The Latest
وحدت نیوز (مشہد مقدس) مجلس وحدت مسلمین شعبہ مشہد مقدس کے سیکریٹری جنرل حجۃ السلام عقیل حسین خان نے شکار پور میں مسجد پر حملہ میں مومنین کی شھادت پر گہرے دکھ و رنج کا اظہار کرتے ہوئے کہا کہ آئے روز ملک بھر میں خصوصا کراچی اور سندھ میں جس طرح شیعیان حیدر کرار کی ٹارگٹ کلنگ ہو رہی ہےاس سے ایک بات ثابت ہے کہ سندھ حکومت اس میں برابر کی شریک ہے ۔
علامہ عقیل حسین خان نے کہا وطن عزیز پاکستا ن کی بد قسمتی اس سے زیادہ اور کیا ہو سکتی ہے کہ پاکستان کے عوام آئے روز دھشت گردی کی بھینٹ چڑھ رہے ہیں ،مساجد ،امام بارگاہیں،بازار ،اسکول کچھ بھی محفوظ نہیں لیکن نااھل و غدار حکمران سعودیہ اور بحرین کے بادشاہی نظاموں کو بچانے کے لئے سیکورٹی فراہم کر رہے ہیں۔سیکریٹری جنرل مشہد مقدس نے کہا کہ اس حکومت سے کسی خیر کی توقع رکھنا ہی حماقت ہے کیونکہ یہ دہشتگردخود انکے اپنے پالے ہوئے ہیں البتہ آخری امید کی کرن افواج پاکستان ہیں کہ وہ اپنی ذمہ داری کا احساس کریں اور ضرب عضب کا دائرہ کار پورے ملک میں پھیلائیں تاکہ وطن عزیز سے دھشت گرد اور دھشتگردی کا خاتمہ ہو سکے۔
وحدت نیوز (پشاور) مجلس وحدت مسلمین ضلع پشاور اورامامیہ رابطہ کونسل پشاور کے زیراہتمام شکار پور میں بم دھماکہ کے نتیجہ میں 50 سے زائد نمازیوں کی شہادت پر پشاور پریس کلب کے سامنے احتجاجی مظاہرہ کیا گیا، اس موقع پر مظاہرین نے بینرز اور پلے کارڈز اٹھا رکھے تھے، جن پر دہشتگردی اور حکومت کیخلاف نعرے درج تھے۔ مظاہرین سے خطاب کرتے ہوئے علما مشائخ کونسل کے صوبائی سربراہ مولانا محمد شعیب، علامہ عابد حسین شاکری اور مجلس وحدت مسلمین ضلع پشاور شعبہ خواتین کی سیکرٹری جنرل سیدہ نسیم نقوی کا کہنا تھا کہ سانحہ شکار پور درندگی اور ظلم کی انتہاء ہے، بے گناہ نمازیوں کو شہید کرنا کونسا اسلام ہے، ان کا کہنا تھا کہ سندھ حکومت بھی عوام کو تحفظ اور امن فراہم کرنے میں یکسر ناکام ہوچکی ہے، دھماکہ کی ذمہ داری قبول کرنے والی تنظیم کیخلاف کارروائی کیوں نہیں کی جارہی۔؟ ان کا مزید کہنا تھا کہ سندھ حکومت نے دھماکہ کی پیشگی اطلاع پر بھی کوئی ایکشن نہ لیا، پیپلز پارٹی کی صوبائی حکومت صرف اور صرف اقتدار کی بھوکی ہے، اسے عوام کے جا ن و مال سے کوئی سروکار نہیں۔ مقررین نے نواز حکومت پر بھی کڑی تنقید کی اور کہا کہ دہشتگردوں کو پھانسیاں دینے کا سلسلہ کیوں روک دیا گیا ہے۔؟ آپریشن ضرب عضب کا دائرہ شہری علاقوں تک بھی بڑھایا جائے اور دہشتگردوں کی مزموم کارروائیوں کو جواز فراہم کرنے والوں کیخلاف بھی کارروائی کی جائے۔
وحدت نیوز (پشاور) مجلس وحدت مسلمین صوبہ خیبر پختونخوا کی شوریٰ عالی کا دو روزہ اجلاس مدرسہ شہید عارف حسین الحسینی پشاور میں منعقد ہوا۔ جس میں علماء کرام اور عہدیداران کی بڑی تعداد شریک تھی۔ ابتدائی کلمات میں علامہ سید محمد سبطین حسینی نے کہا کہ پاکستان کے مظلومین و محرومین کی توقعات ایم ڈبلیوایم پاکستان سے وابستہ ہیں، جبکہ ہماری کارکردگی اس قدر بہتر نہیں، امید کرتے ہیں کہ آئندہ اجلاس میں تمام شعبہ جات اپنی بہتر کارکردگی کے ساتھ اجلاس میں شریک ہوں گے۔ اجلاس کی نظامت کے فرائض مولانا وحید عباس کاظمی، سیکرٹری تنظیم سازی نے ادا کئے۔ اس موقع پر اضلاع نے کارکردگی رپورٹس پیش کیں۔
