The Latest
وحدت نیوز(لاہور) اسرائیل نے غزہ پر حملہ کرکے ثابت کردیا ہے وہ ایک دہشتگرد ملک ہے جو جب چاہے کسی بھی وقت مظلوم فلسطینیوں پر حملہ آور ہوسکتا اور کوئی پوچھنے والا نہیں، کتنے افسوس کی بات ہے کہ ایک طرف سے مظلوم فلسطینیوں پر رمضان المبارک میں فضائی حملے جاری ہیں تو دوسری جانب امت مسلمہ خاموش تماشائی کا کردار ادا کررہی ہے،او آئی سی مردہ گھوڑا بن چکی ہے، اب تک اسرائیلی حملوں میں درجنوں مرد،خواتین اور معصوم بچے شہید ہوچکے ہیں۔ عراق میں داعش کے تکفیری دہشت گرد بھی امریکی ، سعودی اور اسرائیلی ایماء پر بربریت پھیلا رہے ہیں ، جمعہ کو اسرائیل اور داعش کی بدترین جارحیت اوردہشت گردی کے خلاف یوم احتجاج منائیں گے اور اس حوالے سے بعد از نماز جمعہ احتجاجی مظاہرے کیے جائیں گے ان خیالات کا اظہار مجلس وحدت مسلمین کے سربراہ علامہ راجہ ناصر عباس جعفری نے لاہور کے مقامی ہوٹل میں صحافیوں کے اعزاز میں دیے گئے افطار ڈنر سے خطاب کرتے ہوئے کیا، اس موقع پر ایم ڈبلیوایم کے رہنما علامہ احمد اقبال رضوی ، علامہ عبد الخالق اسدی،علامہ امتیاز کاظمی ،اسد عباس نقوی ، مظاہر شگری اور دیگر رہنما بھی موجود تھے۔
اُن کا کہنا تھا کہ حکومت پاکستان مظلوم فلسطینیوں پر مسلط کی جنگ پر عالمی سطح پر کردار ادا کرے،ایک سوال کے جواب انہوں نے کہا کہ داعش اور دیگر دہشتگرد تنظیموں کا چہرہ کھل کر سامنے آگیا ہے کہ ان تنظیموں اور گروہوں کا جہاد فقط معصوم مسلمان ہیں، عراق و شام میں جاری ان گروہوں کی جنگ دراصل اسرائیل کے دفاع کی جنگ لڑی جارہی ہے، پوری دنیا نے دیکھ لیا ہے کہ ان دہشتگردوں کا نشانہ فقط مسلمان ہی بن رہے ہیں، اگر یہ حقیقی جہادی ہوتے تو آج اسرائیل کو غزہ پر حملہ کرنے کی جرات نہ ہوتی لیکن انہوں نے اپنے عمل سے ثابت کیا ہے کہ ان کے اقدامات سے اسرائیل مضبوط ہوا ہے۔ رمضان المبارک کے آخری جمعہ کو یوم القدس کے طور پر منائیں گے اور ملک گیر احتجاجی ریلیاں نکالی جائیں گی اور تاریخی اجتماعات کیے جائیں گے۔ نواز حکومت جعلی مینڈیٹ لیکر آئی ہے اسے حکومت کرنے کا کوئی حق نہیں،طاہرالقادری کی مشروط حمایت کا اعلان کیا ہے،جلد عوامی ضرب عضب نواز شریف کی جعلی حکومت کو اپنے منطقی انجام تک پہنچائے گا، ملک میں شیعہ سنی وحدت کے فروغ کیلئے کام کررہے ہیں، چند مٹھی بھر تکفیری ہیں جو ملک کے امن کو خراب کررہے ہیں، فوجی آپریشن ضرب عضب کی مکمل حمایت کرتے ہیں اور مطالبہ کرتے ہیں کہ دہشتگردوں کے شہروں میں موجود نیٹ ورک کو بھی ختم کیا جائے اور ان دہشتگردوں کو لاجسٹک سپورٹ فراہم کرنیوالوں کے خلاف بھی کارروائی کی جائے۔ آئی ڈی پیز کی بحالی کیلئے پوری قوم کو اپنا کردار ادا کرنا ہوگا۔
