The Latest
وحدت نیوز(اسلام آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے سابق سیکریٹر ی امور تنظیم سازی سندھ برداریعقوب حسینی کو مرکزی کابینہ میں سیکریٹری امور تنظیم سازی کی حیثیت سے ذمہ داریاں تفویض کر دی ہیں ، اس بات کا اعلان اسلام آباد میں جاری مرکزی کابینہ کے اجلاس میں کیا گیا ، واضح رہے کہ برادر یعقوب حسینی علامہ مختار امامی کی زیر قیادت سندھ کابینہ میں بھی صوبائی سیکریٹری امور تنظیم سازی کی حیثیت سے بہترین تنظیمی فعالیت انجام دے چکے ہیں۔
وحدت نیوز(اسلام آباد) مجلس وحدت مسلمین پاکستان کی مرکزی کابینہ کا اہم اجلاس اسلام آباد میں جاری ہے ، مرکزی سیکریٹری جنرل علامہ ناصرعباس جعفری کی زیر صدارت جاری اجلاس میں ڈپٹی سیکریٹری جنرل علامہ امین شہیدی، سیکریٹری امور خارجہ علامہ شفقت حسین شیرازی ، سیکریٹری تربیت علامہ احمد اقبال، سیکریٹری تبلیغات علامہ اعجاز بہشتی،سیکریٹری آفس علامہ حسنین گردیزی، سیکریٹری بین الصوبائی روابط علامہ اقبال بہشتی، سیکریٹری سیاسیات ناصر عباس شیرازی ، سیکریٹری اطلاعات سید مہدی شاہ ، سیکریٹری روابط ملک اقرار حسین ، سیکریٹری یوتھ ونگ فضل عباس نقوی اور سیکریٹری فلاح وبہبود نثارعلی فیضی بھی شریک ہیں ،زرائع کے مطابق اجلاس میں قومی اور سیاسی حوالے سے اہم فیصلہ جات متوقع ہیں ، جن میں بلتستان میں بیداری امت و استحکام پاکستان کنونشن ، انتخابی دھاندلی کے ایک سال مکمل ہونے پر حکمت عملی اور دیگرایشوز شامل ہیں ، جب کہ مرکزی کابینہ میں معمولی تبدیلیاں بھی متوقع ہیں ۔
وحدت نیوز(میر پورخاص) ڈگری میں مجلس وحدت مسلمین کی جانب سےمحمدی چوک پر جشن مولود کعبہ کی مناسبت سے لگائے گئے خانہ کعبہ کے بینرز اور پرچموں کو کالعدم تکفیری جماعت کے دہشت گردوں نے پھاڑ کر پھنک دیا اور پیروں تلے روند کر بے حرمتی کی ، اس واقعہ کے خلاف مجلس وحدت مسلمین کی جانب سے مرکزی امام بارگاہ باب العلم سے احتجاجی ریلی نکالی گئی جس کی قیادت ایم ڈبلیو ایم کے رہنما بشیر شاہ نقوی نے کی، جب کہ سنی اتحاد کونسل ، سنی تحریک ، تحریک منہاج القرآن اور ہندو کمیونٹی کے رہنما بھی احتجاج میں شریک تھے، ریلی کے شرکاء نے پہلے محمدی چوک پر چھ گھنٹے طویل دھرنا دیا اس کے بعد نیشنل پریس کلب اور دگری پریس کلب کے سامنے احتجاجی دھرنا دیا گیا ، انتظامیہ کی بے توجہی کے بعد مظاہرین مشتعل ہو گئے اور ڈگری پولیس اسٹیشن کا گھیراو کر لیا جس کہ بعد پولیس نے فقظ تحریری درخواست و صول کی اور ایف آئی آر کاٹنے سے انکار کر دیا۔
