The Latest
وحدت نیوز(اسلام آباد) مجلس وحدت مسلمین پاکستان کے چیئرمین علامہ راجہ ناصر عباس جعفری نے مرکزی رہنماؤں کے ہمراہ ایم ڈبلیو ایم سیکرٹریٹ میں پریس کانفرنس سے خطاب کرتے ہوئے کہا ہے کہ نبی کریم ﷺ کی شان میں گستاخی کرنے والا اسلام سے خارج اور شریعت کی رو سے واجب القتل ہے۔شاتم رسول ﷺ ملعون سلمان رشدی نے اپنی ناپاک تصنیف میں ختمی مرتبت پیغمبر اسلام کی جس انداز سے گستاخی کی اس نے دنیا کے کروڑ مسلمانوں کے مذہبی جذبات کو مجروح اور انہیں غم و غصہ میں مبتلا کیا۔عالم اسلام کے نڈر رہنما آیت اللہ العظمی سید خمینی رحمۃ اللہ نے سلمان رشدی کے قتل کا فتوی دے کر یہود و نصاری کو یہ پیغام دیا کہ کوئی بھی غیرت مند مسلمان نبی ﷺکی شان میں گستاخی کی اجازت نہیں دے سکتا۔ اگر کوئی مسلمان رہنما طاغوتی طاقتوں کی خوشنودی کے لیے رسول اللہ ﷺ کے کسی گستاخ کا لیے ہمدردانہ جذبات رکھتا ہے تو اس کا نبی کریم ﷺ اور ان کے دین سے کوئی تعلق نہیں۔ہماری حکمرانوں کو ملعون رشدی کے خلاف عوامی جذبات کی ترجمانی کرتے ہوئے حکومتی سطح پر بیان جاری کرنا چاہئیے تاکہ اقوام عالم پر یہ واضح کیا جا سکے کہ پاکستان کے بائیس کروڑ عوام نبی ﷺ کی عظمت پر کوئی سمجھوتہ کرنے کے لیےقطعی تیار نہیں۔ہم کٹ مر تو سکتے ہیں لیکن نبی ﷺ کی حرمت پر آنچ نہیں آنے دے سکتے۔
انہوں نے کہا کہ وطن عزیز اسٹرٹیجک اعتبار سے ایک اہم ملک ہے۔دنیا کے مختلف حصوں میں ہونے والے غیر معمولی واقعات و حالات اس پر اثرانداز ہوتے ہیں۔پاکستان کی ایٹمی طاقت ان عالمی استکباری قوتوں کو سخت کھٹکتی ہے جو پاکستان کو کمزور اور غیر مستحکم دیکھنا چاہتے ہیں۔جن ممالک کو ہماری آزاد خارجہ پالیسی اور ترقی سے مسئلہ ہے انہیں ہمارا دوست کہلانے کا حق حاصل نہیں۔بھارت،اسرائیل، امریکہ ہماری آزاد خارجہ پالیسی اور داخلی خودمختاری کے سخت ترین دشمن ہیں اس کے برعکس چین،روس،ایران،ترکی،ملائشیا پاکستان کو ہر لحاظ سے خود مختار اور ملکی و قومی پالیسیوں میں آزاد دیکھنے کے خواہش مند ہیں۔دشمن طاقتیں پاکستان کو غیر مستحکم کر کے ہم سے ہمارے ایٹمی اثاثے لینا چاہتی ہیں۔ہمیں عالمی حالات کے تناظر میں بابصیرت اور حکیمانہ فیصلے کرنے ہوں گے۔دنیا میں طاقت کی منتقلی کا عمل تیزی سے جاری ہے۔امریکہ اپنی ڈوبتی ہوئی کشتی کو بچانے کی ناکام کوشش کررہا ہے۔گریٹر اسرائیل کا خواب دیکھنے والی صیہونی ریاست اپنی محدود قابض سرزمین کی بقا کے لیے دیواریں کھڑی کرنے میں مصروف ہے۔ظالموں کے حساب کے دن گنے جا چکے ہیں۔