ضلع ایبٹ آباد کی کارکردگی رپورٹ پیش کرتے ہوئے مدثر کاظمی نے تقاضا کیا کہ علاقہ کے لئے فلاحی کاموں کی طرف خصوصی توجہ دینے کی اشد ضرورت ہے۔ جس پر صوبائی سیکرٹری جنرل نے شعبہ فلاح و بہبود کے صوبائی سیکرٹری تہور عباس کو احکامات جاری کئے کہ ضلع ایبٹ آباد میں ہینڈ پمپ، لائبریری کے لئے کتب کی فراہمی اور سلائی سنٹر کے قیام کو یقینی بنایا جائے۔ ان کا مزید کہنا تھا کہ ایم ڈبلیو ایم ایبٹ آباد کو اپنا دائرہ کار حویلیاں سے بڑھاتے ہوئے ضلع کی سطح تک لیجانے کی ضرورت ہے۔ انہوں نے تنظیم کی جانب سے علاقہ میں دعائیہ تقریبات کے اقدام کو سراہتے ہوئے پورے صوبے میں مرحومین کی دعائیہ تقریبات کے انعقاد پر زور دیا۔
ضلع مانسہرہ کی کارکردگی رپورٹ پیش کرتے ہوئے سیکرٹری جنرل مانسہرہ مولانا مظہر حسین کا کہنا تھا کہ ہزارہ کا پسماندہ ترین ضلع مانسہرہ اس وقت طالبان کی نرسریوں کا کردار ادا کر رہا ہے۔ تکفیریت سے بھرے علاقہ میں شیعت کا فروغ کسی معجزے سے کم نہیں، ان کا مزید کہنا تھا کہ علاقہ میں تنظیم اپنی مدد آپ کے تحت فنڈ جنریٹ کرکے فلاحی کام انجام دے رہی ہے، تاہم اجتماعی شادیوں کے بڑے پراجیکٹ کی فائل سربراہ ایم ڈبلیو ایم کو پیش کی گئی، جس پر تاحال کسی قسم کی کارروائی عمل میں نہیں لائی گئی۔ ان نے مزید بتایا کہ تنظیم کے تحت علاقہ مانسہرہ میں اعتکاف، تربیتی پروگرام، تعلیمی پروگرام، غرباء کی مالی امداد، شیعہ سنی اتحاد، اسوہ سکول پراجیکٹ اور اسکاوٹنگ پر کام کیا گیا۔ ایم ڈبلیو ایم اسکاوٹ نے علاقہ کے تمام جلوس ہائے عزا کو فول پروف سکیورٹی دی۔ انہوں نے بتایا کہ علاقہ مانسہرہ میں 5 لاکھ سادات آباد ہیں جنہیں مذہب حقہ کی جانب راغب کرنے کے لئے ہنگامی بنیادوں پر کام کرنے کی اشد ضرورت ہے۔
اجلاس کے دوران اضلاع کی کارکردگی رپورٹس کے ساتھ لیکچرز کا سلسلہ بھی جاری رہا، شعبہ تربیت سے متعلقہ تربیتی لیکچر دیتے ہوئے ڈاکٹر مولانا محمد یونس کا کہنا تھا کہ شہیدان شکارپور کربلا کی تاریخ سرخ کا عملی مظاہرہ ہیں، ہم نے بے شمار شہداء دیئے، قائد شہید جیسی شخصیت ہم نے قربان کر دی، جس کا خلا آج تک پرُ نہ ہوسکا، شہداء کے خون سے قوموں میں وحدت و اتحاد پیدا ہوتا ہے، لیکن ہماری قوم شہداء دینے کے باوجود وحدت سے محروم ہے۔ انقلاب اسلامی ایران کے خلاف سازش کی گئی، تاکہ انقلاب کا خاتمہ کر دیا جائے اور ایرانی پارلیمان کو اڑا دیا گیا، مگر انقلاب نہ ختم ہوا بلکہ شہداء کے خون سے استفادہ کرتے ہوئے ایرانی قوم نے پوری دنیا کے سامنے خود کو منوایا۔ کیا وجہ ہے کہ آج ہم پاکستان میں کمزور ہیں۔ شہداء تو کردار حسینی (ع) ادا کر گئے۔