بشیر شاہ نقوی نے خطاب کرتے ہو ئے کہا کہ سندھ حکومت بھی پنجاب حکومت کی طرح کالعدم جماعتوں کو مکمل سپورٹ فراہم کر رہی ہے، تکفیری دہشت گرد سندھ کے پر امن ماحول کو خراب کرنے کے درپہ ہیں ، ڈگری میں جشن مولود کعبہ ولادت مولائے متقیان امام علی ابن ابی طالب علیہ السلام کے بینرز کی توہین کرنے والے تکفیری بدمعاشوں کے خلاف توہین صحابہ کا مقدمہ درج کیاجائے، ورنہ میر پور خاص میں امن کی ذمہ داری نہیں دے سکتے ،مقدسات ِ اسلامی کی توہین کا یہ کوئی پہلا واقعہ نہیں سندھ بھر میں آئے روز اس طرح کے توہین آمیز دل خراش واقعات معمول بن چکے ہیں ، اہلیان سندھ جو کہ حب اہل بیت علیہ السلام سے سرشار قوم ہےاس طرح کی اہانت آمیز حرکات پر مذید خاموشی اختیار نہیں کر سکتی ، انہوں نے وزیر اعلیٰ سندھ کے مطالبہ کیا کہ ڈگری میں محمدی چوک ڈگری سے جشن مولود کعبہ کے بیرز اور مجلس وحدت مسلمین کے پرچموں کو پھاڑکر پیروں تلے روندنے میں ملوث کالعدم تکفیری جماعت کے ملزمان معاز، حافظ عمیر، زاہد ، میر حفیظ ، میر محمدعرف ڈاڈو، میر گڈو، جانی خاصخیلی، فیصل لغاری اور دیگر کو فلفور گرفتار کر کے سخت سزا دی جائے ورنہ شدیداحتجاج کیا جائے گا۔
وحدت نیوز(اسلام آباد) اہل سنت والجماعت کی 23 جماعتوں کی نمائندہ جماعت سنی اتحاد کونسل پاکستان کے سربراہ صاحبزادہ حامد رضاترجمان وائس آف شہداءفیصل رضا عابدی اور تحریک منہاج القرآن کے مرکزی رہنما اور ڈاکٹر طاہرالقادری کے فرزند حسن محی الدین قادری نے مجلس وحدت مسلمین پاکستان بلتستان ڈویژن کی دعوت قبول کر لی۔ تفصیلات کے مطابق 18 مئی کو اسکردو میں یادگار شہداء اسکردو پر منعقدہ عظیم الشان بیداری ملت و استحکام پاکستان کانفرنس میں ملک بھر سے مختلف مکاتب فکر سے تعلق رکھنے والے علمائے کرام اور رہنماء شرکت کریں گے۔ اس سلسلے میں اہل سنت والجماعت کی 23 جماعتوں کی نمائندہ جماعت سنی اتحاد کونسل کے سربراہ صاحبزادہ حامد رضا، سابق سینیٹر اور ترجمان وائس آف شہداء فیصل رضا عابدی اور تحریک منہاج القرآن کے مرکزی رہنما حسن محی الدین قادری نے مجلس وحدت مسلمین پاکستان بلتستان ڈویژن کی دعوت قبول کر لی ہے اور وہ اسکردو میں منعقدہ کانفرنس میں خصوصی شرکت کریں گے۔ ذرائع کے مطابق رابطہ کرنے پر صاحبزادہ حامد رضا نے مجلس وحدت مسلمین پاکستان بلتستان ڈویژن کا شکریہ ادا کیا ہے اور اس پروگرام میں شرکت کی یقین دہانی کرائی ہے۔ ان کے علاوہ بھی پاکستان کے مختلف مکاتب فکر سے تعلق رکھنے والے رہنما اور برجستہ شخصیات شرکت کریں گی۔
