وقت تک کربلائے پاکستان میں یزیدیت کے مقابل میدان میں حاضر اور سینہ سپر رہیں گے۔
وحدت نیوز ( کراچی) عراق میں صحابہء کرامؓ ،اہلبیت اطہارؓ اور اکابرین امت کے مزارات کی توہین یہودی منصوبہ ہے ،صیہونی عراق میں فتنوں کو جنم دے کر اسے گریٹر اسرائیل میں شامل کرناچاہتے ہیں، ISIS(داعش )کے دہشتگرد اس دورمیں خوارج کی بدترین شکل ہیں ،جن کی سرپرستی امریکا کررہاہے، نجف اشرف، کربلائے معلی اور بغداد سے دنیابھر کے مسلمانوں کاروحانی وقلبی تعلق ہے جسے کوئی ختم نہیں کرسکتا،ان خیالات کا اظہارجمعیت علماء پاکستان کے زیراہتمام شام کے بعد عراق میں داعش نامی انتہاپسند تنظیم کی جانب سے علماء کرام ومشائخ عظام اورنہتے مسلمانوں کی شہادت اور مزارات مقدسہ کو مسمارکرنے کے ناپاک منصوبے کے خلاف کراچی پریس کلب کے باہر احتجاجی مظاہرے سے خطاب کرتے ہوئے جمعیت علماء پاکستان کے صوبائی ناظم اعلیٰ علامہ السید عقیل انجم قادری، کراچی ڈویژن کے صدرعلامہ قاضی احمدنورانی صدیقی، جنرل سیکریٹری مفتی بشیرالقادری، سینئرنائب صدر مفتی رفیع الرحمان نورانی، علامہ غلام غوث گولڑوی، علامہ خلیل احمدنورانی، پروفیسرانواراحمدشیخ، عبدالوحیدیونس نورانی،مولاناہارون نعیمی،مولاناشاہد قادری،حافظ شاہداللہ نورانی ودیگر نے کیا۔
اس موقع پر مظاہرین نے ISIS(داعش) نامی انتہاپسند تنظیم کی عراق میں مذموم کارروائیوں کے خلاف بینرزاور پلے کارڈز اٹھارکھے تھے، جن پر درج تھاکہ داعش کا اہلسنّت سے کوئی تعلق نہیں ہے، داعش ایک دہشتگرد تنظیم ہے، جسے اسرائیل اور امریکاکی کی سرپرستی حاصل ہے۔بعض پلے کارڈز پر حضرت سیدناعلی کرم اللہ وجہہ الکریم ،حضرت سیدناامام حسینؓ،حضرت عباسؓ،حضرت امام اعظم ابوحنیفہؓ ، حضرت غوث الاعظمؓ ،حضرت سری سقطیؒ ، حضرت جنیدبغدادیؒ اور دیگر اکابرین کے مزارات کے تحفظ کے حوالے سے سے عبارات درج تھیں، جبکہ شرکاء نے کلمہء طیبہ اور گنبدخضراء سے مزین سبز جھنڈے اٹھائے ہوئے تھے جومسلسل نعرہء تکبیر ،نعرہء رسالت اور دہشتگردوں کے خلاف نعرے لگارہے تھے۔
اس موقع پر خطاب کرتے ہوئے مقررین نے کہاکہ امریکاعراق کی خانہ جنگی میں ملوث ہونے کے بجائے ویت نام کی جنگ سے سبق حاصل کرے، سرزمین عراق کسی بھی فرقہ پرستانہ سوچ کی متحمل نہیں ہوسکتی، عراق کی خانہ جنگی اس ملک کا اندرونی معاملہ ہے لہٰذاOICاوراقوام متحدہ القاعدہ کی ذیلی تنظیم دولت اسلامی شام وعراق (داعش) کے عالمی دہشتگردوں کو عراقی مسلمانوں کے قتل عام سے بازرکھے،امریکا اور اس کے حواری داعش کی دہشتگردانہ کارروائیوں کو سنّی ردعمل سے موسوم نہ کرے،دنیابھرکے مسلمانان اہلسنّت جواس امت کے سواداعظم ہیں انتہائی پرامن ہیں اور ہمیشہ اسلام کے امن وسلامتی کے پیغام کو عام کرتے ہیں۔
