وحدت نیوز(کراچی) مجلس وحدت مسلمین پاکستان کے مرکزی ڈپٹی سیکریٹری جنرل علامہ سید احمد اقبال رضوی نے صوبائی پولیٹیکل سیکریٹری علی حسین نقوی اور ڈویژنل ڈپٹی سیکریٹری جنرل علامہ مبشر حسن,عارف رضا زیدی اور دیگر رہنماؤں پر مشتمل وفدکے ہمراہ جعفرطیار سوسائٹی ملیر میں رہائشی عمارت منہدم ہونے کےجائے حادثہ کا دورہ کیااور امدادی کاموں کاجائزہ لیا، ایم ڈبلیوایم کے رہنمائوں نے متاثرین سے اظہار تعزیت اور ہمدردی کیا، ایم ڈبلیوایم کے وفد نے ملبے تلے دبے اہل خانہ کی باحفاظت برآمدگی ،جانبحق افراد کی مغفرت اور پسماندگان کیلئے صبر جمیل کی دعا کی۔

 بعدازاں علامہ سید احمداقبال رضوی نے مرکزی امام بارگاہ جعفرطیارکے باہر ہنگامی پریس کانفرنس کرتے ہوئے اندھوناک اور ناگہانی سانحے پر دلی رنج وغم کا اظہار کرتے ہوئے قیمتی انسانی جانوں کے نقصان پر افسوس کا اظہار کیا ، انہوں نے کہاکہ اس سانحہ نے پوری قوم کو سوگوار کردیاہے، ہر آنکھ اشکبارہے، انہوں نے کہاکہ سانحہ کے فوری بعد جس طرح اہل علاقہ نے اپنی مددآپ کے جذبے سےامدادی کاموں کا آغاز کیا وہ قابل تحسین ہے، ہماری دعاہے کہ خدا ملبے تلے دبےاہل خانہ کو صحت وسلامتی عطافرمائے۔

 انہوں نےکہاکہ اس سانحے پر پوری ایم ڈبلیوایم متاثرہ خاندان کے غم میں برابرکی شریک ہے، انہوںنے ریسکیو آپریشن میں شریک پولیس, رینجرز, پاک فوج, شہری وسندھ حکومت کے ریسکیو ٹیموں ، اسکاؤٹس رضاکاروں اور نوجوانان جعفرطیار کے بروقت اور بھرپور ریسکیو اقدامات کو سراہا اوران کا شکریہ ادا کیا, جبکہ ایم ڈبلیوایم کےکارکنان کو امدادی کاموں میں بھرپور حصہ لینے اور ریسکیو آپریشن میں شریک ٹیموں اور متاثرہ اہل خانہ کی مکمل خدمت کی ہدایات جاری کیں۔

وحدت نیوز(اسلام آباد ) ڈیرہ اسماعیل خان کو دہشتگردوں کے رحم کرم پر چھوڑ دیا گیا ہے۔ صرف ایک ماہ میں اب تک گیارہ افراد ٹارگٹ کلنگ کانشانہ بن چکے ہیں، ڈی آئی خان میں ہر تھوڑے فاصلے پر سیکورٹی چیک پوسٹیں ہونے کے باوجود آئے روز واقعات سیکورٹی فورسز کے کردار پر سوالیہ نشان ہے ان خیالات کا اظہار مرکزی سیکرٹری جنرل مجلس وحدت مسلمین پاکستان علامہ راجہ ناصرعباس جعفری نے ڈی آئی خان میں حالیہ دہشتگردی کی لہر کی مذمت کرتے ہوئے میڈیا سیل سے جاری بیان میں کیا ۔