ڈاکٹر یونس نے کہا کہ ہمیں خود سے سوال کرنا ہوگا کہ کیا ہم کردار زینبی (س) ادا کر رہے ہیں۔ ایران و لبنان میں زینبی (س) کردار موجود تھے جس نے انقلاب برپا کئے، پاکستان میں کردار زینبی (س) کا فقدان ہے۔ ایم ڈبلیو ایم اسی کردار زینبی (س) کی ادائیگی کے لئے وجود میں آئی، ہم پاکستان میں اسلامی ثقافت کا غلبہ چاہتے ہیں۔ یہ اس وقت تک ممکن نہ ہوگا جب تک ہم تربیت کے مراحل سے نہیں گزریں گے۔ دشمن ایران و لبنان میں شیعہ طاقت کو آزما چکا ہے، جس کی وجہ سے پاکستان میں مذہب حقہ کے ماننے والوں کا خون بہایا جا رہا ہے۔ عوام سے رابطہ گہرا بنایا جائے، رہبر اور ولی کی اطاعت کرکے اپنی بصیرت اور دشمن شناسی کو بڑھایا جاسکتا ہے۔
ضلع ہری پور کی کارکردگی رپورٹ پیش کرتے ہوئے سید اسرار حسین شاہ نے شرکاء اجلاس کو بتایا کہ علاقہ میں باب العلم نامی لائبریری لگ بھگ تیس ہزار کتب ایم ڈبلیو ایم کے تحت عوامی استفادہ کے لئے مہیا کرنا چاہتی ہے۔ جن میں سوانح عمریوں کا ایک بڑا ذخیرہ اور تحقیق کے لئے کتب موجود ہیں، جس پر صوبائی سیکرٹری جنرل نے سیکرٹری فلاح و بہبود کو مذکورہ لائبریری کتب کا حصول ممکن بنانے کی ہدایات جاری کیں۔ کارکردگی رپورٹ پیش کرنے کے بعد سیکرٹری جنرل ضلع ہری پور نے اپنے عہدے سے استعفٰی پیش کر دیا۔
سیکرٹری جنرل نوشہرہ اورنگزیب علی نے کارکردگی رپورٹ پیش کرتے ہوئے بتایا کہ علاقہ میں موجود پانچ امامبارگاہوں میں سے تین کا کیس عدالت میں ہے۔ تکفیریوں کی جانب سے یہ کیس بھی کیا گیا کہ محرم کے جلوس کو ختم کرایا جائے۔ انہوں نے بتایا کہ دھونس دھمکی کے باجود مہینہ میں چار دفعہ عدالت کا چکر لگایا جاتا ہے۔ ان نے مزید بتایا کہ علاقہ میں چلنے والی کیبل پر تکفیری عناصر کی جانب سے شیعہ مخالف مہم چلائی جا رہی ہے۔ مرکزی مسئول تنظیم سازی مولانا حسن رضا ہمدانی نے کہا کہ امیرالمومنین حضرت علی علیہ السلام نے اپنی وصیت میں تنظیم کی ضرورت پر زور دیا، تنظیم ریڑھ کی ہڈی کی حیثیت رکھتی ہے۔
ایم ڈبلیو ایم پارا چنار عبوری سیٹ اپ کے مسئول ریاض بنگش نے تفصیلاً پاراچنار کا تعارف، حدود اربعہ، دفاعی صورتحال، جنگوں، فصلوں، معدنیات اور دیگر امور پر روشنی ڈالی۔ ریاض بنگش نے مطالبہ کیا کہ پاراچنار کو یونٹ کی بجائے ڈویژن کا درجہ دیا جائے اور علاقہ کے لئے فلاحی پراجیکٹس ہنگامی بنیادوں پر شروع کئے جائیں، نیز علاقہ میں اتحاد بین المومنین کا فقدان پایا جاتا ہے، جس پر قابو پانے کے لئے تنظیم اپنا بھرپور کردار ادا کرے۔
ڈیرہ اسماعیل خان کی کارکردگی رپورٹ پیش کرتے ہوئے مولانا زاہد جعفری کا کہنا تھا کہ اندرون سندھ میں رونما ہونے والے بڑے سانحہ کے خلاف آنے والے جمعہ کو ایم ڈبلیو ایم ملک گیر احتجاج کی کال دے۔ انہوں نے کہا کہ ایسے سانحات قیادت اور عوام کی ثابت قدمی کا امتحان ہوا کرتے ہیں۔ شہداء کے خون سے اس ملک میں انقلاب کی بنیاد رکھی جائے۔ انہوں نے علاقہ میں تنظیم سازی کی صورتحال پر روشنی ڈالتے ہوئے بتایا کہ ڈی آئی خان کی تینوں تحصیلوں میں نمائندے تعینات کر دیئے گئے ہیں، جن میں پروآ، پہاڑ پور اور ڈی آئی خان شامل ہیں۔
