The Latest
وحدت نیوز(اسلام آباد) گلگت و استور ڈویژن کے تنظیمی عہدیداران کی تنظیمی وتربیتی سہ روزہ ورکشاپ کاسنٹرل سیکریٹریٹ مجلس وحدت مسلمین پاکستان اسلام آباد میں آغاز ہوگیا ہے ۔بروز اتوار 27 فروری 2022ء کو ورکشاپ کے پہلے سیشن سےحجۃ الاسلام والمسلمین علامہ سید احمد اقبال رضوی مرکزی ڈپٹی سیکریٹری جنرل مجلس وحدت مسلمین پاکستان، برادر مھدی عباس مرکزی سیکریٹریٹ اطلاعات ونشریات نے لیکچرز دیئے۔
جبکہ ورکشاپ کے دوسرے سیشن سے براد اسد عباس مرکزی سیکریٹری شعبہ سیاسیات نے اور حجۃ الاسلام والمسلمین ڈاکٹر محمد یونس حیدری مرکزی سیکریٹر ی شعبہ تربیت نے لیکچرز دیئےا ور ورکشاپ تیسرے سیشن سے برادر ناصر عباس شیرازی مرکزی ڈپٹی سیکریٹری جنرل مجلس وحدت مسلمین پاکستان نے خطاب ۔
وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے مومن قریش، سید العرب حضرت ابوطالب علیہ السلام کے یوم وفات کے موقع پر اپنے پیغام میں کہا ہے کہ ابو طالب اس عظیم ہستی کا نام ہے جن کی آغوش میں سردار الانبیاء حضرت محمدﷺ نے پرورش پائی۔ختمی مرتبت کی تربیت وحفاظت اور دین اسلام کی تبلیغ میں سب سے کلیدی کردار حضرت ابوطالب علیہ السلام کا تھا۔ حضور کریم ﷺ کو اپنے چچا کی جدائی کااس قدر صدمہ ہوا کہ انہوں نے اس سال کو غم کا سال قرار دیا۔
انہوں نے کہا کہ ایمان ابوطالب ع پر شک کرنے والے سخت ترین گنہگار ہیں۔جس شخصیت نے نبی ﷺ کا نکاح پڑھایا،زندگی بھر ان کی حفاظت کی۔جن کے عمل کو اللہ تعالیٰ کلام پاک میں اپنا عمل قرار دے رہے ہیں ان کا ایمان کس بلندی پر ہو گا اس کا اندازہ وہ دل و دماغ نہیں کر سکتے جو تعصب کے زنگ سے آلودہ ہیں۔انہوں نے حکومت سے مطالبہ کیا ہے جناب ابوطالب علیہ السلام کی شان اقدس میں گستاخی کرنے والوں کے خلاف توہین رسالت و توہین اہلبیت ع کے تحت مقدمات کے اندراج کا حکم جاری کیا جائے۔مسلمانوں کے مختلف مسالک کو ایک دوسرے کے خلاف صف آراء کرنے کے لیے مقدسات کو نشانہ بنانا ان طاقتوں کا ایجنڈا ہے جو مسلمانوں کو کمزور ترین دیکھنا چاہتے ہیں۔
انہوں نے کہا کہ ایمان ابوطالب پر انگلی اٹھانے والے شدت پسند عناصر شرعی اعتبار سے دین اسلام کے مجرم ہیں۔انہیں روکنے کے لیےریاستی کو سختی کا مظاہرہ کرنا ہو گا۔انہوں نے یوم وفات کے موقع پر امام زمانہ علیہ السلام اور محبان اہلبیت ع کی خدمت میں تعزیت پیش کی ہے۔
وحدت نیوز (کراچی) مجلس وحدت مسلمین ضلع ملیر کراچی کے سیکریٹری جنرل سید احسن عباس رضوی نے وحدت ہاؤس ملیر میں منعقدہ اجلاس سے خطاب کرتے ہوئےبلدیاتی حلقہ بندیوں پر شدید تحفظات کا اظہار کیاہے ۔ انہوں نے کہاکہ غیر منصفانہ اور متعصبانہ حلقہ بندیاں کسی صورت قبول نہیں،الیکشن کمیشن آف پاکستان یونین کونسل 3 جعفرطیار کی غیر منطقی حلقہ بندیوں کا فوری نوٹس لے، ایک یونین کونسل کے ووٹرز کی تعداد کو صوبائی اسمبلی کے حلقے کے برابر مقرر کرنا کہاں کی دانشمندی ہے ۔
