وحدت نیوز(کراچی) مجلس وحدت مسلمین پاکستان کراچی ڈویژن کے رہنما سید رضا امام نقوی نے کہا ہے کہ کراچی کے عوام پہلے ہی لوڈ شیڈنگ ،اوور بلنگ کے حوالے سے کے الیکٹرک کے ظالمانہ سفاکانہ رویے کا شکار ہیں، اس پر بجلی کے نرخوں میں اضافہ عوام کے معاشی قتل کے مترادف ہے، سپریم کورٹ آف پاکستان کے الیکٹرک کے کراچی کے عوام کے ساتھ ظالمانہ رویے کا فوری نوٹس لے اور بجلی کے نرخوں میں حالیہ اضافے کو ختم کرائے، جبکہ شہر قائد میں غیر اعلانیہ لوڈ شیڈنگ اور اوور بلنگ کے حوالے سے شکایات کا ازالہ کیا جائے، جبکہ محرم تا ربیع الاول تک جاری عزاداری اور میلاد النبی کے اجتماعات کو بھی لوڈشیڈنگ سے مستثنیٰ قرار دیا جائے۔ کے الیکٹرک کی جانب سے کراچی کے عوام کیلئے بجلی کے نرخوں میں اضافے پر شدید احتجاج کرتے ہوئے اپنے مذمتی بیان میں رضا امام نقوی نے کہا کہ کے الیکٹرک پہلے ہی اپنے صارفین سے زائد بلوں کی مد میں اربوں روپے بٹور رہی ہے ، ایسے میں نرخ میں مزید اضافہ کراچی کے عوام پر بڑا ظلم ہو گا، اس ظلم میں شریک نیپرا کے الیکٹرک کی پشت پناہی کررہی ہے، لہٰذا نیپرا بھی کے الیکٹرک کے عوام کش بے جا مطالبات منظور کرنے کے بجائے کے الیکٹرک کو نرخوں میں اضافے سے روکے اور اسے پابند کرے کہ وہ صارفین سے زائد بلوں کی مد میں اربوں روپے کی لوٹ مار کا سلسلہ فی الفور بند کرے۔

 انہوں نے کہا کہ شہر کراچی کی عوام جو پہلے ہی زائد نرخ، طویل و غیر اعلانیہ لوڈشیڈنگ اور اوور بلنگ کا شکار ہے، ان کے باعث پہلے ہی عوام کا جینا حرام ہو چکا ہے، اگر نرخوں میں حالیہ اضافے کا فیصلہ واپس نہیں لیا گیا تو عوام سڑکوں پر ہوگی، کے الیکٹرک ہوش کے ناخن لے، ورنہ عوامی غیض و غضب اسے بہا لے جائیگا،سندھ حکومت بھی اپنی ذمہ داری ادا کرتے ہوئے کے الیکٹرک کا قبلہ درست کرے، ورنہ عوام خود کے الیکٹرک کا قبلہ درست کرنے پر مجبور ہوگی۔

انہوں نے مزید کہا کہ محرم الحرام اور صفر المظفر میں عزاداری کے اجتماعات اور ربیع الاول میں جشن عید میلاالنبی کا سلسلہ جاری رہتا ہے، سندھ حکومت کے الیکٹرک کو پابند کرے کہ وہ عزاداری و جشن عید میلاد النبی کے اجتماعات کو لوڈشیڈنگ سے مستثنیٰ قرار دے، دہشتگرد عناصر لوڈشیڈنگ سے فائدہ اٹھا کر دہشتگردانہ کارروئیاں کر سکتے ہیں، حال ہی میں لیاقت آباد ایف سی ایریا میں امام بارگاہ در عباسؑ پر بھی دہشتگردوں نے لوڈ شیڈنگ کا فائدہ اٹھا کر دہشتگرد حملہ کیا تھا، حملے کے بعد تاریکی کا فائدہ اٹھا کر دہشتگرد باآسانی فرار ہونے میں کامیاب ہو گئے تھے۔