شعبہ جوانان کے سیکرٹری صفدر عباس نے کہا کہ جوانوں کو سکیورٹی کی صورتحال کے پیش نظر حفاظتی اقدامات کی بھرپور مشق کرنا ہوگی، شہید اعتزاز نے سکیورٹی کا حق ادا کیا۔ سیکرٹری اطلاعات عدیل عباس زیدی نے میڈیا پالیسی پر روشنی ڈالتے ہوئے میڈیا کے اہم ترین شعبہ کی اہمیت کو اجاگر کیا۔ ایم ڈبلیو ایم کے مرکزی سیکرٹری سیاسیات سید ناصر عباس شیرازی کا کہنا تھا کہ لبنان میں 12 لاکھ لوگ حزب بنا سکتے ہیں تو پاکستان میں موجود 5 کروڑ اس میں کیوں ناکام دکھائی دیتے ہیں۔ مجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی نے جامعہ شہید عارف حسین الحسینی پشاور میں پریس کانفرنس سے خطاب میں پاکستان مسلم لیگ (ن) کو کڑی تنقید کا نشانہ بناتے ہوئے کہا کہ حکومتی جماعت اس وقت دہشت گردوں اور کالعدم جماعتوں کی پشت پناہ بن چکی ہے۔ پورے پاکستان میں دہشت گردوں کے خلاف آواز اٹھانے والے ایم ڈبلیو ایم کے قائدین سے سکیورٹی واپس لینا اس بات کی غمازی کرتا ہے کہ یہ جماعت دہشت گردوں کا ساتھ دینا چاہتی ہے۔ انہوں نے ریاست سے مطالبہ کیا کہ ضرب عضب کے ساتھ ساتھ جنوبی پنجاب میں موجود دہشت گردوں کی پناہ گاہوں کے خلاف بھی آپریشن کیا جائے۔
ناصر عباس شیرازی کا کہنا تھا کہ دہشت گردوں کے خلاف زیرو ٹالرینس کا مظاہرہ کرتے ہوئے فیصلہ کن آپریشن کیا جائے۔ پارلیمان میں بیٹھے دہشت گردوں کے حمایتی اور پشت پناہ بڑے دہشت گرد ہیں۔ انہوں نے کہا کہ پاکستان مسلم لیگ (ن) اور کالعدم جماعتوں کے دہشت گردوں کے درمیان تعلق اب ڈھکی چھپی بات نہیں رہی، حکومتی جماعت نے دہشت گردی کے خلاف جاری جنگ کا رخ موڑنے اور دہشت گردوں کو بچانے کے لئے بیلنسنگ کی پالیسی اپنا رکھی ہے، جس کی شدید الفاظ میں مذمت کرتے ہیں۔ جس کے تحت ظالم اور مظلوم کے ساتھ ایک جیسا رویہ اپناتے ہوئے پرامن شیعہ افراد کو اٹھا کر جیلوں میں ڈالا جا رہا ہے۔
پارا چنار میں سرچ آپریشن کے نام پر چادر اور چار دیواری کو بری طرح پامال کیا گیا، کور کمانڈر کرم واقعہ کا فوری نوٹس لیں۔ ایم ڈبلیو ایم رہنما نے کہا کہ اگر یہی روش جاری رکھی گئی تو جلد شیعہ قوم ایک دفعہ پھر سڑکوں پر ہوگی اور حکومت کا بچنا محال ہو کر رہ جائے گا۔ پریس کانفرنس سے خطاب میں ناصر عباس شیرازی کا کہنا تھا کہ گلگت بلتستان الیکشن کے سلسلے میں پری پول ریگنگ کا آغاز ہوچکا ہے۔ پینتیس پنکچر جیسا فراڈ ایک مرتبہ پھر گلگت بلتستان الیکشن میں دہرانے کی پوری تیاری کی جا چکی ہے۔ انہوں نے کہا کہ بارہ وزراء پر مشتمل گلگت بلتستان حکومت کی نگران کابینہ آئین اور قانون کی خلاف ورزی ہے۔ چیف الیکشن کمشنر کی تقرری کو بھی سپریم کورٹ میں چیلنج کیا گیا ہے۔ اس امر پر ایم ڈبلیو ایم کے سیکرٹری سیاسیات نے افسوس کا اظہار کیا کہ فرد واحد کے قتل پر جوڈیشل کمیشن بنایا جاتا ہے لیکن 55 سے زائد نمازیوں کی شہادت پر حکومت ٹس سے مس نہیں ہوتی