انہوں نےکہا کہ نئی حلقہ بندی میں یونین کونسل کے مرکزی علاقوں کو نکال کر یونین کونسل نمبر 2 میں شامل کردیا گیاہے ۔ اس اقدام سے نا صرف علاقہ عوام کو ووٹ کاسٹ کرنے میں دشواری کا سامناہوگا بلکہ نئے بلدیاتی سیٹ اپ کی تشکیل کے بعد اپنے عوامی مسائل کےحل کیلئے بھی در در کی ٹھوکریں کھانی پڑیں گی، جعفرطیار سوسائٹی کے تمام سروے ایک ہی یونین کونسل کا حصہ ہونے چاہئیں ۔انہوں نے کہا کہ ایم ڈبلیوایم نے 2 پرپوزلز کے ساتھ یونین کونسل 3 جعفرطیار کی حلقہ بندیوں پر اعتراض تیار کرلیا ہے جو کہ جلد جمع کروادیا جائے گا۔ اگر حلقہ بندیوں کی منصفانہ تقسیم نہ ہوئی تو اہلیان جعفرطیار سوسائٹی اپنا بھرپور احتجاج ریکارڈ کروائیں گے ۔
وحدت نیوز(لاہور) مجلس وحدت مسلمین پنجاب کے سیکرٹری سیاسیات سید حسن رضا کاظمی کا کہنا ہے کہ بلدیاتی الیکشن میں بھرپور تیاری کیساتھ میدان میں اُتریں گے۔ لاہور میں کارکنوں سے گفتگو کرتے ہوئے انہوں نے کہا کہ ایم ڈبلیو ایم خدمت کی سیاست پر یقین رکھتی ہے اور صالح قیادت ہی مسائل حل کر سکتی ہے۔ انہوں نے کہا کہ ایم ڈبلیو ایم کو یہ اعزاز حاصل ہے کہ اس کے پاس صالح اور دیندار افراد موجود ہیں، جو بہتر انداز میں ملک و قوم کی بلاتفریق مذہب و مسلک خدمت کا جذبہ رکھتے ہیں۔
انہوں نے کہا کہ بلدیاتی الیکشن کیلئے امیدوار کی نامزدگی کا سلسلہ جلد شروع کر دیا جائے گا، اس حوالے سے مرکز کے فیصلے پر عمل ہو گا۔ انہوں نے کہا کہ لاہور کے مختلف علاقوں سے اپنے امیدوار کھڑے کریں گے اور اس بار مجلس وحدت مسلمین لاہور سے لارڈ میئر کا امیدوار بھی میدان میں اتارے گی۔ انہوں نے کہا کہ ہم سیاست کو عبادت سمجھتے ہیں، اور عوامی خدمت کیلئے کوشاں ہیں۔ انہوں نے کہا کہ بلدیاتی الیکشن کیلئے ہوم ورک کیا جا رہا ہے، جلد ہی اس حوالے سے حتمی لائحہ عمل کا اعلان کر دیا جائے گا۔
وحدت نیوز(قم) مجلس وحدت مسلمین پاکستان کے سیکرٹری امور خارجہ اور مجلس علمائے امامیہ پاکستان کے سربراہ علامہ ڈاکٹر سید شفقت حسین شیرازی نے کہا ہے کہ بانیان پاکستان وطن عزیز کو ایک ایسی ریاست دیکھنا چاہتے تھے جہاں معاشرے کے تمام لسانی، مذہبی، دینی اور علاقائی شناخت کے حامل طبقات مساوی زندگی گزار سکیں، جہاں تمام طبقات کے حقوق محفوظ اور محرومیاں دور ہوں۔ ان خیالات کا اظہار انہوں نے الباقر مرکز مطالعات کے زیراہتمام یکساں قومی نصاب کے موضوع پر ہونے والے ایک وبینار میں گفتگو کرتے ہوئے کیا۔