ملک کی موجودہ سیاسی صورتحال پر اظہار خیال کرتے ہوئے انہوں نے کہا کہ حمود الرحمٰن کمیشن رپورٹ پر اگرکاروائی کی جاتی تو وطن عزیز کے حالات آج مختلف ہوتے۔آدھی رات کو کسی خاتون کو اٹھا کر اور بچے سے جدا کرکے حراست میں لے لینا کہا کسی مہذب معاشرے کا قانون ہو سکتا ہے؟اگر کوئی قصوروار بھی ہے تو اس کے ساتھ ایسا بھیانک انداز اختیار کیا جاتا ہے کہ وہ مظلوم بن جاتا ہے۔انسانیت کا تمسخر اڑانے والوں کا اگر اس دنیا میں احتساب نہ بھی ہوا تو خدا کی عدالت میں ان سخت حساب کا سامنا ضرورکرنا پڑے گا۔وفاقی دارالحکومت میں پارا چنار کے ہمارے ایک عالم دین کو شہید کر دیا گیا۔ان کے قاتلوں کا آج تک پتا نہیں چل سکا۔اگر قانون نافذ کرنے والے اداروں کو سیاسی و انتقامی کارروائیوں اور چادر وچاردیواری کے تقدس کی پامالی سے فرصت ملے گی تو وہ مجرمانہ سرگرمیوں کو روکنے کے لیے اپنا پیشہ وارانہ کردار ادا کریں ۔حکومت نے عوامی مشکلات سے بے غرض ہو کر اپنی تمام تر توانائیوں کو اقتدار کےحصول کے لیے وقف کر رکھا ہے۔یہ وقت عوام کے ملک بچانے کے لیے گھروں سے نکلنے اور خودکو بیدار رکھنے کاہے
وحدت نیوز(اسلام آباد)وفاقی وزیر برائے اوورسیز پاکستانیز ساجد حسین طوری سے تحصیل چئیرمین اپر کرم ورہنما مجلس وحدت مسلمین مزمل حسین فصیح، ممبر صوبائی اسمبلی ریاض شاہین، اور دیگر اہم سماجی و سیاسی شخصیات نے ملاقاتیں کی۔ ملاقات میں ضلع کرم میں امن و امان کی صورتحال، ترقیاتی کاموں، عوامی مسائل اور سی پیک کو کرم سے جوڑنے سمیت مختلف امور پر تفصیلی تبادلہ خیال کیا گیا۔ وفود سے گفتگو کرتے ہوئے ساجد حسین طوری نے کہا کہ خطے میں امن و امان، ترقی اور کاروبار کے مواقع پیدا کرنے کے لیے باہمی اتفاق، اتحاد اور بھائی چارے کی ضرورت ہے جو کہ عوام کے منتخب نمائندوں کی اولین ذمہ داری ہے۔ انہوں نے مولانا مزمل حسین کو عوام کی فلاح و بہبود اور علاقے کی ترقی کے لیے ہر ممکن کوشش اور تعاون کا یقین دلایا۔
وفاقی وزیر نے وفد کو بتایا کہ حالیہ بارشوں سے نقصانات پر انکو بہت افسوس ہے اور اس حوالے سے انہوں وزیراعظم کو سفارشات پیش کی ہیں کہ حالیہ بارشوں اور سیلابوں کیوجہ سے ضلع کرم کو سیلاب سے متاثرہ علاقوں کے لیے خصوصی امدادی پیکج میں شامل اور متاثرین کے نقصانات کا ازالہ کیا جائے۔