وحدت نیوز (لاہور) مجلس وحدت مسلمین پاکستان کے سیاسی کونسل کے اجلاس سے خطاب کرتے ہوئے مرکزی سیکرٹری سیاسیات و رکن شوریٰ عالی سید اسد عباس نقوی نے کہا ہے کہ کوئٹہ میں پولیس ٹریننگ سینٹر پر حملہ کرنیوالے ملک دشمن دہشتگرد گروہ، ان کے سہولت کار اور سیاسی سرپرست کسی رعایت کے مستحق نہیں، ہم اس المناک واقعے میں شہید ہونیوالوں کے خاندان کیساتھ اظہار ہمدردی و یکجہتی اور اس مکروہ عمل کی شدید مذمت کرتے ہیں۔ انہوں نے کہا کہ دہشتگردوں کیخلاف آپریشن کو ملک کے طول و عرض میں پھیلائے بغیر اس ناسور سے جان چھڑانا ممکن نہیں، مٹھی بھر ایک مخصوص سوچ کے حامل گروہ نے ملک کی امن کو تباہ برباد کرکے رکھ دیا ہے، ان کیخلاف بھرپور کارروائی کے بغیر دہشتگردی کیخلاف اس جنگ کو جیتنا ممکن نہیں۔ سید اسد عباس نقوی نے موجودہ ملکی صورتحال پر گفتگو کرتے ہوئے کہا کہ حکمران جماعت کو چاہیئے کہ وہ پانامالیکس کو سنجیدہ لے اور اس حوالے سے اقدامات کرے، اگر حکومت خود کو بے قصور سمجھتی ہے تو احتساب کیلئے پیش کرے اور اپوزشن جماعتوں کو اعتماد میں لے، تاکہ ملک میں ابھی جو افراتفری کی صورتحال میں ہے، اس سے نکالا جا سکے۔ انہوں نے کہا کہ اپوزیشن اور حکمران جماعت اپنی انا کے خاطر جمہوریت کیلئے خطرہ بننے سے گریز کرے، ہم کرپشن اور دہشتگردی کو ایک ہی سکے کے 2 رخ سمجھتے ہیں، ملکی استحکام اور ترقی کیلئے اس ناسور سے نجات دلانا ناگریز ہوچکا، لہذا احتساب کے عمل کو تیز کرتے ہوئے مجرموں کو قرار واقعی سزا دلانا ہوگی۔

وحدت نیوز(ملتان) شیعہ علماء کونسل پاکستان کے مرکزی رہنما اور مخزن العلوم الجعفریہ سورج میانی کے سرپرست علامہ سید محمد تقی نقوی کے جواں سالہ فرزند مولانا سید جعفرعباس نقوی طویل علالت کے بعد نشترہسپتال ملتان میں انتقال کرگئے، مرحوم جو کہ ایک روحانی طالبعلم تھے اور کینسر جیسے موذی مرض میں مبتلا تھے۔ علامہ سید محمد تقی نقوی کے فرزند کی خبر کے بعد پاکستان سمیت دنیا بھر سے تعزیتی بیانات اور اظہار افسوس کیا جا رہا ہے۔علامہ تقی شاہ نقوی کے  جواں سال فرزند کے انتقال پر ایک مشترکہ بیان میں مجلس وحدت مسلمین کے سربراہ علامہ راجہ ناصرعباس جعفری، پنجاب کے سیکریٹری جنرل علامہ مبارک موسوی ، جنوبی پنجاب کے سیکریٹری جنرل علامہ اقتدار حسین نقوی ودیگر رہنمائوں کی جانب سے تعزیت کا اظہار کیا گیا ہے، رہنمائوں نے اس عظیم رنج وغم کے موقع پر پسماندگان کےلئے صبرجمیل اور مرحوم کی مغفرت کی دعا کی ہے۔ مرحوم کی نماز جنازہ کل 25 اکتوبر بروز منگل کو صبح 9 بجے سورج میانی ملتان میں علامہ ساجد علی نقوی کی زیراقتداء ادا کردی گئی جس میں ایم ڈبلیوایم کے رہنما علامہ اقتدار حسین نقوی ، علامہ قاضی نادر علوی سمیت شہریوں اور مختلف مکتب ہائے فکر کے سینکڑوں افراد نے شرکت کی ۔