انہوں نے کہا کہ بانی پاکستان قائد اعظم محمد علی جناحؒ اور علامہ اقبالؒ نے ریاستی امور چلانے کے لیے بنیادی اصول بتا دئیے تھے، جن کے مطابق اس ملک کو قرآن و سنت کی حقیقی تشریح کے مطابق چلنا تھا لیکن افسوس کے ساتھ یہاں مخصوص تشریحات اور سوچ و فکر کا غلبہ ہوتا گیا۔ ان کا کہنا تھا کہ تعلیمی نصابات سمیت جملہ امور میں جب تک تمام طبقات کے حقوق کا خیال نہیں رکھا جائے گا معاشرے کی پیشرفت کا عمل سست روی کا شکار رہے گا۔
وحدت نیوز(حیدرآباد) امام بارگاہ ابوتراب میں منعقدہ مجلس عزا سے خطاب کرتے ہوئے مجلس وحدت مسلمین پاکستان کے مرکزی ترجمان مقصود علی ڈومکی نے کہا ہے کہ امام موسی کاظم دین خدا کے محافظ امام برحق تھے آپ کی حیات ظلم اور ظالم حکمرانوں کے خلاف جدوجہد عبودیت الہی اور امت کی ھدایت میں گذری۔ وقت کے جابر حکمرانوں کی طرف سے آپ علیہ السلام کی طویل قید آپ کے مجاہدانہ کردار کی عکاس ہے۔ جب امت خواب غفلت میں ہو حالات حاضرہ سے لاتعلق ہو امت بے بصیرت تو امام معصوم منصوص من اللہ جیل کی سلاخوں میں قید ہوتا ہے اور فاسق و فاجر لوگ برسر اقتدار ہوتے ہیں۔
انہوں نے کہا کہ ہماری ملت کو بیدار باشعور اور بابصیرت بننا ہوگا تاکہ ہم عصر حاضر دین اسلام اور نظام امامت و ولایت کے ناصر و مددگار بن سکیں اور دشمن کی سازشوں کا بہتر مقابلہ کر سکیں۔ امام زمانہ ع کے منتظرین کو حق و باطل کے معرکے میں خاموش تماشائی بننے کی بجائے آگے بڑہ کر حق اور اھل حق کا ساتھ دینا چاہیے۔
وحدت نیوز(اسلام آباد) سابق سینیٹر اور تحریک حسینی کے سپریم لیڈر علامہ سید عابد حسین الحسینی نے مجلس وحدت مسلمین کے مرکزی سیکرٹریٹ اسلام آباد کا دورہ کیا۔ انہوں نے ایم ڈبلیو ایم کے مرکزی رہنماء سید اسد عباس نقوی، علامہ اعجاز حسین بہشتی، علامہ مقصود ڈومکی، برادر نثار فیضی، عارف قمبری، ارشاد بنگش اور شبیر ساجدی سے ملاقات کی۔ اس موقع پر مجلس علمائے اہلبیت (ع) کے صدر علامہ صفدر نجفی، علامہ محمد حسین روحانی بھی موجود تھے۔ ملاقات کے دوران مختلف ملی و قومی امور پر بات چیت ہوئی۔
وحدت نیوز(لاہور) شہادت باب الحوائج امام موسی کاظم علیہ سلام کے موقع پر سیکرٹری جنرل ایم ڈبلیو ایم شعبہ خواتین و رکن صوبائی اسمبلی محترمہ سیدہ زہرا نقوی نے اپنے پیغام میں کہا کہ امام موسی کاظم علیہ سلام نے تمام تر سختیوں اور مسلسل قید و بند کی صعوبتیں برداشت کرنے کے بعد بھی دین اسلام کو بہترین انداز میں لوگوں تک پہنچایا علم و عبادت اور سخاوت و بردباری میں آپ کا کوئی ثانی نہیں تھا۔
انہوں نے کہا کہ امام ہفتم راتوں کو سحر تک بیدار رہتے اور آپ کی شب زندہ داری ہمیشہ استغفار، طویل سجدوں، بہتے آنسووں، کثرتِ مناجات اور دورانِ عبادت مسلسل گریہ و زاری کے ساتھ ہوا کرتی آپ کی مقبولیت سے خائف ہو کر ظالم و جابر حکومت نے طویل عرصہ کیلئے سخت ترین قید و بند میں ڈالا اور بالاخر قید میں ہی زہر دے کر شہید کر دیا۔