وحدت نیوز(کراچی) کراچی دہشت گردوں کی آماجگاہ بن چکا ہے،سندھ حکومت کراچی میں قیام امن میں موثر کردار ادا کرے، ٹارگٹڈ آپریشن کے دائرہ کار کو وسیع کرنا ناگزیر ہے،آصف کربلائی ایک مخلص ، دین دار اور سماجی شخصیت کے مالک اور ایم ڈبلیوایم کے ہمدرد تھے، کراچی ٹارگٹ کلنگ میں بھی تکفیری دہشت گرد عناصر ملوث ہیں،بے گناہ شہریوں کے قاتلوں کو فوری گرفتار کیا جائے ، ان خیالات کا اظہار مجلس وحدت مسلمین کراچی ڈویژن کے پولیٹیکل سیکریٹری علی حسین نقوی نے نمائش چورنگی پر شہید آصف کربلائی کی نماز جنازہ کے موقع کے بعد میڈیا کے نمائندوں سے گفتگو کرتے ہوئے کیا۔
اس کا کہنا تھا کہ کراچی میں بعض علاقے ایسے موجود ہیں ، جہاں آج تک پولیس کا ایک کارندہ بھی نہیں پہنچ سکا، شہر کے مضافات میں واقع خیمہ بستیاں ، کچی آبادیاں دہشت گردوں کی محفوظ پناہ گاہیں ہیں، پولیس انتظامیہ اور سندھ حکومت نے نشاندہی کے باوجود اب تک نو گو ایریاز میں آپریشن کلین اپ نہیں کیا،شہر میں پہلے سے موجود دہشت گرد وبال جان تھے ، کہ اب آئی ڈی پیز کی آڑ میں وزیر ستان سے خطرناک دہشت گرد کراچی سمیت ملک بھر میں پھیلنا شروع ہو چکے ہیں ، جن کی کڑی نگرانی کی ضرورت ہے، ہم ایک مرتبہ پھر واضح کر رہے ہیں کہ طالبان کے ساتھ ساتھ ملک بھر میں پہلے ہوئے ان کے ہمدردوں ، غم خواروں اور مددگاروں کے خلاف بھی جلد فوری کاروائی کا آغاز کیا جائے، وگرنہ پورا ملک وزیرستان بن جائے گا، کراچی ٹارگٹ کلنگ میں بھی تکفیری دہشت گرد عناصر ملوث ہیں جنہیں قانون کے شکنجے میں لینا ضروری ہے، انہوں نے گورنر سندھ ، وزیر اعلیٰ سندھ ، آئی جی پولیس اور ڈی جی رینجرز سے مطالبہ کیا کہ شہید آصف کربلائی سمیت دیگر بے گناہ شہریوں کے قتل عام میں ملوث ٹارگٹ کلرز کو جلد از جلد کیفر کردار تک پہنچایا جائے۔
وحدت نیوز(سکھر) مجلس وحدت مسلمین پاکستان کے زیراہتمام مدرسہ ولی العصرسکھر میں رمضان المبارک کے حوالے سے ایک نشست کا اہتمام کیا گیا جس میں سکھر کے معروف تعلیمی ماہرین، دانشور، محقیقین اور معززین سمیت طالب علموں نے شرکت کی۔ تقریب کے مہمان خصوصی مجلس وحدت مسلمین کے مرکزی ڈپٹی سیکریٹری جنرل علامہ امین شہیدی تھے جبکہ دیگر علمائے کرام میں علامہ علی بخش سجادی، علامہ ولی محمد چانڈیو، چوہدری اظہرحسن سمیت دیگر رہنماؤں نے شرکت کی۔ تقریب سے خطاب کرتے ہوئے علامہ امین شہیدی کا کہنا تھا کہ عالم ہونا جسم کا حصہ ہے اور کامل ہونا انسانی روح سے تعلق رکھتا ہے، دینی تعلیمات کیساتھ دنیاوی تعلیم حاصل کرنا ہر انسان پر فرض ہے، اگر تعلیم نہ ہو تو پھر تحقیق کسی صورت نہیں ہو سکتی، ہمیں چاہیئے کہ لوگوں میں تعلیمی شعور بیدار کرنے کیلئے آگاہی پروگرامات کا انعقاد کریں۔