ساجد حسین طوری نے کہا کہ خرلاچی اور بوڑکی سرحد کو ہر قسم کی افغان تجارت کے لیے کھولا جا رہا ہے، جہاں سے کوئلے کے علاوہ سبزیوں، پھلوں، خشک میوہ جات اور دیگر اشیاء کی درآمد و برآمد شروع ہو گی۔ انہوں نے وفد کو بتایا کہ وہ ہر ممکن کوشش کر رہے ہیں کہ سی پیک اور موٹروے کو ضلع کرم تک پھیلایا جائے اور اس حوالے سے انہوں نے وزیراعظم شہباز شریف، وزیر مواصلات اور دیگر حکام سے پلان ڈسکس کیا ہے اور انہوں نے یقین دہانی کرائی ہے کہ کرم کو سی پیک سے جوڑا جائیگا۔ انہوں نے کہا کہ کرم کو سی پیک سے جوڑنے سے علاقے کے لوگوں کو روزگار اور تجارت کے مواقع میسر آئیں گے جو کہ غربت اور بے روزگاری کے خاتمے اور علاقے میں خوشحالی لانے میں اہم کردار ادا کریں گے۔
وحدت نیوز(اسلام آباد)مجلس وحدت مسلمین پاکستان کے مرکزی سیکرٹری تنظیم مقصود علی ڈومکی نے کہا کہ بارش اور سیلاب نے بلوچستان اور سندھ میں تباہی مچادی ہے۔ کئی روز سے جاری بارش کے باعث غریبوں کے کچے گھر گر چکے اور ان کا سارا سامان بھیگ چکا، غریب جائے پناہ اور دو وقت کی روٹی کے لئے پریشان ہیں۔ مسلسل بارش کے سبب کاروبار زندگی معطل ہے اور دھاڑی مزدور بے کار بیٹھے ہیں۔ حکومت اور فلاحی ادارے مظلوم اور بے سہارا لوگوں کی مدد کے لئے آگے آئیں۔ بارش اور سیلاب کے باعث کئی قیمتی انسانی جانوں کا نقصان ہوا ہے، جبکہ غذائی قلت اور غربت و افلاس کے سبب غریب عوام کی مشکلات میں مزید اضافہ ہوگا۔
انہوں نے کہا کہ حکومت کی جانب سے ملنے والی امداد کو با اثر افراد کی کرپشن سے بچا کر متاثرین تک پہنچائی جائے۔ انہوں نے کہا کہ چھوٹے چھوٹے ڈیمز بنا کر بارش کے پانی کو ذخیرہ کیا جاسکتا ہے۔ جو زرعی پیداوار میں مددگار ثابت ہوں گے اور سیلاب سے بچاؤ کا سبب بھی بنیں گے۔ یہ حکومتی نااہلی اور بدانتظامی ہی ہے کہ عوام یا تو سیلاب میں ڈوبتے ہیں یا ان کے پاس پینے کا پانی نہیں ہوتا۔ افسوس کہ بلوچستان میں بننے والے دسیوں ڈیم ناقص میٹیریل اور بد ترین کرپشن کے سبب بارش اور سیلاب میں بہہ گئے۔ جس کی تحقیقات ضروری ہے۔
وحدت نیوز(ملتان) مجلس وحدت مسلمین پاکستان کے مرکزی سیکرٹری سیاسیات سید اسد عباس نقوی نے کہا ہے کہ پاکستان اسلام کے نام پر حاصل ہوا اور ہمارے آئین میں درج ہے کہ ہر مسلک کو اپنے مذہب کے مطابق آزادی حاصل ہوگی۔ لیکن بدقسمتی سے جیسے ہی محرم الحرام شروع ہونے لگتا ہے، ایک فضا بنا دی جاتی ہے کہ امن و امان کا مسئلہ ہے، حالانکہ عزاداری نواسہ رسول کے ساتھ کسی قسم کا امن کا مسئلہ نہیں ہے، یہ یہود و ہنود کی سازش اور قابل مذمت عمل ہے۔ ان خیالات کا اظہار انہوں نے ملتان پریس کلب میں دیگر رہنمائوں کے ہمراہ پریس کانفرنس کرتے ہوئے کیا۔ اس موقع پر مرکزی ڈپٹی سیکرٹری جنرل سلیم عباس صدیقی، صوبائی صدر علامہ اقتدار حسین نقوی، صوبائی رہنماء زعیم زیدی، دلاور زیدی، وسیم زیدی، محمد اصغر تقی، ضلعی صدر مولانا وسیم عباس معصومی اور دیگر موجود تھے۔