انہوں نے کہا کہ ملک کے بیشتر علاقے خصوصا کراچی میں امن امان کی صورت حال کافی حد تک بہتر ہوئی ہے لیکن ڈی آئی خان اب تک وہ واحد علاقہ ہے جہاں دہشتگردی ،ٹارگٹ کلنگ کے واقعات مسلسل جاری ہیں ۔ڈی آئی خان میں جاری ٹارگٹ کلنگ کے واقعات کی شدید مذمت کرتے ہیں ۔ڈی آئی خان میں اب تک جاری دہشتگردی کی ایک اہم وجہ سابقہ ادوار میں ڈی آئی خان پولیس میں ہونے والی فرقہ وارنہ بنیادو ں پر بھرتیا ں ہیں جس کا انکشاف خود آئی جی خیبر پختونخواہ نے سپریم کورٹ میں ڈی آئی خان میں دہشتگردی اور ٹارگٹ کلنگ پر لئے گے سوموٹو نوٹس کی سماعت کے دوران کیا ۔ ہم موجودہ حکومت سے مطالبہ کرتے ہیں گزشتہ ادوار میں ہونے والی فرقہ وارنہ بھرتیوں کا نوٹس لیتے ہوئے سب سے پہلے پولیس اور دیگر سیکورٹی اداروں میں سے کالی بھیڑوں کا صفایا کرئے اور علاقے میں فوری طورپر فوج کی نگرانی میں آپریشن کروائے ۔ٹارگٹ کلنگ میں شہید ہونے والے افراد کے لواحقین کی داد رسی کی جائے اور انہیں مالی مدد فراہم کی جائے ۔

وحدت نیوز(سیہون شریف) مجلس وحدت مسلمین ضلع جامشورو کی جانب سے سانحہ سہیون کی دوسری برسی کے اجتماع سے خطاب کرتے ہوئے مجلس وحدت مسلمین پاکستان کے مرکزی ڈپٹی سیکریٹری جنرل علامہ سید احمد اقبال رضوی نے کہاکہ سانحہ سہون،سانحہ شکار پور،سخی سرور،دربار شاہ نورانی،داتا دربار،رحمان بابا ،سانحہ عبدللہ شاہ غازی سمیت تمام ملک میں تمام مزارات پر دہشتگردی کی مزمت کرتے ہیں،دنیا کی طاغوتی طاتوں کے عزائم سے ہمارے عقائد و حب وطنی پر کوئی آنچ نہیں آئے گی،بم دھماکوں اور خود کش حملوں میں 80 ہزار سے زائد محب وطن افراد شہید ہوئے ،مساجد و امام بارگاہوں اور درباروں پر حملے کرنے والے یہودی ایجنٹ ہیں،اسلام محمدی کا دہشتگردی سے کوئی تعلق نہیں پوری دنیا میں عالم اسلام کے خلاف دہشتگرد ہونے کا منظم پروپگینڈا کیا جارہا ہے،قرآن کریم میں خداوند کا واضح ارشاد ہے کے کسی ایک انسان کا قتل عالم انسانیت کا قتل ہے۔

انہوں نے مزید کہاکہ پاکستان میں ہونے دہشتگردی کا تعلق عالمی طاغوتی طاقتوں سے ہے،ضیاء الحق نے پاکستان میں جہاد کے نام پر نام نہاد جہادی تنظیمیں بنائی،القائدہ ،داعش ،طالبان،لشکر جھنگوی نے مساجد امام بارگاہوں اور درگاہوں کو دہشتگردی کا نشانہ بنایا، نا اہل و غدار حکمرانوں نے کرپشن اور اقتدار کے خاطر دہشتگردوں کو پاکستان کی عوام پر مسلط کر دیا،عالمی استعماری طاعتیں ملک میں امن و امان ،تعلیم و ترقی کے خلاف اب تک مسلسل سازشیں کر رہی ہیں،موجودہ حکمران ماضی کے بکے ہوئے حکمرانوں کی مجرمانہ پالیسیوں سے سبق سیکھیں،بیرونی قوتیں چاہتی ہیں کہ ملک میں مذہب و عقائد کی بنیاد پر دہشتگردی پھیلائی جائے،آج ملک اندرونی و بیرونی مشکلات کا شکار ہے،ایسے میں محب وطن ملکی حکمرانوں ،سیاسی و مذہبی جناعتیں و عوام کو چاہئے کے شانہ بشانہ ہو کر ان کا مقابلہ کریں،دبئی میں بیٹھ کر جنرل مشرف اسرائیل کو تسلیم کرنے کی باتیں کر رہے ہیں،پاکستانی عوام نے نہ کل اسرائیل کو تسلیم کیا تھا نہ آج کریں گے۔