وحدت نیوز(کوہاٹ) مجلس وحدت مسلمین شعبہ روابط اور سٹیپ فارورڈ ویلفیر ٹرسٹ کی جانب سے ضلع کوہاٹ کے علاقہ مرائی میں افطار پارٹی کا اہتمام کیا گیا۔ جس میں علاقہ مشران سمیت بڑی تعداد میں عوام نے شرکت کی۔ اس موقع پر علامہ منہاج علی کا کہنا تھا کہ اس وقت مجلس وحدت مسلمین مظلوموں کی آواز بن چکی ہے۔ علامہ راجہ ناصرعباس جعفری ایک نڈر اور مجاہد شخص ہیں، انہوں نے حق پر ڈٹے ہوئے رہ کر شروع دن سے دہشتگردوں کیساتھ مذاکرات کے خلاف احتجاج کیا، جس کے نتیجے میں آج آپریشن ضرب عضب شروع ہوا۔ ان کا کہنا تھا کہ اگر حق پر استقامت کے ساتھ قائم رہا جائے تم باطل خود بخود مٹ جاتا ہے۔ یہ ہماری خوش قسمتی ہے کہ ہماری قیادت کھبی بھی ذلت برداشت نہیں کرتی۔
وحدت نیوز(اسلام آباد) یوم رحلت ام المومنین حضرت خدیجتہ الکبریٰ کے دل سوز موقع پر اپنے پیغام میں سربراہ مجلس وحدت مسلمین پاکستان علامہ ناصر عباس جعفری نے کہا کہ اسلام حضرت خدیجتہ الکبریٰ س اور حضرت ابوطالب ع کے احسانات کا صلہ تا قیامت نہیں چکا سکتا ،امراء اور سرمایہ دار اہل ایمان کے لئے سیرت حضرت خدیجتہ الکبریٰ نمونہ عمل ہے،ملیکتہ العرب اسلام کی ترویج و تبلیغ کے لئےساری دولت لٹا کرخدا کے محبوب کی شریکہ حیات قرار پائیں ، مرکزی سیکریٹریٹ سے جاری اپنے پیغام میں ان کامذید کہنا تھا کہ اوائل اسلام میں دین مبین کی نشرو اشاعت میں سارا سرمایہ جناب خدیجہ کا استعمال ہوا ، نبی کریم ص کی ایمانداری ، صداقت ، شجاعت اور تقویٰ سے متاثر ہو کر رشتہ ازدواج میں منسلک ہو نے والی حضرت خدیجتہ الکبریٰ نے اپنا مال و زر سب کچھ راہ اسلام اور راہ ایمان میں قربان کر دیا، ناصرف یہ بلکہ کفار مکہ کے نرغے میں شیعب ابی طالب میں بھی آپ نے اہل بیت رسول کی بے انتہا خدمت کی ۔
ان کا کہنا تھا کہ ام المومنین اور ملیکتہ العرب ہونے کہ باوجود حضرت خدیجتہ الکبریٰ نے اپنی تمام تر دولت و متا خدا کی راہ میں خرچ کر کے ایثار و فدا کاری کی اعلیٰ مثال قائم کی ،دور حاضر کے امراء اور سرمایہ دار اہل ایمان کے لئے سیرت حضرت خدیجتہ الکبریٰ نمونہ عمل ہے ، حضرت خدیجتہ الکبریٰ نے ثابت کر دیا کہ مال و دولت خدا کی راہ میں خرچ کرنے سے ختم نہیں ہو تا بلکہ خدا اس کے بدلے ایسا خزانہ عطا کر تا ہے جو تا قیامت زخیرہ ہے ، خداوند متعال نے جناب خدیجتہ الکبریٰ کی قربانیوں کا صلہ بھی ان کے شان کے مطابق