اسد عباس نقوی نے مزید کہا کہ مجالس عزا جو کہ نواسہ رسول کی یاد میں منائی جاتی ہیں، اس کی اجازت کا مسئلہ بنا دیا جاتا ہے۔ حالانکہ گھر کے اندر یا امام بارگاہ کے اندر مجلس کا انقعاد ہمارا آئینی حق ہے، آئین پاکستان کے تحت ہمیں آزادی حاصل ہے، اس سال بھی پنجاب کے اندر چادر اور چار دیواری کے اندر مجالس کے انعقاد پر جو جو ایف آئی آرز ہوئی ہیں، وہ قابل مذمت ہیں، ہم مطالبہ کرتے ہیں کہ یہ ایف آئی آر فوری واپس لی جائیں۔
اُنہوں نے کہا کہ کچھ جگہوں پر یہ بات علم میں آئی ہے کہ جلوس عزا میں موسم کی صورت حال کی وجہ سے ٹائمنگ میں 10 سے 15 منٹ لیٹ ہونے پر آیف آئی آر ہوئی ہیں، جو قابل مذمت ہیں۔ حالانکہ کوئی میوزیکل پروگرام یا سیاسی جلسہ کی ٹائمنگ طے نہیں ہوتیں، لیکن نواسہ رسول کی یاد منانے کے لئے ٹائم مقرر کر دیا جاتا ہے، حکومت پاکستان یہ قانون واپس لے اور ہر شخض کو مذہی آزادی کا حق دیا جائے۔ اس محرم الحرام کے اندر ایک سازش کی گئی کہ ہمارے اہل سنت بھائیوں کی طرف سے سبیل یاد شہداء کربلا لگائی گئی، جس کو بالخصوص سندھ کے اندر تکفیری قوتوں نے نشانہ بنایا، لیکن سندھ حکومت نے آج تک کوئی کارروائی نہیں کی، ہم مطالبہ کرتے ہیں کہ فی الفور کارروائی کی جائے اور سبیل شہدائے کربلا بند کرانے والے افراد کے خلاف کارروائی کی جائے۔ خیرپور سندھ میں عزاداروں کے گھروں پر پولیس شیلنگ قابل مذمت فعل ہے۔ حکومت سندھ کی جانب سے فی الفور پولیس کے ذمہ دار افسران کو معطل کیا جائے اور تادیبی کارروائی عمل میں لائی جائے۔
وحدت نیوز(اسلام آباد/کراچی) مجلس وحدت مسلمین پاکستان کے چیئرمین علامہ راجہ ناصر عباس جعفری نے معروف شیعہ ذاکر اہل بیتؑ اور مرکزی رویت ہلال کمیٹی کے رکن خطیب حریت علامہ علی کرار نقوی کے انتقال پر افسوس کا اظہار کرتے ہوئے کہا ہے کہ مرحوم نے پوری زندگی ذکر محمدؐ و آل محمدؑ کی ترویج میں صرف کی، مرحوم کی قومی و ملی خدمات کو ہمیشہ یاد رکھا جائےگا، مرحوم علامہ علی کرار نقوی ماضی کی ان شخصیات میں سے تھے کہ جنہوں نے پاکستان کی سرزمین پر اوائل میں انقلاب اسلامی اور بانی انقلاب امام خمینیؒ کے پیغام کو پھیلانے میں اپنا بھرپور کردار ادا کیا۔