وحدت نیوز(گلگت) امسال گلگت بلتستان میں معمول سے زیادہ برف باری کی وجہ سے بالائی علاقے انتہائی خطرناک قدرتی آفات کی زد میں ہیں۔حکومت حفظ ماتقدم کے تحت قیمتی انسانی جانوں اور مالی نقصانات سے بچانے کیلئے فوری اقدامات کرے اور آفات کی زد میں رہائش پذیر خاندانوں کو دوسری جگہ منتقل کرکے عوام کے جان ومال کو محفوظ بنائے۔

مجلس وحدت مسلمین گلگت بلتستان کے ترجمان محمد الیاس صدیقی نے نلتر پائین اور کارگاہ کے عمائدین سے گفتگو کرتے ہوئے کہا کہ عوام کو ریلیف پہنچانا حکومت کی ذمہ داری ہے اور برفانی تودوں کی وجہ سے سڑکیں بلاک  ہونے سے قبل بالائی علاقوں میں اشیائے ضروریہ کو سٹاک کرے خاص طور پر گندم/ آٹے کی فراہمی کو یقینی بنائے۔انہوں نے کہا کہ نلتر پائین میں برفانی تودہ گرنے سے مہدی آباد کی پوری آبادی کو خطرات لاحق ہوگئے ہیں حکومت فوری اقدامات کرے اور علاقے میں خوراک اور ادویات بروقت فراہم کرنے کے اقدامات کرے۔انہوں نے ڈیزاسٹر منیجمنٹ اور ایڈ منسٹریشن سے مطالبہ کیا کہ علاقے بھر کا سروے کرکے عوام کو درپیش خطرات سے آگاہ کرے اور اشیائے ضروریہ کو ان علاقوں میں پیشگی ذخیرہ کرے نیز ادویات کی فراہمی اور ڈاکٹروں کی ٹیم کو تیار رکھے تاکہ بوقت ضرورت ایمرجنسی سے نمٹا جاسکے۔انہوں نے کہا کہ انتہائی خطرناک علاقوں سے عوام محفوظ مقامات پر منتقل کیا جائے تاکہ انسانی جانوں کا ضیاع کم سے کم ہو۔

وحدت نیوز(کوئٹہ) مجلس وحدت مسلمین کوئٹہ ڈویژن کے میڈیا سیل سے جاری شدہ بیان میں مرکزی رہنما اور امام جمعہ علامہ سید ہاشم موسوی نے کہاہے کہ بد عنوانی، خیانت، دھوکا دہی، کار سرکار میں غبن، ناپ تول میں کمی یہ تمام کرپشن سے تعبیر کیئے جاتے ہیں۔ قرآن کریم  نے جن قوموں کی بربادی و ہلاکت کا ذکر کیا ہے اس کی تباہی کا سب سے بڑا سبب کفر و شرک کے بعد اس میں پا یا جانے والا کرپشن، غبن، ناپ تول میں کمی اور خیانت تھا۔ جب کسی معاشرے کے اندر، دوسروں کے حقوق غصب کرنے، ان میں کمی کرنے اور خیال نہ رکھنے کی فضاء پیدا ہوجائے تو ایسا معاشرہ از خود فساد کی طرف بڑھتا ہے ۔

انہوںنے مزید کہاکہ ایسی ظالمانہ فضا میں پرورش پانے والے ہمیشہ دوسروں  کا حق مارنے کی تگ و دو میں رہتے ہیں۔ وہ اپنے ذمے دوسروں کے حقوق کی ٹھیک ادائیگی کی کبھی فکر نہیں کرتے۔ جس کی وجہ سے سماجی اور معاشرتی رویوں میں بگاڑ آتا ہے۔ دشمنیاں جنم لیتی ہیں اور فساد کی نئی نئی شکلیں پیدا ہوتی ہیں آج ہماری قوم مہنگائی اور ہوش ربا گرانی کے جس عذاب سے دوچار ہے وہ اسی کرپشن اور خیانت کا شاخسانہ ہے جس کی آوزیں ہر سمت سے اُٹھ رہی ہیں۔ شاید ہی کوئی شعبہ اور محکمہ ایسا ہو جو کرپشن سے خالی ہو۔ اگر کوئی درد مند اس کی نشاندہی کرتا ہے تو اس کی آواز صدابہ صحرا ثابت ہوتی ہے اور بسا اوقات یہ نشاندہی خود اس کے لئے وبال جان بن جاتی ہے، جس شخص کے پاس جس قدر اختیار و اقتدار ہے اس کے پرپشن کا حجم عموماَ اسی قدر بڑا ہوتا ہے اس عمل کا نتیجہ گرانی اشیاء کی شکل میں ہم سب کے سامنے ہے کہ ایک عام آدمی کے لئے زندگی کی بنیادی ضرورتوں کو پورا کرنا مشکل ہورہا ہے۔ جب تک صاحب اقتدار اور صاحب اختیار طبقہ اس وبا کو ختم نہیں کرے گا اور اصلاح احوال کے لئے فوری اقدامات اور کوشش نہیں کرے گا۔ گرانی مہنگائی اور قحط کے عذاب سے چھٹکارا حاصل نہیں کیا جاسکتا۔
بیان کے آخر میں کل کے کراچی میں پانچ بچوں کی حلاکت پر اظہار افسوس کیا اور دعا مغفرت کرتے ہوئے کہا کہ اللہ تعالیٰ ان کو جنت فردوس میں جگہ عطا ء فرمائیں اور ان پسماندگان کو صبر جمیل عطاء فرمائیں۔