وحدت نیوز(کوہاٹ) قومی وحدت کونسل کے زیراہتمام ضلع کوھاٹ، ہنگواور اورکزئی ایجنسی کے بزرگان پر مشتمل دو بڑے اجلاس منعقد ہوئے صبح9بجے بنگش اورکزئی کےشیعہ مشیران کامختلف قومی امور پر اجلاس  منعقدہواپھر11بجے ضلع کوہاٹ کے اھل سنت علماء ومشیران بھی تشریف لائےان کے ساتھ بھی تفصیلا ًمحرم وصفرکے مجالس،کوہاٹ چہلم جلوس اور دیگرمشترکہ مذہبی وقومی امور پر ہم آہنگی کیساتھ بات چیت ہوئی،ان اجلاسوں میں مجلس وحدت مسلمین کے صوبائی وضلعی مسؤلین نے بھرپورشرکت کی،چیف جسٹس(ر)سید ابن علی،مجلس وحدت مسلمین صوبہ خیبر پختونخواکے سیکریٹری جنرل علامہ محمد اقبال بہشتی،مولانا سیدین ودیگر شیعہ سنی عمائدین نے تفصیلی خطاب کیا۔

وحدت نیوز (اسلام آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے پولیس ٹریننگ سینٹرکوئٹہ پر ملک دشمن سفاک تکفیری دہشت گردوں کے حملے پر مرکزی سیکریٹریٹ سے جاری اپنے مذمتی بیان میں کہا ہے کہ ریاست اور اس کے مقتدرادارے تکفیری دہشت گردوں  کے ہاتھوں عوام اورسکیورٹی اہلکاروں کے قتل عام پر تماش بین کا کردار ترک کریں ، پاکستان مزید اس خونریزی کا متحمل نہیں ہوسکتا، ایک مخصوص منحوس تکفیری سوچ ایک وطن کے استحکام اور استقلال کی دشمن بنی ہوئی ہے ،ریاستی ادارے نیشنل ایکشن پلان کو اس ملک کے اصل دشمنوں کے خلاف استعمال کرنے میں آج تک ناکام نظر آتے ہیں   ، اس وطن میں جو آگ شیعہ سنی معتدل پاکستانیوں کے گھروں میں لگائی گئی آج سکیورٹی اداروں سمیت پورا ملک اس میں جھلس رہاہے ، سانحہ پولیس ٹریننگ سینٹرمیں شہید ہونے والے اہلکاروں کے اہل خانہ کے غم میں برابرکے شریک ہیں اور ریاستی اداروں سے مجرموں کی فوری گرفتاری اور قرار واقعی سزاکا مطالبہ کرتے ہیں ۔

انہوں نے کہاکہ ملک دشمن اندرونی وبیرونی قوتیں پاکستان کی ترقی وخوثحالی کی بھی مکمل مخالف ہیں ، سانحہ سول اسپتال کوئٹہ، سانحہ آرمی پبلک اسکول، سانحہ پولیس ٹریننگ سینٹر اور لائن آف کنٹرول پر اشتعال انگیزی کا ایک ہدف پاک چین اقتصادی راہداری کی ناکامی بھی ہے لہذٰا ریاستی اداروں کے پاس ان ملک دشمن عناصرکے خلاف فیصلہ کن اقدام کا یہ آخری موقع ہے ، نیشنل ایکشن پلان کو محب وطن جماعتوں اور شخصیات کے خلاف بطور سیاسی ہتھیار استعمال کرنے بجائے عوام اور سکیورٹی اداروں کے اہلکاروں کے قاتلوں اور ان کے سہولت کاروں کے خلاف استعمال کیا جائے ۔