انہوں نے کہا کہ ایک علمی گھرانے سے تعلق رکھنے والے علامہ علی کرار نقوی اتحاد بین المسلمین کے عظیم داعی تھے، آپ آخر دم تک مسلمانوں کے درمیان اتحاد کیلئے کوشاں رہے اور اس کیلئے عملی جدوجہد کرتے رہے، مرحوم فلسطین سمیت یمن، عراق، شام، بحرین، نائیجیریا سمیت دنیا بھر کے مظلومین کیلئے آپ ایک توانا آواز تھے، علامہ علی کرار نقوی کے انتقال سے جہاں شیعہ قوم ایک بڑے ذاکر اہل بیتؑ سے محروم ہوگئی ہیں وہیں اتحاد بین المسلمین کیلئے کام کرنے والی قوتوں کو بھی شدیدصدمہ پہنچا ہے۔ علامہ راجہ ناصر عباس جعفری نےمرحوم علامہ علی کرار نقوی کے خانوادہ سے تعزیت کا اظہار کیا ہے اور دعا کی ہے کہ اللہ مرحوم کے درجات کی بلندی کے ساتھ ساتھ لواحقین کو صبر جمیل عطا فرمائے۔ آمین
دوسری جانب مجلس وحدت مسلمین صوبہ سندھ کے صدر علامہ سید باقرعباس زیدی نے بھی علامہ علی کرارنقوی کی رحلت پر دلی افسوس اور رنج کا اظہار کرتے ہوئے اپنے تعزیتی پیغام میں کہاکہ مکتب اہل بیتؑ ایک بلند پایہ خطیب اور عالم دین سے محروم ہوگیا ہے، اتحاد امت کیلئے مرحوم کی خدمات کو تادیر یارکھا جائے گا، ان کی جدائی ایک ناقابل تلافی نقصان ہے۔ خداوند متعال مرحوم کی مغفرت فرمائے اور ان کےپسماندگان کو صبر جمیل عنایت فرمائے۔
وحدت نیوز(کوئٹہ) مجلس وحدت مسلمین کوئٹہ سٹی کے صدر ارباب لیاقت علی ہزارہ نے بلوچستان اسمبلی میں صوبائی وزیر عبدالخالق ہزارہ کی حالیہ تقریر پر تشویش کا اظہار کرتے ہوئے کہا ہے کہ جن مسائل پر عبدالخالق ہزارہ کو آواز بلند کرنی چاہئے تھی۔ ان میں وہ قوم کی نمائندگی کرنے میں ناکام ہو گئے اور انہوں نے قوم کو ناامید کر دیا۔ آج جن مسائل کو گھر میں بیٹھ کر بات چیت سے حل کیا جا سکتا ہے، انہیں اسمبلی فلور میں پیش کرکے وہ اپنی نااہلی کا ثبوت پیش کر رہے ہیں۔
ارباب لیاقت علی ہزارہ نے کہا کہ ہماری قوم کے ساتھ ہونے والے بڑے واقعات کے دوران عبدالخالق ہزارہ اسمبلی سے غائب تھے۔ 2021ء میں ہزارہ ٹاؤن کے دھرنے میں انہوں نے اسمبلی میں بات نہیں کی۔ بلال نورزئی کے واقعہ میں وہ کوئٹہ سے ہی غائب ہوگئے تھے اور نہ ہی انہوں نے ہدایت خلجی کیس میں اسمبلی فلور پر آواز بلند کی۔ انہوں نے مزید کہا کہ بچگانہ موضوعات کو صوبائی اسمبلی میں اٹھانا خالق ہزارہ کی نالائقی کو ظاہر کرتا ہے۔