وحدت نیوز (اسلام آباد) مسئلہ کشمیر کا حل اہل وطن کے تمام طبقات کے اتحاد اور جرا ء ت مند قیادت کے بغیر ممکن نہیں،ہندوستان نے اقوام متحدہ کی حق خود ارادیت کی قراردادوں کو ردی کی ٹوکری میں پھینک دیا ہے،پاکستان کی افواج اورفورسز پر حملے کرنے والوں نے مسئلہ کشمیر کی راہ میں رکاوٹیں ڈالیں،ان خیالات کا اظہار مجلس وحدت مسلمین کے سربراہ علامہ راجہ ناصر عباس جعفری نے یوم یکجہتی کشمیر کے موقع پر اپنے خصوصی پیغام میں کیا۔
علامہ راجہ ناصر عباس جعفری نے اپنے خصوصی پیغام میں کہا ہے کہ حکمران صرف یوم یکجہتی کشمیر منا کر اور قومی اسمبلی کی کشمیر کمیٹی سال بھر میں صرف ایک سیمینار یا ریلی نکال کر اپنا فرض پورا کر دیتی ہے جس سے عالمی برادری بالخصوص امت مسلمہ تک مظلوم کشمیریوں کی آواز پہنچ ہی نہیں پاتی ،ہم سمجھتے ہیں عالمی قوتوں کے ہاتھوں میںیرغمال پاکستان کے اہل اقتدار اور حکمران ہندوستانی افواج کے ہاتھوں برسوں سے کشمیر کے مظلوم و درماندہ محبان پاکستان کو بے وقوف بنانے کی کوششوں میں مصروف ہیں،اگر ہمارے حکمران جر ء ات مند ،شجاع اور باغیرت ہوتے تو کشمیر کا کب کا آ زاد ہو چکا ہوتااور اہل کشمیر ہندوؤں کی بربریت و درندگی کا شکار نہ ہوتے ۔
وحدت نیوز(ملتان) مجلس وحدت مسلمین پنجاب کے ڈپٹی سیکرٹری جنرل کے علامہ اقتدار نقوی نے کہا ہے کہ شکارپور مرکزی جامع مسجد و امام بارگاہ کربلائے معلی لکھی در میں دہشتگردی کی شدید مذمت کرتے ہیں، سانحہ شکارپور پیپلزپارٹی کی سندھ حکومت کی ناکامی ہے، وزیراعلی سندھ قائم علی شاہ فوری مستعفی ہونے کا اعلان کریں، پیپلزپارٹی کی سندھ حکومت کی نااہلی پر چیف جسٹس آف پاکستان اور وفاقی حکومت صوبہ سندھ کو آئین کے آرٹیکل 245 کے تحت فوج کے حوالے کریں اور دہشتگردوں کے خلاف فی الفور آپریشن کیا جائے۔ ان خیالات کا اظہار اُنہوں نے ملتان میں ایم ڈبلیوایم اور آئی ایس او کے زیراہتمام احتجاجی ریلی سے خطاب کرتے ہوئے کیا۔ علامہ اقتدار نقوی کا مزید کہنا تھا کہ ملک بھر میں جامع مساجد و امام بارگاہوں کو فول پروف سکیورٹی دی جائے، سندھ بھر میں کالعدم دہشتگرد تنظیموں کا راج قائم ہے، جس کی سرپرستی پیپلزپارٹی کی سندھ حکومت کر رہی ہے، کالعدم دہشتگرد جماعتوں کے رہنمائوں کو سندھ حکومت کی جانب سے مکمل سکیورٹی دی جا رہی ہے، دوسری جانب کراچی اور سمیت سندھ بھر میں روزانہ شیعہ مسلمانوں کی ٹارگٹ کلنگ کی جا رہی ہے، مگر سندھ حکومت کی جانب سے تاحال کسی دہشتگرد کی گرفتاری عمل میں نہیں لائی گئی اور نہ ہی کسی کو سزا دی گئی۔
وحدت نیوز (دیپالپور) مجلس وحدت مسلمین کا سانحہ شکار پور کے خلاف احتجاجی مظاہر ہ،سینکڑوں کارکنان کی شرکت ،ملوث ملزمان اور حکومت مخالف نعرے بازی ملزمان کی گرفتاری کا مطالبہ ، تفصیلات کے مطابق شکار پور امام بارگاہ میں دہشت گردانہ حملے کے خلاف مجلس وحدت مسلمین کے سینکڑوں کارکنان نے ضلعی جنرل سیکر ٹری سید انوار الحق زیدی کی قیادت میں احتجاجی جلوس نکالا جو امام بارگاہ سجادیہ سے شروع ہو کر صدر بازار