دیا اور ان کی صاحبزادی جناب فاطمہ زہرا سلام اللہ علیہا کی نسل طاہرہ سے امامت و ولایت کے شجرہ طیبہ کا آغاز کیا جو آج بھی اپنےوجود با برکت سے نظام کائنات کوفیض عطا کررہے ہیں ، لیکن افسوس ناک پہلو یہ ہے کہ اسلام اور مسلمانوں کی فلاح کے لئے اپنی تمام دولت خرچ کر دینے والی خدیجہ اور ان کی اکلوتی دختر فاطمہ کی قبور مطہر جنت البقیع میں مسلمانوں کی غیرت و حمیت کو للکار رہی ہیں ۔
وحدت نیوز(اسلام آباد) اسرائیلی رژیم نے گذشتہ چند روز میں 160سے زائد بے گناہ فلسطینی بچوں ،خواتین اور جوانوں کو شہید کر دیا ، مشرق وسطیٰ میں عدم استحکام اور دہشت گردی پھیلانا امریکی، اسرائیلی اور سعودی مشترکہ ایجنڈا ہے، فلسطین پر اسرائیلی اور عراق پر داعشی جارحیت کا ماسٹر مائنڈ امریکہ ہے،رہبر معظم امام سید علی خامنہ ای غزہ کی حساس صورتحال کو براہ راست ملاحظہ کر رہے ہیں، غزہ پر جاری اسرائیلی حملے اور عراق میں تکفیری داعش کی بربریت کے خلاف بروز جمعہ ملک بھر میں پر امن یوم احتجاج منا یا جائے گا، ان خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ ناصرعباس جعفری نے وحدت ہاوس اسلام آباد سے جاری اپنے ایم بیان میں کیا۔
ان کا کہنا تھا کہ گذشتہ سات دہائیوں سے امریکی پشت پناہی پر اسرائیل فلسطینوں پر مظالم کے پہاڑ توڑ رہا ہے، قبلہ اول پر ناجائز قبضےسمیت معصوم بچوں، جوانوں اور بزرگوں کو بے دردی سے شہید کیا گیا، خواتین کے عصمت دری کی گئی، ایک اہم بات جو گذشتہ دو تین برس سے ملاحظہ کی جا رہی ہے کہ وہ یہ کہ اسرائیل ماہ رمضان المبارک کے آغاز پر غزہ پر بمباری شروع کر دیتا ہے،اس ایک خاص وجہ ماہ رمضان المبارک میں یوم القدس کا منایا جانا بھی ہو سکتا ہے،تاکہ امت مسلمہ کے قلوب کو مجروح کیا جا سکے، گذشتہ چند روز میں غزہ پر اسرائیلی جنگی جہازوں کی بمباری کے نتیجے میں 160سے زائد بے گناہ فلسطینی بچے، خواتین اور جوان شہید کر دیئے گئے،افسوس ناک پہلو یہ ہے کہ گذشتہ صبح سحری کے اوقات میں شدید بمباری کی گئی جس کے نتیجے میں 30سے زائد بے گناہ روزہ دار معصوم بچے اور خواتین بربریت کا نشانہ بنے، امریکہ اپنے اسلحے کی برآمد کی خاطر پورے مشرق وسطیٰ کو آگ و خون میں جھونک رہا ہے،اس کےگاہک اسرائیل کی صورت میں فلسطین اور داعش کی صورت میں عراق و شام میں بے گناہ وعوام پر امریکی اسلحہ کا بھر پور استعمال کر رہے ہیں۔