وحدت نیوز(اسلام آباد) مجلس وحدت مسلمین پاکستان کے چیئرمین علامہ راجہ ناصر عباس جعفری نے کہا ہے کہ کوئی بھی صاحب ایمان ملعون سلمان رشدی کے لیے ہمدردانہ جذبات نہیں رکھ سکتا۔عالمی طاقتوں کی خوشنودی حاصل کرنے کے لیے اللہ تعالیٰ کی ناراضگی مول لینا صریحاً گھاٹے کا سودا ہے۔رسول اللہ ﷺ کی شان میں گستاخی کرنے والے ملعون سلمان رشدی کے خلاف مرجع تقلید آیت اللہ العظمیٰ خمینی رحمۃ اللہ کا تاریخی اور جرات مندانہ فتوی نبی کریم ﷺ سے عشق کا والہانہ اظہار ہے۔ملعون سلمان رشدی کے خلاف روح اللہ خمینی کا فتوی اٹل ہے۔مراجع عظام کے فتاویٰ تبدیل نہیں ہو سکتے۔دین اسلام اور رسول اللہ ﷺ کے کسی گستاخ کے لیے نرم گوشہ رکھنے والے اپنے ایمان پر غور کریں۔
انہوں نے کہا کہ نبی کریم ﷺ کی شان و عظمت ہمیں ہر تعلق سے بڑھ کر ہے۔یہ ہماری دینوی غیرت کا تقاضا ہے۔خاتم النبیین حضرت محمد مصطفی صلی اللہ علیہ وآلہ وسلم کی عزت و حرمت کے تحفظ کے لیے دنیا کے تمام تعلق قربان کیے جا سکتے ہیں۔ ملعون گستاخ کل بھی قابل نفرت تھا اور آئندہ بھی لعنت کا حقدار رہے گا۔ہم نبی ﷺ کے نام لیوا ہیں نبی ﷺکی عظمت پر منافقانہ طرز عمل اختیار کر نے والوں کے خلاف ہمارا موقف دوٹوک اور اٹل ہے۔
وحدت نیوز(نصیر آباد) مجلس وحدت مسلمین پاکستان کے مرکزی سیکرٹری تنظیم اور عزاداری کونسل کے سربراہ علامہ مقصود علی ڈومکی اور ایم ڈبلیو ایم بلوچستان کے صوبائی صدر علامہ سید ظفر عباس شمسی کی قیادت میں تنظیمی وفد نے ڈی آئی جی پولیس نصیر آباد عبدالحئی بلوچ سے ملاقات کی۔ وفد میں ایم ڈبلیو ایم بلوچستان کے صوبائی نائب صدر آغا سہیل اکبر شیرازی صوبائی سیکرٹری تنظیم سید حسن ظفر ممتاز علی حاجی ھدایت اللہ گوشانی شامل تھے۔
اس موقع پر گفتگو کرتے ہوئے علامہ مقصود علی ڈومکی نے کہا کہ عشرہ محرم الحرام کے دوران انتظامیہ اور عزاداروں و عزاداری کونسل کے درمیان تعاون کے باعث مجالس عزا اور عزاداری کے پروگرامز امن و امان سے منعقد ہوئے۔ انہوں نے کہا کہ صحبتِ پور میں چہلم شہدائے کربلا کے موقع پر ہر سال جلوس عزا نکلتا ہے مگر افسوس کہ گذشتہ سال عزاداروں کے خلاف مقدمات درج کیے گئے حکومت یہ مقدمہ واپس لیتے ہوئے اس دفعہ جلوس اربعین کے سلسلے میں مکمل تعاون کرے۔
انہوں نے کہا کہ نصیر آباد ڈویژن میں قدیمی جلوسوں خصوصاً حاجی شہر درگاہ فتح پور شریف اور کوٹ بچل شاہ کے قدیمی عاشورا جلوسوں کو ریکارڈ کا حصہ بناتے ہوئے ان جلوسوں کو سیکورٹی فراہم کی جائے۔اس موقع پر گفتگو کرتے ہوئے ڈی آئی جی عبدالحئی بلوچ نے کہا کہ پولیس اور عوام کا باہمی تعاون قیام امن میں مفید ہے۔ پولیس اور عزاداروں بانیان مجالس کا باہمی تعاون انتہائی احسن انداز سے ایام عزا کے انعقاد کا باعث ہوا ان شاءاللہ تعالیٰ یہ باہمی تعاون چہلم شہدائے کربلا سمیت سال بھر جاری رہے گا۔