انہوں نے کہا کہ آپ ؑ نے بھی تمام آئمہ معصومین کی طرح اپنی امامت کے ٣٥ برسوں کے دوران دین اسلام کے احیاء اور الہٰی اقدار کے فروغ کے لئے ہر قسم کی مشکلات اور پریشانیوں کا خندہ پیشانی سے مقابلہ کیا اور راہِ اسلام میں صبر و استقامت کو عملی جامہ پہنایا۔
وحدت نیوز(ماتلی) مجلس وحدت مسلمین پاکستان کے مرکزی ترجمان مقصود علی ڈومکی نے ایم ڈبلیو ایم صوبہ سندہ کے ڈپٹی سیکریٹری جنرل بہادر ساتھی برادر یعقوب حسینی کے مزار پر حاضری دی اور فاتحہ پڑھی۔ اس موقع پر مجلس وحدت مسلمین ضلع ٹنڈو محمد خان کے سیکریٹری جنرل محب علی بھٹو اور ضلع ماتلی کے سیکریٹری جنرل میر طارق رند ان کے ہمراہ تھے۔
مرحوم یعقوب حسینی کے اھل خانہ اور بھائی فرحان حیدر سے تعزیت کرتے ہوئے مقصود علی ڈومکی نے کہا کہ یعقوب حسینی مجلس وحدت مسلمین کے بہادر کارکن تھے جو جہد مسلسل پر یقین رکھتے تھے وہ بے خوف ہوکر تکفیری دھشت گردوں کے مقابل ملت کے عزت و وقار کے لئے آئے اور وڈیروں کے مقابل مجلس وحدت کی سیاسی قوت کو ثابت کیا۔ ان کی وفات سے مجلس وحدت مسلمین کی قیادت اور کارکنوں کو صدمہ ہوا۔ اللہ تعالی انہیں اپنے انبیاء کی شفاعت نصیب کرے اور اھل بیت رسول اللہ کے ساتھ محشور فرمائے۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے امامت کے ساتویں آفتاب حضرت امام موسیٰ کاظم علیہ السلام کی شہادت کے موقع پر اپنے پیغام میں کہا ہے کہ امام برحق صبر و رضا کی اعلٰی ترین معراج پر تھے۔ان کی زندگی کے تمام پہلو اپنے جد امجد رسول خدا ﷺ کے اسوہ حسنہ کا عملی اظہار ثابت ہوئے۔ اس دور کی استکباری طاقتیں ظلم و جبر کے تمام حربوں کو آزمانے کے باوجود بھی امام برحق کو اپنے اجداد کی اعلی تعلیمات اور عالی اقدار کی حفاظت سے دستبردار نہ کرے سکیں۔موسی کاظم علیہ السلام کا طویل ترین قید اور حکومت کے ظالمانہ ہتھکنڈوں سے خائف نہ ہونا ہمارے لیے باعظمت زندگی بسر کرنے کا بہترین درس ہے۔ دین کی حفاظت کے لیے جرات و استقامت کو طرزِ زندگی بناکر امت مسلمہ اپنا کھویا ہوا وقار بحال کر سکتی ہے۔
انہوں نے کہا شہادت کی آرزو حقیقی مومن کی پہچان ہے۔جن شخصیات نے اس حقیقت کا درک کر لیا وہ دنیا و اخرت میں سرخرو ہیں۔تاریخ شاید ہے کہ موت کے خوف اور دنیاوی لالچ نے لوگوں کو اللہ تعالیٰ کے منتخب کردہ اماموں سے دور کر دیا اور امام کو تنہائی کی اذیت سہنا پڑی۔انہوں نے کہا دور عصر میں ہمیں سختی کے ساتھ آئمہ اطہار علیہم السلام کے طرزِ زندگی کو اپنانے کی ضرورت ہے بصورت دیگر ذلت و رسوائی کے چنگل سے آزادی ممکن نہ ہو گی۔انہوں نے امام موسی کاظم علیہ السلام کے یوم شہادت کے موقع پر امام زمانہ علیہ السلام کے حضور اور مومنین کی خدمت میں تعزیت پیش کی ہے۔