اوربصیر پور روڑ سے ہوتا ہوا مدینہ چوک ،رزاقیہ سٹریٹ اور منڈی روڑ سے ہوتا ہوا واپس امام بارگاہ سجادیہ پہنچ کر اختتام پذیر ہوا اس سے پہلے قائدین نے دیپالپور پریس کلب و انجمن صحافیاں (ر) کے شاکر رضوی ہال میں پریس کانفرنس کی جہاں خطاب کرتے ہوئے ضلعی جنرل سیکر ٹری سید انوار الحق زیدی نے کہا کہ دہشت گرد پورے میں اہل تشیع کو قتل کر رہے ہیں امام بارگاہوں پر حملے ہو رہے ہیں اور پوری ملت تشیع بڑے صبر کے ساتھ اپنے پیاروں کی لاشوں کو ملک میں امن کی خاطر قبول کر رہی ہے مگر اب ہمارے صبر کا پیمانہ لبریز ہو رہا ہے حکومت اور سکیورٹی ادارے امن قائم کرنے میں یکسر ناکام ہو چکے ہیں ایک کے بعد ایک بڑا سانحہ رونما ہو رہا ہے اور حکومت صرف زبانی جمع خرچ تک محدود ہے اس حوالے سے عدالتی کمیشن بنا دینا امن کی ضمانت نہیں بلکہ دہشت گردوں سے آہنی ہاتھوں سے نمٹنے کے لئے پورے ملک میں انکے معاونین کو بھی کیفر کردار تک پہنچانا وقت کی اہم ضرورت ہے انہوں نے ضرب عضب کے حوالے سے چیف آف آرمی سٹاف جنرل راحیل شریف کی قائدانہ صلاحیتوں کو خراج تحسین پیش کرتے ہوئے ملک کے گلی کوچوں میں ضرب عضب کو وسیع کرنے کا مطالبہ کیا تاکہ ان کو چن چن کا ختم کیا جاسکے اس موقع پر دیگر رہنماء ضلعی سیکر ٹری نشرو اشاعت ایم ڈبلیو ایم مظہر عباس چوہدری، سید ذاکر حسین زیدی ، میاں فرزند علی ،امامیہ سٹو ڈنٹس آرگنا ئزیشن اور انجمن سجادیہ کے عہدیداران و کارکنان بھی موجود تھے۔
وحدت نیوز (کوئٹہ) مجلس وحدت مسلمین پاکستان کوئٹہ ڈویژن کے میڈیا سیل سے جاری کردہ بیان میں ایم ڈبلیوایم کے مرکزی رہنما علامہ ہاشم موسوی، ایم پی اے آغا رضا،کوئٹہ ڈویژن کے سیکریٹری جنرل عباس علی اور تمام کونسلرزنےسانحہ شکار پور کے خلاف علمدار روڈ پر نکالی گئی ریلی سے خطاب کرتے ہوئے کہا کہ شکارپور مرکزی امام بارگاہ میں خود کش دھماکے کی شدید الفاظ میں مذمت کرتے ہیں۔ وفاقی اور سندھ حکومت کی نا اہلی کی وجہ سے یہ سانحہ رونما ہوا۔ شکارپور میں اس سے پہلے بھی دہشت گردی کے کئی واقعات ہو چکے ہیں لیکن سندھ حکومت اپنی بے حسی اور نا اہلی کی وجہ سے ان واقعات کو روکنے میں بری طرح ناکام ہوچکی ہے۔ حکومتی اقدامات صرف میڈیا میں بیانات کی حد تک محدود ہے۔ دہشت گرد آزاد اور دنددناتے پر رہے ہیں ان کے خلاف اقدامات نہ کرنا سمجھ سے بالاتر ہے۔ حکومت پورے ملک میں دہشت گردوں کے خلاف آپریشن کرے اور گرفتار ملزمان کو سخت سے سخت سزا دے کر ان کو نشان عبرت بنائے۔ حکومت ان دہشت گردوں کے ٹھکانوں اور ان کے لیے نرم رویہ رکھنے والوں سے بھی سختی سے نمٹے اور تمام کلعدم دہشت گرد تنظیموں اور ان کے سرپرستوں کے خلاف کریک ڈاون کرے۔ مجلس وحدت مسلمین پاکستان کوئٹہ ڈویژن شکار پور سانحے میں شہید ہونے والوں کے لواحقین سے تعزیت کا اظہار کرتے ہیں اور زخمیوں کے لیے شفایابی کے لیے دعا کرتے ہیں۔