وحدت نیوز(اسکردو) مجلس وحدت مسلمین پاکستان کے زیراہتمام 18 مئی کو بلتستان کے مرکزی شہراسکردو میں منعقد ہونے والے جلسہ عام کے موقع پر جہاں ایم ڈبلیو ایم اپنے آئندہ کے سیاسی لائحہ عمل اور انتخابی منشور کا اعلان کریگی، وہیں باخبر ذرائع سے معلوم ہوا ہے کہ گلگت بلتستان کی بعض اہم سیاسی و مذہبی شخصیات اور سماجی راہنما بھی مجلس وحدت مسلمین میں شمولیت کا باضابطہ اعلان کرینگے۔ ذرائع کے مطابق آئندہ انتخابات میں ایم ڈبلیو ایم سے اپنے سیاسی سفر کا ازسر نو آغاز کرنے کیلئے متعدد اہم سیاسی و مذہبی راہنما ایم ڈبلیو ایم کے مقامی قائدین سے مسلسل رابطوں میں ہیں۔ رابطے کرنے والوں میں بعض مذہبی و وفاقی سیاسی جماعتوں کی اہم شخصیات بھی شامل ہیں۔ 18 مئی کے جلسے کے موقع پر ان میں سے متعدد راہنما ایم ڈبلیو ایم میں اپنی شمولیت کا باضابطہ اعلان کرینگے۔
وحدت نیوز(گلگت) ضلع استور کے بزرگ عالم دین شیخ امیر حیات اور امام جمعہ رحمان پور استور شیخ طاہر حسین نے بھی مجلس وحدت مسلمین کی فعالیت سے متاثر ہو کر شمولیت کا باقائدہ اعلان کردیا ہے،شمولیت کے موقع پر وحدت ہاوس گلگت میں صوبائی سیکرٹری جنرل علامہ نئیر عباس مصطفوی اور صوبائی سیکرٹری سیاسیات غلام عباس ہار پہنا کر معزز علمائے کرام کو ایم ڈبلیوایم میں شمولیت پر مبارک باد دی،قائدین وحدت کے ایمان افروز کردار ،قومی و اجتماعی معاملات میں واضح اور ٹھوس پالیسی ، بروقت اقدامات اور گلگت بلتستان سمیت ملک بھر میں حالیہ گندم سبسڈی بحالی تحریک میں فعال کردار ادا کرنے کی بدولت ایم ڈبلیو ایم کی مقبولیت میں روز بروزاضافہ دیکھنے میں آرہا ہےاورمسلسل علمائے کرام ، وکلاء ، معززین کی مجلس وحدت مسلمین میں شمولیت جاری ہے۔
وحدت نیوز(دیامر) اہلیان دیامرکی محبت، مہمان نوازی اور اپنائیت کو کبھی فراموش نہیں کر سکیں گے۔ امن، اخوت، اور خیر سگالی کا جو پیغام لیکر اہلیان بلتستان دیامر پہنچے وہ امن کا پیغام گھر گھر پہنچایا جائیگا۔ گلگت بلتستان کے تمام لوگوں کو مذہبی اور مسلکی خول سے نکل کر عوام کی ترقی اور خوشحالی کے لئے جدوجہد کرنا ہوگی۔ ان خیالات کا اظہار بلتستان سے خیرسگالی کا پیغام لیکر آنے والے عوامی ایکشن کمیٹی بلتستان ریجن کے نمائندہ وفد کے اراکین اور مجلس وحدت مسلمین کے رہنما فدا حسین، احمد حسین ظفر، مولانا محمد اسحاق ثا قب، ڈاکٹر شجاعت میثم، انجینئر شبیر حسین، علامہ شبیر حسین رجائی، جاوید، غلام شہزاد آغا، اعجاز، عاشق حسین نے صحافیوں سے گفتگو کرتے ہوئے کیا۔ انہوں نے کہا کہ ہمیں اپنے حقوق کے لئے متحد ہونا پڑے گا۔ حکمرانوں نے 67سالوں سے ہمیں متنازعہ بنا رکھا ہے۔ جس کی وجہ سے نہ حقوق ملتے ہیں، اس کی بنیادی وجہ ہماری آپس کی رنجشیں اور عداوتیں ہیں۔ انہوں نے کہا کہ دیامر بھاشہ ڈیم کے تمام مسائل فوری حل کریں اور سرحدی تنازعات کا فوری حل نکالیں۔ اس حوالے سے اہلیان بلتستان دیامر کے عوام کے ساتھ شانہ بشانہ کھڑے ہیں اور ہر فورم میں ساتھ دینگے۔ انہوں نے کہا کہ صوبائی حکومت دیامر میں تعلیم کے فروغ کے لئے کردار ادا کریں اور ضلع بھر میں انفراسٹرکچر کی بحالی پر خصوصی توجہ دیں۔ انہوں نے کہا کہ ہمیں اپنے حقوق کی جدوجہد کو تیز کرنے کے لئے ایک وحدت اور ایک قوم بنکر ظالموں کے خلاف اٹھ کھڑا ہونا ہوگا۔
وزیراعلیٰ نے ابتک چار مرتبہ سینکڑوں ملازمین کو معطل کر کے بلتستان دشمنی کا ثبوت دیا ہے، اسلم انجینئر
وحدت نیوز(بلتستان) مجلس وحدت مسلمین پاکستان بلتستان ڈویژن کے سیکرٹری تعلیم انجینئرمحمد اسلم نے اپنے ایک بیان میں کہا ہے کہ بلتستان میں دھرنے میں شرکت کے الزام میں ملازمین کو معطل کرنا وزیراعلٰی کی انتقامی پالیسی ہے۔ وزیراعلٰی گلگت بلتستان سید مہدی نے اپنی چار سالہ دور حکومت میں بلتستان سے تعلق رکھنے والے ملازمین پر جھوٹے الزامات عائد کر کے چار دفعہ سینکڑوں ملازمین کو معطل کر کے واضح کر دیا ہے کہ وہ بلتستان کے عوام سے کس حد تک مخلص ہے۔ انہوں نے گزشتہ سالوں میں پیش آنے والے تمام واقعات اور سانحات میں صرف بلتستان سے تعلق رکھنے والے ملازمین کو معطل کیا جس سے واضح ہوتا ہے کہ وزیراعلٰی کی نظر میں اہل بلتستان کی کیا قدر ہے۔
انہوں نے مزید کہا کہ گندم سبسڈی کی بحالی کے لئے دھرنے صرف بلتستان میں نہیں دیے گئے بلکہ گلگت، چلاس سمیت چالیس سے زیادہ مقامات پر دئیے گئے مگر صرف بلتستان سے تعلق رکھنے والے ملازمین کو معطل کر کے بلتستان دشمنی کا ثبوت دیا ہے۔ عوام آئندہ الیکشن میں اپنے ووٹ کے ذریعے انتقام لیں گے۔ انہوں نے کہا کہ حال ہی میں حکمران پارٹی کی طرف سے ایک ناکام ریلی سرکاری ملازمین نے ہی نکالی تھی اور اس ریلی میں پولیس کی موجودگی میں فائرنگ کے واقعات بھی پیش آئے لیکن کسی کے خلاف کاروائی نہیں کی گئی۔ اگر حکومت معطل ملازمین کو فوری طور پر بحال نہیں کرتی تو اس کے نتیجے میں جو حالات پیش آئیں گے اس کی تمام تر ذمہ داری حکومت پر عائد ہوگی۔
وحدت نیوز(مظفرآباد) مجلس وحدت مسلمین آزادکشمیر کے سیکرٹری سیاسیات سید تصور عباس موسوی نے افغانستان کے صوبہ بدخشاں کے گاؤں میں مٹی کا تودہ گرنے کے باعث خواتین اور بچوں سمیت ہزاروں افراد کے جاں بحق ہونے پر گہرے دکھ اور افسوس کا اظہارکیا ہے ۔ مجلس وحدت مسلمین نے مٹی کا تودہ گرنے کے باعث بہت بڑی تعداد میں قیمتی انسانی جانوں کے زیاں کو انسانی تاریخ کا ایک بڑا سانحہ قراردیتے ہوئے کہاکہ اس المناک قدرتی آفت میں گزشتہ روز سے اب تک 2100 سے زائدافراد جاں بحق ہوچکے ہیں اور اس المناک سانحہ پرایم ڈبلیوایم کے کارکنان وعوام سمیت پاکستان بھرکے عوام افغان عوام کے دکھ اور صدمہ میں شریک ہیں۔ تصور موسوی نے قیمتی انسانی جانوں کے زیاں پر افغان حکومت ، جاں بحق ہونے والے افراد کے سوگوارلواحقین اورافغانستان کے عوام سے دلی تعزیت وہمدردی کااظہارکرتے ہوئے کہا کہ دکھ کی اس گھڑی میں ایک ایک پاکستانی ان کے غم میں برابر کا شریک ہے ۔
مجلس وحدت مسلمین آزادکشمیر کے سیکرٹری سیاسیات سید تصور عباس موسوی نے ملت اسلامیہ سمیت پوری عالمی برادری سے دردمندانہ اپیل کی کہ اس کڑے اور مشکل وقت میں مٹی کے تودے سے متاثرہ علاقے میں فوری طورپر امدادی سرگرمیاں شروع کی جائیں، ملت اسلامیہ اور انسانی حقوق کے علمبردارممالک بڑھ چڑھ کر متاثرین کی مدد کریں ، افغانستان کے صوبہ بدخشاں میں زخمیوں کو علاج ومعالجہ کی سہولیات فراہم کرنے کیلئے ڈاکٹروں کی ٹیمیں ، ادویات، خشک اجناس ، پینے کاپانی اور روزمرہ استعمال کی دیگر اشیاء روانہ کی جائیں۔ انہوں نے جاں بحق ہونے والے افرادکی مغفرت، لواحقین کیلئے صبرجمیل اورزخمیوں کی جلد صحت یابی کیلئے بھی دعا کی ۔
وحدت نیوز(مظفرآباد) مجلس وحدت مسلمین آزادکشمیرکی ریاستی کابینہ کے رکن و آزادکشمیرمعروف سماجی رہنماسید ذیشان حیدر کاظمی نے کہاہے کہ محنت کش طبقہ کسی بھی معاشرے کی تکمیل کیلئے ریڑھ کی ہڈی کی مانندہوتاہے جس کی شراکت و شمولیت کے بغیر معاشرے کی تعمیروترقی ناممکن ہے ۔ان خیالات کا اظہار انہوں نے یکم مئی ’’محنت کشوں کے عالمی دن ‘‘کے موقع پر اایک تقریب سے خطاب کرتے ہوئے کیا ۔انہوں نے کہاکہ شکاگو کے محنت کشوں نے اپنے جائز حقو ق کے حصول کیلئے عملی جدوجہد کی اور اپنے مشن ومقصد کی تکمیل کیلئے جانوں کا نذرانہ پیش کیا یہی وجہ ہے کہ آج پوری دنیامیں محنت کش طبقہ کوجو مقام حاصل ہے وہ شکاگو کے محنت کشوں کی عملی جدوجہد اور قربانیوں کاہی ثمرہے۔ انہوں نے کہا کہ بد قسمتی سے پاکستان میں رائج فرسودہ جاگیردارانہ ، وڈیرانہ اور سردارانہ نظام کے باعث محنت کشوں کوان کے جائزحقوق سے محروم رکھاجارہاہے اوراس طبقے کیلئے ایسی پالیسیاں اختیار کی جاتی رہی ہیں جس کے باعث محنت کش طبقہ نہ صرف معاشی بحران بلکہ شدیدبدحالی کا شکار ہیں اور ہرگزرتے دن کے ساتھ ان میں مایوسیاں و محرومیاں بڑھتی جارہی ہیں۔