علماء ومشائخ اہلسنّت نے اپنے خطاب میں کہاکہ عراق عقیدتوں کی سرزمین ہے جس سے اسلام کے ماننے والے مختلف فرقوں کی روحانی اور جذباتی وابستگیاں قائم ہیں،جن کے لئے ہرمسلمان تن من اور دھن قربان کرنے کے لئے ہمہ وقت تیارہے،دنیاکے مختلف خطوں میں اسلام کی من مانی تشریح کرنے والے اور مسلمانوں کی واضح اکثریت پر کفروشرک کے فتوے لگانے والے انتہاپسند مختلف ناموں کے بعد اب داعش کے نام پر عراق کے مختلف شہروں میں نہتے مسلمانوں ،علماء اور مشائخ کا بہیمانہ قتل عام کررہے ہیں جبکہ وہ صدیوں سے قائم مساجد، مدارس اور ان سے ملحق کتب خانوں پر قبضہ کرنے، صحابہ واہلبیت اور مشائخ کے مزارات کو مسمار کرنے کے مذموم ارادوں کا اظہارکررہے ہیں، المیہ یہ ہے کہ عراق کے شہروں موصل، کرکوک، فلوجہ، تکریت ،صلاح الدینیہ میں وحشیانہ قتل عام اور قبضہ کرنے کے بعد یہ انتہاپسند بغداد کے قریب پہنچ چکے ہیں۔
انہوں نے سواداعظم اہلسنّت کا مؤقف واضح کرتے ہوئے کہاکہ حقیقت یہ ہے کہ دنیابھرمیں موجودسواداعظم اہلسنّت سے اس داعش نامی گروہ کا کوئی علمی ،فکری اور قلبی تعلق نہیں،نہ ہی دنیابھرمیں موجودسنی مسلمان ان کے قبیح افعال کی حمایت کرسکتے ہیں،دوسری طرف امریکا ان دہشتگردوں کی آڑ لے کر عراق کے مختلف شہروں پر بمباری کا ایک بارپھر عندیہ دے رہاہے،ایسامحسوس ہوتاہے کہ امریکا عراق کے داخلی معاملات میں ملوث ہونے کی غلطی دہرانے جارہاہے،انہوں نے کہاکہ شام کی طرح عراق میں بھی اولیاء اللہ کے مزارات مقدسہ موجود ہیں اور ہم نے شام میں بھی دیکھا ہے کہ کس طرح ان دہشت گردوں نے حضرت حجر بن عدیؓ اور دیگر اصحاب رسول اکرمؓ کے مزارات مقدسہ کو نقصان پہنچایا اور ان مزارات کو بھی دہشت گردی کا نشانہ بنایا تاہم ہم واضح کر دینا چاہتے ہیں کہ عراق میں بھی صحابہ اہلبیت ،اولیائے کاملین ،آئمہ اور ا ن کے شاگردوں اور اصحا ب کے مزارات بھی موجود ہیں، اگر ان مقدس مقامات پر آنچ آئی تو اہل سنت عوام خاموش نہیں بیٹھیں گے اور ان اسلام دشمن عناصر کے خلاف سخت احتجاجی رد عمل اختیار کیا جائے گا۔ گذشتہ دنوں داعش نامی دہشت گرد گروہ نے حضرت غوث اعظم رحمۃ اللہ علیہ کے مزار مقد س پر حملہ کرنے کا اعلان کیا ہے جبکہ موصل کے مضافاتی علاقوں میں بھی جناب غوث اعظم رحمۃ اللہ علیہ کے اصحاب کے مزارات کو نقصان پہنچایا گیا ہے۔