وحدت نیوز(کوئٹہ) مجلس وحدت مسلمین بلوچستان کا اہم اجلاس علامہ مقصود علی ڈومکی کی زیر صدارت مدرسہ امام خمینیؒ میں منعقد ہوا۔اجلاس میں صوبائی سیکریٹری نشرو اشاعت مولانا ذوالفقارعلی سعیدی، صوبائی سیکریٹری فلاح مولانا سہیل اکبر شیرازی ،صوبائی سیکریٹری تنظیم سازی مولانا برکت علی مطہری و دیگر شریک ہوئے ۔
اس موقع پر اجلاس سے خطاب کرتے ہوئے مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے کہا ہے کہ بلوچستان سے حاصل ہونے والی معدنیات ملکی تعمیر و ترقی کی ضمانت ہے،مگر بلوچستان کے عوام آج بھی کسمپرسی ، غربت اور افلاس کی زندگی گذارنے پر مجبور ہیں۔جن علاقوں سے اربوں روپے کی معدنیات حاصل ہو رہی ہیں ان علاقوں کی عوام کے حالات زندگی میں کوئی تبدیلی نظر نہیں آرہی ہے۔
انہوں نے پاک فوج کی طرف سے دھشت گردوں کے خلاف آپریشن کے دوران شمالی وزیرستان میں ۹۲ دھشت گردوں کی ہلاکت کا خیر مقدم کرتے ہوئے امید ظاہر کی کہ دھشت گردی کے مکمل خاتمے تک آپریشن جاری رکھا جائے گا،دہشت گردوں کے واصل جہنم ہونے پر پاک فوج کو تبریک پیش کرتے ہیں، انہوں نے کہا کہ اب تک بلوچستان میں ملت جعفریہ کے ڈیڑہ ہزار معصوم افراد دھشت گردی کا نشانہ بنے ہیں، جبکہ قاتل آج بھی دندناتے پھر رہے ہیں،لہذا ہم مطالبہ کرتے ہیں کہ بلوچستان میں دھشت گردوں کے ٹریننگ کیمپس اور تربیتی مراکز کے خلاف بھر پور آپریشن کا آغاز کیا جائے۔
انہوں نے بلوچستان میں نو منتخب بلدیاتی نمائندوں خصوصا کوئٹہ کے میئر ڈاکٹر کلیم اللہ کاکڑ اور ڈپٹی میئر یونس بلوچ کو منتخب ہونے پر مبارکباد دیتے ہوئے توقع ظاہر کی کہ منتخب بلدیاتی نمائندے عوام کی خدمت کو اپنا شعار بنائیں گے۔
اس موقع پر مولانا ذوالفقار علی سعیدی نے کراچی میں جاری دھشت گردی پر افسوس کا اظہار کرتے ہوئے کہا ہے کہ آپریشن کے باوجود کراچی میں معصوم انسانوں کا بہتا لہو ریاستی اداروں کی کارکردگی پر سوالیہ نشان ہے۔دھشت گرد چاہے کسی مدرسے میں ہوں یا کسی سیاسی جماعت میں انہیں بے نقاب کیا جائے۔اجلاس میں مختلف تنظیمی امور پر بھی تبادلہ خیال کیا گیا۔
وحدت نیوز (شکارپور) مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے شکارپور میں معصوم انسانوں کی شہادت کو المناک سانحہ قرار دیتے ہوئے دھشت گردوں کے خلاف ملک گیر آپریشن کا مطالبہ کیا۔ انہوں نے سانحہ شکارپور کے خلاف منعقدہ احتجاجی جلسے سے خطاب کرتے ہوئے کہا کہ معصوم انسانوں کے قاتل دہشت گرد آج بھی دندناتے پھر رہے ہیں۔ اب دھشت گردوں نے اولیاء کی سر زمین سندہ کا رخ کیا ہے۔ ملک بھر میں اب بھی دہشتگردوں کے تربیتی مراکز اورمحفوظ ٹھکانے موجود ہیں،جن کے خلاف آپریشن ازحد ضروری ہے ۔ سینکڑوں معصوم شھداء کے وارث ابھی تک انصاف کے منتظر ہیں۔انہوں نے شکارپور میں ہونے والے دھشت گردی کے سانحے پر افسوس کا اظہار کرتے ہوئے کہا ہے کہ آپریشن کے باوجود معصوم انسانوں کا بہتا لہو ریاستی اداروں کی کارکردگی پر سوالیہ نشان ہے۔دھشت گرد چاہے کسی مدرسے میں ہوں یا کسی سیاسی ، مذہبی جماعت میں ان کے خلاف سخت کاروائی کی جائے۔