وحدت نیوز (لاہور) مجلس وحدت مسلمین کے مرکزی و صوبائی رہنماوں کا پارٹی امور اورموجودہ ملکی صورت حال پر مشترکہ اجلاس صوبائی سیکرٹریٹ ایم ڈبلیوایم لاہور میں منعقد ہوا ،اجلاس کی صدارت ڈپٹی سیکرٹری جنرل مجلس وحدت مسلمین پاکستان سید ناصر شیرازی و صوبائی سیکرٹری جنرل علامہ مبارک موسوی نے کی،اجلاس میں مرکزی سیکرٹری سیاسیات سید اسد عباس نقوی،مرکزی سیکرٹری تنظیم سازی مہدی عابدی سمیت صوبائی کابینہ و ضلع لاہور کے کابینہ اراکین شریک ہوئے،اجلاس میں ملک بھر میں محرم الحرام میں امن عامہ کو برقرار رکھنے اور فول پروف سکیورٹی انتظامات پر وفاقی و صوبائی حکومتوں کی کارکردگی کو سراہا گیا،اجلاس سے خطاب کرتے ہوئے مرکزی ڈپٹی سیکرٹری جنرل مجلس وحدت مسلمین پاکستان سید ناصر عباس شیرازی نے کہا کہ پنجاب میں کاونٹر ٹیریزم ڈیپارٹمنٹ بلا جواز بیلنس پالیسی کے تحت ملت جعفریہ کے بے گناہ افراد کو ہراساں کرنے میں مصروف ہے،جو بنیادی انسانی حقوق کی خلاف ورزی ہے،قانون نافذ کرنے والے اداروں کی جانب سے ظالم اور مظلوم کو ایک صف میں کھڑا کرنے کا عمل دہشت گردی کیخلاف جنگ کو متاثر کرنے کی سازش ہے، ہم وفاقی وزیر داخلہ اور وزیر اعلیٰ پنجاب سے مطالبہ کرتے ہیں کہ وہ ان اداروں میں شامل کالی بھیڑوں کیخلاف نوٹس لیں ،جو اپنی جعلی کارکردگی دکھانے کے لئے مظلوم اور بے گناہ شہریوں کو نشانے بنانے میں مصروف ہیں،اسی غیر منصفانہ عمل کیخلاف سربراہ مجلس وحدت مسلمین پاکستان علامہ راجہ ناصر عباس جعفری کے حکم پر ملک بھر میں جمعہ کے دن  علامتی مظاہرے ہونگے،انہوں نے کہا کہ شیڈول فور میں بیلنس پالیسی کے تحت ملت تشیع کے اتحاد بین المسلمین کے داعی جید علماء کو دہشت گردوں کے سہولت کاروں کے ساتھ شامل کرکے ان کی بنیادی شہریت معطل کرنے کے عمل کی ہم شدید مذمت کرتے ہیں،علامہ امین شہیدی،علامہ شیخ محسن علی نجفی،علامہ مقصود ڈومکی،علامہ نیر مصطفوی سمیت پچاس سے زائد ملت جعفریہ کے بے گناہ لوگوں کو شیڈول فور میں ڈال کر ہمارے زخموں پر نمک پاشی کی گئی،اور بے گنا عزاداروں ،علمائ،اور فعال قومی کارکنوں کی گرفتاریوں کی بھر پور مزمت کرتے ہیں،ہم ایسے متعصبانہ عمل کو ہر گس قبول نہیں کریں گے،اور ہم ہر فورم پر اس ظالمانہ اقدامات کیخلاف آواز اُٹھائیں گے،اگر یہ متعصابہ عمل جاری رہا تو ہم بھر پور ملک گیر احتجاج پر مجبور ہونگے،اجلاس سے خطاب کرتے ہوئے علامہ مبارک موسوی صوبائی سیکرٹری جنرل مجلس وحدت مسلمین پنجاب نے کہا کہ پنجاب کے اضلاع سیالکوٹ اور خانیوال میں عزاداروں پر دہشت گردی ایکٹ کے تحت ایف آئی آر کے اندراج اور بے گناہ عزاداروں کو ہراساں کرنے والے انتظامیہ کیخلاف ہم عدالتوں سمیت ہر جگہ پر احتجاج کرینگے،دہشت گردی کے سب سے زیادہ متاثرہ فریق کو قانون نافذکرنے والے اداروں میں شامل مٹھی بھر متعصب افراد کی جانب سے بلا جواز کاروائیوں کی ہم مذمت کرتے ہیں،وزیر داخلہ اور وزیر اعلیٰ پنجاب ایسے عناصر کیخلاف ایکشن لیں بصورت دیگر ہم اپنا آئینی و قانونی اور جمہوری حق کو استعمال کرتے ہوئے سڑکوں پر نکلنے پر مجبور ہونگے،اجلاس میں موجودہ ملکی صورت حال پر اپوزیشن اور حکومت سے مطالبہ کیا گیا کہ وہ معاملات کو مذاکرات کے ذریعے حل کرے اور جمہوریت کو خطرے میں ڈالنے سے گریز کرے،اجلاس میں بے گناہ کشمیریوں اور لائن آف کنٹرول پر ہندوستان کی بربریت کی شدید مذمت کرتے ہوئے کہا کہ پاکستانی قوم ملکی سالمیت کی دفاع کے لئے سینہ سپر ہے اور دشمن کے ناپاک ارادوں کو ہر صورت خاک میں ملا کر دم لیں گے۔