وحدت نیوز(کوئٹہ) مجلس وحدت مسلمین کوئٹہ ڈویڑن کے میڈیا سیل سے جاری شدہ بیان میں سابق وزیر قانون آغا رضا نے کہاہے کہ اعلیٰ تعلیم کو فروغ دینا حکومت کی ذمہ داری ہے، ہم تعلیم کے اعتبار سے مشکلات سے دوچار ہیں، حکومت شعبہ تعلیم میں ترقی کیلئے مزید کام کریں۔ کسی بھی ملک و قوم کی ترقی کیلئے تعلیم ضروری ہے اسکے بغیر ترقی ممکن نہیں۔ تعلیم سے محرومی جہالت اور پسماندگی کے اصل اسباب ہیں ۔ تعلیم کے ذریعے نہ صرف قومیں اپنا معیار زندگی بناتی ہیں بلکہ ملک و معاشرے کیلئے بہترین تعلیم افرادی قوت بھی فراہم کرتی ہے اور یہی قوت زندگی کے مختلف شعبوں میں مثبت کردار ادا کرتی ہے۔ تعلیم یافتہ افراد ملت کا سرمایہ ہیں۔

انہوں نے کہاکہ انہیں لوگوں سے ملک و قوم کو ترقی کے نئے راستے ملتے ہیں اور یہی وہ لوگ ہیں جنہیں کسی طور نظر انداز نہیں کیا جا سکتا۔ بیان میں مزید کہا گیا کہ اسکولوں کے نئے سال کا آغاز ہو رہا ہے۔ بچوں میںحصول علم کی امنگیں بے تحاشا ہیں اور وہ اپنے مقصد تک پہنچنے کیلئے بے تاب ہیں۔ چھٹیوں کے دوران بھی ان بچوں کا مقصد اپنے وقت سے صحیح استفادہ کرتے ہوئے اپنی قابلیت کو نکھارنے میں مصروف عمل رہے۔ تعلیم بچوں کی ذہنی و فکری تربیت کا ایک ذریعہ ہے، والدین کی ذمہ داری بنتی ہے کہ سکول کے علاوہ بھی اپنے بچوں کی تربیت کیلئے مختلف سرگرمیوں میں انہیں مشغول رکھیں۔  بیان میں کہا گیا کہ اس بات میں کوئی شک نہیں کہ تعلیم ہی ترقی کے راستیں ہموارکرتا ہے اور ہمیں ان راستوں پر گامزن کرتا ہے۔ تعلیم وہ واحد چیز ہے جسکی اہمیت سے کوئی بھی شخص انکار نہیں کر سکتااور یہی چیز کسی شخص کی تربیت اور شخصیت کی تکمیل کا راستہ ہے جسے حاصل کرکے ہم ترقی کی سڑھیوںپر چڑھ سکتے ہیں۔ بیان کے آخر میں کہا گیا کہ بچوں کو چاہئے کہ تعلیم سے اپنی محبت کبھی ختم نہ ہونے دے اور حصول علم کے اس شمع کو کبھی بجنے نہ دے اور اپنی تعلیم پر توجہ دیتے ہوئے ہمیں ایک سنہرا پاکستان بنا کر دیکھائیں ۔