واضح رہے کہ داعش نے موصل پر قبضے کے پہلے روز بغداد اور نجف سمیت کربلا کی طرف حملے کرنے کا اعلان بھی کیا تھا۔مقررین نے اپنے خطاب میں کہاکہ ہم افواج پاکستان کی بھرپور حمایت کا اعلان کرتے ہیں اور انکی کامیابی کے لئے دعا گو ہیں ، کیونکہ یہ وہی دہشت گرد ٹولہ ہے جو شام اور عراق میں انسانوں کو ذبح کر کے انسانوں کے کلیجے چبا رہا ہے اور انہی کے ہم نوا یہاں پاکستان میں بھی معصوم پاکستانیوں کو دہشت گردی کا نشانہ بنا رہے ہیں تاہم افواج پاکستان کی جانب سے ان دہشت گردوں کے خلاف جاری آپریشن بالکل راست اقدام ہے اور اہل سنت عوام اس آپریشن کی مکمل حمایت کا اعلان کرتے ہوئے افواج پاکستان کے شانہ بشانہ کھڑی ہوئی ہے، ہم نے ماضی میں بھی کہا تھا کہ ان دہشت گردوں کا جو سنی مکتب فکر کا نام استعمال کر رہے ہیں اور سنی عوام کو بدنام کرنے کی کوشش کر رہے ہیں ان کا سنی مکتب سے کسی قسم کا کوئی تعلق نہیں ہے اور ہم آج ایک مرتبہ پھر اس بات کا اعلان کرتے ہیں کہ اہل سنت کسی ایسے دہشت گرد گروہ کو قبول نہیں کرتے جو دوسرے مسلمانو ں کو کافر قرار دیتا ہو یا انسانوں کو قتل کرتا ہو۔انہوں نے کہاکہ عالمی استعمارکی سازشوں کا مقابلہ کرنے کے لئے عالم اسلام متحدہواور کفریہ طاقتوں کے سامنے سیسہ پلائی دیواربن کر مسلمانوں کادفاع کرے۔
وحدت نیوز(کراچی) مجلس وحدت مسلمین پاکستان صوبہ سندھ کے سیکرٹری جنرل علامہ مختار امامی نے کہا ہے کہ عراق میں سامراجی ایجنٹوں کی جانب سے مقد س مزارات پرحملے عرب ممالک کی امریکی پیروی کا نتیجہ ہے شام میں دہشتگردوں کی شکست کا بدلہ لینے کیلئے امریکی ایجنٹوں نے اب عراق کا رخ کیا ہے ،عراقی شیعہ و سنی عوام مستحکم ہیں انشا اللہ تکفیریوں پر جلد ہی قابو پا لیا جائے گا ۔ان خیالات کا اظہار مجلس و حدت مسلمین کے صوبائی سیکر ٹری جنرل علامہ مختار امامی نے و حدت ہاؤس ’’ مشرق و سطیٰ کی موجودہ صورت حال‘‘ کے نام سے منعقدہ سیمینار سے خطاب میں کیا اُن کا کہنا تھا کہ عرب ممالک خود دلدل میں پھنس گئے ہیں اور آج ان کو اپنی بادشاہت خطر ے میں نظر آرہی سامراجی سہارے پر چلنے والی عرب حکومتوں کا سورج غروب ہو گیا عوام نے خود اپنے نمائندگان چنے اور بڑے بڑے ڈکٹیٹرز کا خاتمے ہو گیا جنہیں سامراجی کو ششوں کے باو جو نہیں بچایا جا سکا شام میں میں پلانٹڈ دہشتگردوں کا اصل چہرہ سامنے آنے کے بعد اب تکفیری دہشتگرد شام و عراق میں کاروائیاں کر رہے ہیں ۔اُ ن کا کہنا تھا کہ الحمد اللہ شام کی طرح عراق میں بھی شیعہ و سنی متحد ہیں شیعہ و سنی علماء کرام کی جانب سے دہشتگرد تنظیم داعش کے خلاف مشترکہ جہاد کے اعلان کے بعد اب ان دہشتگردوں کو تاریخی شکست ہوگی ایسی طرح مملکت خدادا پاکستان کی شیعہ و سنی عوام متحد ہے اور پاکستان میں بھی ان تکفیری دہشتگردوں کو ان کے عزائم میں مکمل ناکامی ہوگی ۔