انہوں نے کہاکہ پاکستان میں محنت کش طبقہ کے مسائل کا واحد حل فرسودہ جاگیردارانہ،وڈیرانہ اورسرمایہ دارانہ نظام کاجڑسے خاتمہ ہے ۔انہوں نے کہاکہ اب ملک کی صورتحال اس نہج پر ہے کہ فرسودہ نظام کے خاتمے اور حقو ق کی جدوجہد کیلئے محنت کش طبقہ کو آگے آنا ہوگاکیونکہ انقلاب امیر نہیں بلکہ غریب اور محنت کش طبقات کے درمیان سے جنم لیتے ہیں۔انہوں نے کہا کہ ضرورت اس امر کی ہے کہ اداروں میں کرپشن کاخاتمہ کرکے کرپٹ عناصر کوباہرنکالاجائے اور مختلف شعبوں میں محنت کشوں کے ساتھ کی جانیوالی زیادتیاں اورناانصافیاں کے خاتمہ کیلئے عملی اقدامات بروئے کار لائے جائیں۔ ذیشان کاظمی نے لیبر یونین وتنظیمات سے وابستہ تمام افراد کو مخاطب کرتے ہوئے کہاکہ وہ مزدور طبقہ کے حقوق کی جدوجہد ایمانداری اور دیانتداری کے ساتھ جاری رکھیں اور یاد رکھیں کہ مخلصانہ عملی جدوجہدکے ذریعے ہی محنت کش طبقہ اپنے جائز حقوق حاصل کرسکتا ہے ۔ انہوں نے کہا کہ گزشتہ 65برسوں سے پاکستان کے اقتدار پر قابض جاگیر داروں ،وڈیروں ، سرمایہ داروں نے ملک کے مزدور طبقے کو اپنا غلام بنا کر رکھا ہوا ہے اور آج تک ا نہیں وہ بنیادی حقوق فراہم نہیں کئے گئے ہیں جودنیا بھر کے تہذیب یافتہ ممالک کے مزدور طبقے کو میسر ہیں یہی وجہ ہے کہ آج پاکستان معاشی لحاظ سے بھی پستی کا شکار ہے ۔انھوں نے کہا کہ کسی بھی ملک کی تعمیر و ترقی میں اس ملک کے مزدوروں کی محنت اور انکا کردار انتہائی اہمیت کا حامل ہوتا ہے اوراگرملک کی ترقی میں محنت اور مزدوروں کی اہمیت کو فراموش کر دیا جائے تو وہ ملک تبدیلی و ترقی سے یکسر محروم ہوجاتا ہے۔
انھوں نے کہا کہ پاکستان میں مزدور طبقے کو بنیادی مراعات ، سہولیات اور وہ آسائش نہیں دی جاتیں جس سے وہ خود اور انکے اہل خانہ مستفید ہو سکیں،بد قسمتی سے پاکستان ابتدا ء ہی سے ایسے دہرے نظام کا شکار رہا ہے جس میں 5فیصد مراعات یافتہ طبقہ ہر دور میں عیش و آرام کی زندگی بسر کر تا ہے جبکہ 95فیصد غریب متوسط طبقے سے تعلق رکھنے والے پاکستانیوں کو صحت ، تعلیم ، خوراک جیسی بنیادی انسانی زندگی کی سہولیات حاصل کرنے کے لیے بھی تگ و دو کر نی پڑتی ہے ۔ذیشان کاظمی نے کہا کہ1886ء میں امریکہ کے شہر شکاگو کے مزدوروں کی اپنے جائز حقوق کیلئے کی جانے والی جدوجہد او ر عظیم قربانیاں ملک بھر کے غریب و مظلوم مزدوروں کے لیے مشعل راہ ہے ،شکاگو کے محنت کشوں نے تما م تر ریاستی جبر و تسلط کے باوجود اپنے جائز حق کے لیے جدوجہد جاری رکھی جس کے نتیجے میں بے شمار محنت کشوں نے جانوں کے نذرانے دئیے ،سیکڑوں محنت کش زخمی ہوئے،مزدور رہنماؤں کوقید و بند کی صعوبتیں برداشت کرنی پڑیں لیکن انھوں نے اپنے حقوق کے حصول کی جدو جہد کو جاری رکھا اور آج ہم انکی اسی جدو جہداورعظیم قربانیوں کو سنہرے الفاظ میں یاد کرکے یوم مئی مناتے ہیں اور شکاگو کے مزدور طبقے کی لازوال قربانیوں کو خراج عقیدت پیش کرتے ہیں ۔