در یں اثناء جمعیت علمائے پاکستان کے صوبائی صدر مولانا عبدالقدوس ساسولی، سندہ ترقی پسند پارٹی کے سینئر وائس چئیرمین جان عبدالفتاح سمیجو، جئے سندہ محاذ کے چئیرمین ریاض چانڈیو اور جسقم رہنماء ڈاکٹر نیاز کالانی نے فون پرعلامہ مقصود علی ڈومکی سے سانحہ شکارپور پر تعزیت کی۔اس موقع پر گفتگو کرتے ہوئے انہوں نے کہا کہ ہم ملک بھر کی تمام امن پسند قوتوں کو دعوت دیتے ہیں کہ وہ دہشت گردی کے خلاف ایک نکاتی ایجنڈا پر متحد ہوجائیں۔ اور اپنے اتحاد سے دھشت گردوں کو تنہا کردیں۔
وحدت نیوز (حیدرآباد) شکارپور جیسے حادثات و واقعات کا اچانک ہونا اور انسانیت کے تحفظ کیلئے اقدامات نہ کرنا یہ حکومت کی نااہلی کا منہ بولتا ثبوت ہے۔ شکارپورامام بارگاہ کربلامیں اس بم دھماکے میں انسانوں کا نہیں،انسانیت کاخون بہایاہے۔ہم اس واقعے کی پرزور مذمت کرتے ہیں۔ اور ہر طرح کی طرح حکومت سے تو ہم مطالبہ ہی کرسکتے ہیں کیونکہ ہمیں پتہ ہے کہ قاتلوں کی پشت پناہی کرنیوالے نہ تو گرفتار ہونگے اور نہ ہی قاتل گرفتار ہونگے۔یہ بم دھماکہ ہمیں لگتا ہے کہ حکومت کی پلاننگ سے کیا گیا ہے۔ حیرت ہے ، تعجب ہے افسوس ہے اور غصہ بھی ہے کہ آخر مساجد،امام بارگاہوں اور جلوس عزاء، جلوس عید میلادالنبی کو ہی کیوں دہشت گردی کانشانہ بنایاجاتا ہے۔اس ظلم سے اسلامی تبلیغ رک جائیگی ؟ نہیں؟ ہرگز نہیں۔ ان خیالات کا اظہار سیکریٹری جنرل، مجلس وحدت مسلمین ضلع حیدرآبادمولانا امداد علی نسیمی،مولانا گل حسن مرتضوی ،مولانا ملازم حسین اور مولانا انور علی گلگتی نے سانحہ شکارپورکے خلاف حیدرآباد پریس کلب کے سامنے احتجاجی مظاہرے سے خطاب کرتے ہوئے کیا۔
رہنماؤں کا کہنا تھا کہ دشمنان اسلام نے یہ طریقہ اختیار کیا ہے کہ ایسے حالات پیدا کئے جائیں کہ لوگ جان کے خوف سے پس پردہ ہوجائیں اور طاغوتی طاقتیں اپنی کاروائیاں جاری رکھنے میں کامیاب ہوجائیں۔ ظالموں کیےساتھیوں کا کوئی مذہب نہیں ہوتا، انہیں تو وہ کام کرنا ہوتا ہے جو انہیں سونپا جاتا ہے۔ ایسے افراد کی سرپرستی کرنے والے جہنمی ہیں۔ چاہے وہ کسی بھی مذہب یا فرقے سے تعلق رکھتے ہوں۔ گزشتہ 37سال سے یہ ظالمانہ اور کافرانہ کاروائیاں پاکستان میں ہورہی ہیں اور انہی کاروائیوں میں جناب قبلہ شہید عارف حسین الحسینی نے جان جان آفریں کو سپرد کی۔ قبلہ عارف الحسینی ملت اسلامیہ کے وہ رہبر تھے جن سے طاغوتی طاقتیں لرزہ براندم تھیں۔ اگر ایک عارف حسینی شہید ہوگئے تو اسلام کے شیدائیوں کے ہرگھر سے عار ف حسینی رونماہو کر طاغوت طاقتوں کو تہس نس کردے گا۔
رہنماؤں نے مزید کہا کہ مسلمانوں! جاگو ۔ اٹھو۔ شیعہ اور سنی کا فر ق مٹا دو۔ظالموں کے سامنے سیسہ پلائی دیوار بن جاؤ۔ اگر پاکستان کو قائم رکھنا ہے تو ان ظالموں کو مٹا دو۔ یہاں پر ایک اور بات آپ کو واضح کرتاچلوں کہ حیدرآباد میں کیبل نیٹ ورک والے ایک چینل چلا رہے ہیں جس پرکھلے عام آل رسول کی شان میں گستاخی کی جارہی ہے ہم اس چینل کوبندکرنے کا مطالبہ کرتے ہیں اور اس کی پرزور مذمت کرتے ہیں۔