وحدت نیوز(کوئٹہ) مجلس وحدت مسلمین کے رہنماء علامہ سید ہاشم موسوی نے کہا ہے کہ عراق میں امریکہ و اسرائیل سمیت دیگر استعماری قوتیں مسلمانوں کا خون بہانے کے درپے ہیں۔ انکا کہنا تھا کہ شام میں اپنی ناکامی کے بعد چند عرب بادشاہ اور دیگر استعماری قوتیں اب عراق میں اپنے مذموم مقاصد کو حاصل کرنے کیلئے شیعہ اور سنی دونوں کا خون بہاء رہی ہیں۔ نام نہاد دہشتگرد تنظیم داعش کو اہل سنت کا نام دینا، انکی سازشوں میں سے ایک ہے۔ شیطانی قوتوں نے پورے خطے میں شیعہ سنی مسلمانوں کو آپس میں لڑانے کی بھرپور کوشش کی، لیکن ہر جگہ پر انہیں شکست کا سامنا کرنا پڑا۔ انہوں نے کہا کہ کسی بھی ملک میں جب کوئی گروہ ریاست کیخلاف ہتھیار اُٹھاتا ہے، تو اسے باغی اور دہشتگرد کہا جاتا ہے۔ لہذٰا یہ دہشتگرد گروہ عراقی ریاست سمیت وہاں پر موجود آئمہ طاہرین کے مزارات کو نقصان پہنچا کر مسلمانوں میں فرقہ واریت کو ہوا دینا چاہتے ہیں، لیکن وہ اپنے مذموم مقاصد میں کامیاب نہیں ہو پائینگے۔ اور جسطرح دیگر ممالک میں ان تکفیریوں کو شکست ہوئی، اسی طرح عراق میں بھی شیعہ سنی ملکر نہ صرف اپنے ملک کو بلکہ وہاں پر قائم بزرگان دین کے مزارات کی بھی حفاظت کرینگے۔
علامہ سید ہاشم موسوی کا مزید کہنا تھا کہ پاکستان کے ریاستی اداروں نے شمالی وزیرستان میں دہشت گردوں کیخلاف آپریشن کا حتمی فیصلہ کرکے ملکی عوام کے جذبات کی اصل ترجمانی کی ہے۔ انکا کہنا تھا کہ پاکستانی افواج، سکیورٹی اہلکاروں، سیاستدانوں، علماء اور عوام کو نشانہ بنانے والوں کیخلاف کسی بھی قسم کی رعایت نہیں برتنی چاہیئے۔ پاکستانی عوام اور شُہداء کے لواحقین قرآنی تعلیمات کو مدنظر رکھتے ہوئے ان دہشتگردوں سے قصاص کا مطالبہ کرتے چلے آئے ہیں۔ علامہ سید ہاشم موسوی نے کہا کہ حکومت کو شمالی وزیرستان کی طرح ملک بھر میں بلاتفریق ان تکفیری دہشتگردوں کیخلاف کاروائی کرنی ہوگی۔ خصوصاً بلوچستان میں مستونگ سمیت دیگر علاقوں میں ان تکفیریوں کا بھرپور قلع قمع کرنا ہوگا۔ ان کا مزید کہنا تھا کہ کوئٹہ میں زائرین کو گذشتہ کئی عرصے سے مشکلات کا سامنا کرنا پڑ رہا ہیں۔ وفاقی و صوبائی حکومت کو چاہیئے کہ وہ پاکستان بھر کے شیعہ سنی زائرین کیلئے تفتان کے زمینی راستے کو محفوظ بنا کر اسے کھولے۔ ہوائی جہاز کے کرائے غریب عوام پوری نہیں کرسکتی، لہذا جلد از جلد تفتان روٹ کو ملک بھر کے زائرین کیلئے بحال کیا جائے۔
