وحدت نیوز( شکارپور) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے شہدائے شکارپور کے خانوادوں کی جانب سے شکارپور تا وزیراعلیٰ ہاؤس کراچی تک کئے جانے والے لانگ مارچ کی حمایت کا اعلان کردیا۔ یہ اعلان انہوں نے شکارپور میں  نماز جمعہ کےاجتماع کے  موقع پر ہزاروں شرکاء کے عظیم الشان اجتماع سے خطاب کرتے ہوئے کیا۔ اس موقع پر علامہ مختار امامی،علامہ مقصود ڈومکی، عالم کربلائی،عبد اللہ مطہری ،علامہ نشان حیدر ساجدی، علی حسین نقوی، یعقوب حسینی سمیت بڑی تعداد میں اہل سنت برادران  بھی موجود تھے۔

علامہ راجہ ناصر عباس جعفری نے کہا کہ دہشت گردوں سے خوف کھانے والے نہیں ہیں ۔اگر ہم نے استقامت نہ دکھائی ہوتی تو قوم ان دہشت گردوں کے سامنے ہتھیار ڈال چکی ہوتی ہم ظلم کے سامنے جھکنے والے نہیں ہم نے ارض پاک کی حظافت کے لیے اپنے جوان قربان کیے ہیں حکومت افسوس کرنے کی بجائے اقدامات کرے ہمیں قاتلوں کے خلاف آپریشن چاہیے۔اگر ان دہشت گردوں کے خلاف کاروائی نہ کی تو کل کوئی اور شہر شکارپور بن جائے گا۔شہداء کے قاتلوں کو انجام تک پہنچائے بغیر چین سے نہیں بیٹھیں گے،سندھ کے چھوٹے چھوٹے وزیرستاتوں کے خلاف فی الفور آپریشن شروع کیا جائے،انہوں نے کہا کہ سندھ میں آپریشن نہ ہوا تو لانگ مارچ کریں گے جمعہ 13 فروری کو اندرون سندھ میں سانحہ کے خلاف پرامن ہڑتال ہو گی اور اگر اس کے باوجود ان دہشت گردوں کیخلاف کاروائی نہ ہوئی تو 15 فروری کو شکار پور سے کراچی لانگ مارچ کریں گے جو وزیر اعلیٰ ہاوُس پہنچنے پر دھرنا دینگے ۔قائم علی شاہ ریئسانی کی حکومت کے زوال سے سبق سیکھے ،ہمارے خانوادہ شہداء کا لانگ مارچ سب سے بڑا لانگ مارچ ہو گا۔حکومت کے دن گنے جا چکے ہیں وقت آگیا ہے کہ پاکستان دشمنوں کی حکومت کا خاتمہ کردیا جائے۔ہمارے سامنے دو راستے ہیںاسلحہ اٹھائیں یا عوامی طاقت سے ظالم کو جواب دیں ہم عوامی جدوجہد پر یقین رکھتے ہیں اور عوامی جدوجہد سے ہی دشمنوں کا مقابلہ کریں گے،پولیس دہشت گردوں کو کھلی چھٹی دے چکی ہے علامہ راجہ ناصر کا کہنا تھا کہ عدلیہ کا کردار بھی دہشت گردوں سے متعلق شرمناک ہے سانحہ پشاور کے بعد سکولوں کو بند کرنا احمقانہ فعل تھا۔جن مدارس میں تکفیر کی تعلیم دی جاتی ہے وہاں کاروائی کی جائے۔وزیراعلیٰ سندھ جھوٹا انسان ہے کیا کبھی کسی شیعہ یا سنی نے ملکی سلامتی پر وار کیا ہے کیا کامرہ بیس ،مہران بیس ،جی ایچ کیو،سکولز ،مساجد،امام بارگاہوں ،اور درباروں پر حملے میں کوئی شیعہ یا سنی ملوث تھا۔مخصوص سوچ رکھنے والے اقلیتی مکتب فکر نہ صرف پاکستان کو نقصان پہنچا رہا ہے بلکہ دنیا میں اسلام کی بد نامی کا بھی سبب بن رہا ہے۔ریاستی اداروں نے اپنی پالیسی نہ بدلی توپاکستان سنگین بحران سے دوچار ہوجائے گا۔یہ دہشت گردگروہ  امریکہ،اسرائیل اورانڈیا کے ایجنٹ ہیں۔ہم اپنے پاکستانی شہداء کے خون سے کسی کو خیانت نہیں کرنے دیں گے۔جو شہداء کے کون سے خیانت کرے گا۔خدااسے ذلیل و رسوا کریگا۔