اس موقع پر علامہ مقصود علی ڈومکی اور علامہ سید ظفر عباس شمسی نے ڈی آئی جی پولیس عبدالحئی بلوچ کو ایام عزا میں تعاون کرنے پر شیلڈ پیش کی۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے شیعہ علماء کونسل کے مرکزی نائب صدر علامہ سید سبطین سبزواری پر قاتلانہ حملے کی شدید الفاظ میں مذمت کرتے ہوئے حملہ آور مجرموں کی فی الفور گرفتاری کا مطالبہ کیا۔ علامہ سید سبطین سبزواری سے ٹیلی فون پر گفتگو کرتے ہوئے علامہ مقصود علی ڈومکی نے کہا کہ ایک ممتاز عالم دین پر قاتلانہ حملہ انتہائی افسوس ناک ہے پنجاب پولیس کو چاہیے کہ واقعہ میں ملوث مجرموں کو بے نقاب کرتے ہوئے انہیں فی الفور گرفتار کرے۔
انہوں نے کہا کہ یہ پنجاب پولیس کی صلاحیتوں کا امتحان ہے کہ وہ اس قاتلانہ حملے کے مجرموں کو کیفرکردار تک پہنچانے کے لئے اپنی بھرپور صلاحیت بروئے کار لائے۔انہوں نے کہا کہ مجلس وحدت مسلمین پاکستان اس قاتلانہ حملے کی مذمت کرتے ہوئے آپ کی صحت و سلامتی کے لیے دعا گو ہے۔ انہوں نے کہا کہ ماہ محرم الحرام میں ایک مذہبی رہنما پر قاتلانہ حملہ کرکے امن دشمن عناصر حالات خراب کرنا چاہتے ہیں۔اس موقع پر علامہ سید سبطین سبزواری نے اپنے اوپر قاتلانہ حملے کی تفصیلات سے آگاہ کیا۔
وحدت نیوز(رتوڈیرو)مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے رتودیرو کے قریب سید مصری شاہ کا تبلیغی دورہ کیا۔اس موقع پر سید مصری شاہ اور نصیب اللہ شاہ کی رہائش گاہ پر گفتگو کرتے ہوئے علامہ مقصود علی ڈومکی نے کہا کہ محرم الحرام تبلیغ دین اور احیائے فکر حسینیت کا مہینہ ہے۔ سادات کرام مکتب اھل بیت علیھم السلام کی ترویج و تبلیغ کو اپنی پہلی ترجیح قرار دیں لوگوں کی سادات کرام سے عقیدت ایک بہترین موقع ہے کہ سادات اس محبت اور عقیدت کو امت کی اصلاح کے لئے بروئے کار لائیں۔ نوجوان نسل کی دینی اور نظریاتی تعلیم و تربیت کے ذریعے اصلاح معاشرہ کا ھدف حاصل کیا جا سکتا ہے۔
انہوں نے کہا کہ دین اسلام اور پیغام اھل بیت کی تبلیغ ہمیں اپنے گفتار اور کردار کو پاکیزہ بنا کر کرنی چاہیے تاکہ ہمارے کردار سے کردار آل محمد علیھم السلام کی خوشبو آئے۔
اس موقع پر مقامی مومنین اور سادات نے ماہ محرم الحرام کے پروگرامز اور گذشتہ سال کی ایف آئی آر کے حوالے سے آگاہ کیا۔اس موقع پر انہوں نے ایک وفد کے ہمراہ گوٹھ جکھرانی پہنچ کر فریقین میں صلح کرائی اور دعائے خیر کی۔ اس موقع پر ایم ڈبلیو ایم لاڑکانہ کے ضلعی صدر برادر عبد الرزاق جلبانی سابق رکن شورائے عالی سید آل محمد جعفری ،سید غلام شبیر نقوی و دیگر ان کے ہمراہ تھے۔