وحدت نیوز(لاہور) طاہرالقادری کی پاکستان آمد پر ان کی راہ میں رکاوٹیں ڈالنا حکومت کی بوکھلاہٹ کا عکاس ہے۔ ان خیالات کا اظہار مجلس وحدت مسلمین پاکستان کے مرکزی ترجمان و مرکزی ڈپٹی سیکرٹری جنرل علامہ حسن ظفر نقوی نے ایم ڈبلیوایم لاہور ڈویژن کے مسئولین کے اجلاس سے خطاب کرتے ہوئے کیا۔ اُن کا کہنا تھا کہ گذشتہ دور حکومت میں بھی علامہ صاحب تشریف لائے تھے مگر کوئی ناخوشگوار واقعہ پیش نہیں آیا، لیکن اقتدار کے نشے میں چور ان نااہل حکمرانوں نے محب وطن پاکستانی بھائیوں بہنوں کیساتھ ظلم و بربریت کی انتہا کر دی۔ انہوں نے کہا کہ پاکستان کے کروڑوں عوام ڈاکٹر صاحب سے والہانہ محبت کرتے ہیں اور اُن کی آواز پر لبیک کہتے ہیں تو کسی کی مخالفت کی کوئی حیثیت نہیں۔
انہوں نے رانا ثناءاللہ کی استعفیٰ کو ڈرامہ قرار دیتے ہوئے کہا کہ کالعدم دہشت گرد تنظیم کے دہشت گردوں پر مشتمل رانا ثناءاللہ کے نجی ملیشیا کو پنجاب پولیس کے چوہنگ سنٹر میں ٹریننگ دے کر سیاسی و فکری مخالفین کیخلاف پنجاب حکومت استعمال کر رہی ہے۔ علامہ حسن ظفر نقوی کا کہنا تھا کی ہمارا موقف صاف ہے کہ ہم ہر مظلوم کے حامی اور ہر ظالم کے دشمن ہیں، ان کا مذید کہنا تھا کہ ایم ڈبلیوایم نے گرینڈاپوزیشن الائنس میں شمولیت کا حتمی فیصلہ اب تک نہیں کیا تاہم ڈاکٹر طاہر القادری کے استقبال میں ہمارے کارکن بھر پور شرکت کریں گے۔ انہوں نے دو ٹوک الفاظ میں اعلان کیا کہ اسلام و پاکستان دشمن دہشت گردوں کیخلاف ضرب عضب آپریشن کی مکمل حمایت کرتے ہیں اور ضرورت پڑنے پر اپنی پاک فوج کے شانہ بشانہ کھڑے ہونگے اگر ہماری پاک فوج نے آواز دی تو ہمارے لاکھوں جوان اپنے علماء کیساتھ انکے مورچوں میں موجود ہونگے اور ملکی سالمیت اور بقا پر کوئی آنچ نہیں آنے دینگے۔
وحدت نیوز(اسلام آباد) مجلس وحدت مسلمین پاکستان کے سربراہ علامہ ناصر عباس جعفری نے مرکزی سیکریٹریٹ سے جاری اپنے بیان میں کہا ہے کہ کل علامہ امین شہیدی کی زیر قیادت ایم ڈبلیوایم کا وفد پاکستان عوامی تحریک کے سربراہ علامہ ڈاکٹر طاہر القادری کے استقبال کے لئے اسلام آباد ایئر پورٹ جائے گا،ان کا کہنا تھا کہ ڈاکٹر طاہر القادری نے فاسق حکومت کے خلاف قیام کیا ہے، لازم ہے کہ ہم اس ظالم حکومت کے خاتمے کی مہم میں پاکستان عوامی تحریک کا ساتھ دیں ، مولائے کائنات کے قول کے مطابق حکومت کفر سے ساتھ تو باقی رہ سکتی ہے لیکن ظلم کے ساتھ نہیں ، سانحہ ماڈل ٹاون اس ظالم حکومت کے تابوت میں آخری کیل ثابت ہو گا، پر امن عوامی احتجاج کی بدولت حکمرانوں کو گھر بھیجنے کی سنت پیروان مکتب اہل بیت ع ڈالی آج طاہر القادری اسی سنت کو دھرانے کے لئے آرہے ہیں ، انہوں نے کہا کہ ہم پاکستان میں حقیقی شیعہ سنی وحدت کے داعی ہیں ، انشاء اللہ اپنی طاقت کو مجتمع کر کے ظالم حکمرانوں کو گھٹنے ٹیکنے پر مجبور کر دیں گے۔