وحدت نیوز (کراچی) الہٰی جماعت کے رکن میں تقوی و انکساری کا عنصر بنیادی اہمت کا حامل ہے، معاشرے کو نیکی کی جانب سےبلانے والے کا خود برائی سے بچنا ضروری ہے،وقت بہت کم ہے اسے فضول افعال کے بجائے بندگی خدا میں صرف کریں ، اپنے نفس کو آزاد کروانے کیلئے واجبات کو انجام دینا ہو گا اور حرام سے بچنا ہوگا، پاکیزگی کی جانب سفر کرناجہاد اکبر ہے،تمام کارکنان کو انفرادی ریاضت ،عبادات اور مناجات کی جانب خصوصی توجہ دینی ہوگی،تکفیریت کو کمزور کیئے بغیر پاکستان میں امن کا قیام ممکن نہیں ،جمہوری اسلامی ایران کی جانب سے ملت عراق اور شام کادفاع آٹھ سالہ جنگ کے امتحان میں استقامت کا نتیجہ ہے،ان خیالات کا اظہار مجلس وحدت مسلمین پاکستان کے سربراہ علامہ ناصرعباس جعفری نے امام بارگاہ مدینتہ العلم کراچی میں جنرل ورکرز اجلاس سے خطاب کرتے ہوئے کیا، اس موقع پر تنظیمی کارکنان کی بڑی تعدادکے علاوہ حجتہ الاسلام علامہ شیخ غلام حر شبیری آف امریکہ، ذاکر اہل بیتؑ علامہ علی عرفان عابدی ، مرکزی سیکریٹری امور روابط اقرارحسین ملک بھی موجود تھے، جبکہ علامہ شیخ غلام حر شبیری نے بھی شرکاء سے مختصر خطاب کیااور نظامت کے فرائض ڈویژنل ڈپٹی سیکریٹری جنرل علامہ مبشر حسن نے انجام دیئے ۔

علامہ ناصر عباس جعفری نےکارکنان سے اخلاقی وعرفانی عنوان پر گفتگو کرتے ہوئے  کہا کہ جس طرح دنیا میں الہیٰ نمائندےموجود ہیں بلکل اسی طرح شیطانی نمائندے بھی وجود رکھتے ہیں، نہضت الہیہ سے وابسطہ افراد کا شیطانی نمائندوں کا بچنا انتہائی ضروری ہے، ایسے افراد جو لوگوں کو ایثار ، فدا کاری اور شجاعت کی تلقین کرتےہیں انہیں پہلے خود ان چیزوں پر عمل پیرا ہونا ہوگا، مجلس وحدت کے کارکنان عابد شب زندہ دار بنیں ، نماز کی اول وقت ادائیگی کو یقینی بنائیں  ،تلاوت قرآن کریم کو عادت بنائیں ، توسل با حضور امام زمان عج کو رواج دیں ، گناہ انسان کی باطنی آنکھ کو زخمی کر دیتے ہیں ، جس کی بناءپر وہ انوار الہٰیہ اور جمال خداوندی کا مشاہدہ کرنے کی صلاحیت کھو دیتی ہے،جمہوری اسلامی ایران کی جانب سے ملت عراق اور شام کادفاع آٹھ سالہ جنگ کے امتحان میں استقامت کا نتیجہ ہے، پاکستانی شیعہ ملت بھی بردار اقوام کی دادرس بن سکتی ہے، توسل و ارتباط با حضور امام زمان عج ہمیں سرزمین پاک پر حزب اللہ اور انصار اللہ کی طرح طاقتور بنا دے گا۔

قومی و بین الاقوامی حالات پر مختصر گفتگو کرتے ہوئے ان کاکہنا  تھا کہ پروردگار عالم نے سانحہ شکارپور کے نتیجے میں   ایک مرتبہ پھر ہماری قوم کو عظیم امتحان کیلئے منتخب کیا ہے، سید مقاومت حسن نصر اللہ نے  ایک ملاقات میں کہاکہ ملت یمن کے بعد ملت پاکستان سے خدا وند متعال نے بڑاکام لینا ہے، خدا وند کریم کسی قوم کو کبھی ایسے سنگین امتحان میں مبتلا نہیں کرتا جس میں  اس میں سرخرو ہونے کی صلاحیت نہ ہو، سانحہ شکارپور کے بعد ہم ایک نئے مرحلے میں داخل ہوچکے ہیں ،حکمرانوں اورر فوج کو اپنی روش تبدیل کرنا ہوگی، شہید مظلوم پشاور کا ہو یا شکارپور کاشریعت اور قانون میں  ایک ہی مقام و مرتبہ رکھتا ہے،اسی طرح مظلوموں کے قاتلوں میں بھی فرق نہیں ، قاتل پشاور کا ہو یا شکارپور کا شریعت اور قانون کی نگاہ میں انجام دونوں کا ایک ہی ہے، ہم عوامی طاقت سے حکمرانوں اور فوج کو ان ظالم و قاتل تکفیری دہشت گردوں کے خلاف فیصلہ کن اقدام اٹھانے پر مجبور کریں گے، تکفیریت کے خلاف ملک گیر سطح پرسیاسی ،مذہبی اور سماجی تنظیموں کا  اتحاد تشکیل دیں گے، ایک سوال کے جواب میں ان کاکہنا تھا کہ شیعہ علماء کونسل سمیت کسی بھی  ملی تنظیم یا جماعت کو کمزور کرنا یا ختم کرنا ہمارا ایجنڈا نہیں ، اگر کوئی جماعت قوم کے خدمت کے غرض سے میدان میں اترے گی تو ہم اس کے پیچھے کھڑے ہوں گے، گلگت بلتستان الیکشن میں اگر ہمیں کسی حلقے میں کھڑے شیعہ علماء کونسل کے امیدوار کی مضبوطی اور کامیابی کا یقین ہوگااور اس کے مقابلے میں اپنا امیدوار لانے سے اس کی فتح مشکوک ہو گی تو ہم اس کے مقابلے میں اپنا امیدوار کھڑا نہیں کریں گے۔

وحدت نیوز (کراچی) دہشتگردی کے خلاف جنگ میں ملکی عوام افواج پاکستان کے ساتھ ہے ، وفاقی و صوبائی حکومت تکفیری دہشتگردوں کو براہ راست سپورٹ کرتی ہے ،نام بدل کر کام کرنے والی کالعدم جماعتوں اور دہشتگروں کے پروڈکشن ہاؤس مدارس کے آرمی آپریشن کیا جائے، ملکی عوام کی امید افواج پاکستان سے ہے دہشتگردوں کی سزائے موت اگر سیاسی مسلحت کا شکار ہوئی تو عوام کا دل پاک افواج سے بھی خائف ہو جائے گا۔ عوام بلوچستان کے رئیسانی کی بادشاہت ختم کرا سکتے ہیں تو وزیر اعلیٰ سندھ خواب غفلت میں نہ رہیں۔ تکفیری دہشتگردوں نے ملک میں دہشتگردی پھیلا کر ملکی عوام اور حکومتوں کو مسئلہ کشمیر کے حل سے بھی دور کیا۔ ان خیالات کا اظہار مجلس و حدت مسلمین کے سر براہ علامہ راجہ ناصر عباس جعفری نے ایم ڈبلیو ایم کے وفد کے ہمراہ سانحہ شکار پور دہشتگردی میں زخمی ہونے والے افراد کی کراچی نجی ہسپتال میں عیادت کے بعد پرنٹ و الیکٹرانک میڈیا کے صحافیوں سے گفتگو میں کیا اس موقع پر ان کے ہمراہ مولانا غلام حر شبیری سمیت ایم ڈبلیو ایم کراچی کے ،علی حسین نقوی،سمیت ناصر حسینی موجود تھے ۔

علامہ راجہ نا صر عباس جعفری کہنا تھا کہ سانحہ شکار پور ،سانحہ پشاور دہشتگردی کی ایک ہی کڑی ہے اور اس میں کالعدم دہشتگردتکفیری ٹولہ ملوث ہے ، ایم ڈبلیو ایم نے ملک میں شیعہ و سنی اتحاد عملی کو ششیں کی اور الحمد اللہ آج پورے ملک میں شیعہ و سنی میں کوئی تفرقہ بازی نہیں عوام با شعور ہیں دہشتگرد تکفیری ٹولہ خود کو مکتب اہل سنت کھ کر اس اتحاد میں ڈاڑ نہیں ڈال سکتا علامہ نا صر عباس جعفری نے وزیر اعلیٰ سندھ کو شدید تنقید کا نشانہ بناتے ہوئے کہنا تھا کہ وزیر اعلیٰ سندھ نے کراچی سمیت صوبہ میں اب تک دہشتگردی کی روک تھام کیلئے عملی اقدامات نہیں کئے بلکہ کالعدم دہشتگرد جماعتوں کو سندھ حکومت کی جانب سے سکیورٹی فراہم کی جاتی ہے شہر بھر میں کالعدم جماعتوں کی وال چاکنگ کی جارہی اور آزادی سے پورے شہر میں ان کے چھنڈے لگ رہیں ہیں ،نام بدل کر کالعدم دہشتگرد تکفیری ٹو لہ کام بھی کر رہا ہے لہذا وزیر اعلیٰ سندھ آرام کریں صوبہ کی عوام کی نظریں اب پاک افواج کی طرف ہیں ،انہوں نے چیف آف آرمی ا سٹاف جنرل راحیل شریف سے مطالبہ کیا کہ وپ کراچی سمیت پورے ملک میں نام بدل کر کام کرنے والی کالعدم جماعتوں ، دینی مدارس،اور دہشتگردوں کے سہولت کار سیاسی و مذہبی جماعتوں کے خلاف آپریشن کریں تاکہ ملکی عوام کو ان دہشتگردوں سے نجات دلائی جا سکے،علامہ ناصر عباس جعفری نے سانحہ شکار پور میں شہید ہونے والے افراد کے بلندی درجات اور زخمیوں کی جلد صیحتیابی کیلئے دعا ء کرائی اور جمعہ کو ملک بھر میں شیعہ و سنی جماعتوں کی جانب سے یوم دعا اور احتجاجی مظاہروں کے اعلان کا خیر مقدم کیا ۔