ان کا مذید کہنا تھا کہ پوری امت مسلمہ پر فرض ہے کہ وہ غزہ پر جاری اسرائیلی اور عراق پر جاری داعشی جارحیت کے خلاف پرزور صدائے احتجاج بلند کرے، رہبر انقلاب اسلامی حضرت امام سید علی خامنہ ای غزہ کی تازہ صورتحال کو براہ راست ملاحظہ کررہے ہیں ، انہوں نے اعلان کیا کہ ایم ڈبلیوایم بروز جمعہ ملک بھر میں غزہ پر اسرائیلی اور عراق پر داعشی دہشت گردی کے خلاف بھر پور یوم احتجاج منائے گی، اس حوالے سے بعد نماز جمعہ احتجاجی مظاہرے کیئے جائیں گے اور ریلیاں نکالی جائیں گی۔
وحدت نیوز(بلوچستان) بلوچستان کے شیعہ و ہزارہ اکابرین کے ایک وفد نے وزیر اعلی بلوچستان ڈاکٹر عبدالملک بلوچ سے ملاقات کی اس موقع پر ہزارہ قومی جرگہ کے چیرمین حاجی عبدالقیوم چنگیزی نے وزیراعلی کو مطالبات کی فہرست پیش کی۔ اس موقع پر گفتگو کرتے ہوئے مجلس وحدت مسلمین بلوچستان کے سربراہ علامہ مقصود علی ڈومکی نے کہا کہ اب جبکہ ملک بھر میں دھشت گردوں کے خلاف آپریشن جاری ہے بلوچستان میں بھی لشکر جھنگوی اور دیگر دہشت گردوں کے خلاف آپریشن کلین اپ کا آغاز کیا جائے انہوں نے کہا کہ زائرین کا مسئلہ اور کوئٹہ، تفتان روٹ انتھائی اہمیت کا حامل ہے حکومت کی جانب سے ایک ماہ کیلئے زائرین کے سفر پر پابندی کویا دیگر صوبوں سے آنے والے زائرین کے قافلوں کو روک کراین او سی طلب کرنا نا مناسب فیصلے ہیں جس کے باعث ملک بھر کے عاشقان اہلبیت میں شدید تشویش پائی جاتی ہے۔
حکومت کے بارہا اعلان کو کئی ماہ گزر چکے مگر ابتک فیری سروس شروع نہیں کی گئی۔ زائرین کے راستے کی بندش ہمیں کسی صورت قبول نہیں ہے۔ ابھی چند سال پہلے کی بات ہے کہ کوئٹہ سے تفتان تک زائرین کو ایک پولیس محافظ کی ضرورت بھی نہیں پڑتی تھی۔ لہذا مٹھی بھر دہشت گردوں کے خلاف آپریشن ازبس ضروری ہے۔ انہوں نے کہا کہ پی آئی اے کی قیمتیں عوام کی پہنچ سے باہر ہیں لہذا حکومت بلوچستان ایران ایئر لائن کمپنی سے با ضا بطہ بات چیت کرے جو انتھائی کم نرخ پر زائرین کیلئے پرواز شروع کر سکتی ہے۔
اس موقع پر حاجی عبدالقیوم چنگیزی، مبارک علی ھزارہ اور مصطفٰی تیموری نے وزیر اعلٰی کو ہزارہ ٹاؤن میں قلت آب اور سرکاری تعلیمی اداروں کے فقدان سے آگاہ کیا۔ وفد نے وزیر اعلیٰ کو بے نظیر ھاسٹل کو 24گھنٹے فعال رکھنے اور شھداء کے بچوں کے تعلیمی مسائل سے بھی آگاہ کیا۔ اس موقع پر گفتگو کرتے ہوئے وزیر اعلیٰ بلوچستان ڈاکٹر عبدالمالک بلوچ نے کہا کہ ہم نے بلوچستان میں امن وامان کی صورتحال بہتر بنانے کیلئے سنجیدہ کوشش کی ہے۔ جب آپریشن ضرب عضب شروع ہوا تو ہم نے پولیس، آئی ایس آئی، ایف سی، آئی بی اور دیگر اداروں کے ساتھ تفصیلی ڈسکیشن کی ہے پی آئی اے پر صوبائی حکومت 9 ہزار روپے سبسڈی دے رہی ہے جبکہ وفاقی حکومت ٹیکسزکی مد میں 9ہزار روپے رعایت دے رہی ہے۔
ڈاکٹرعبدالمالک نے کہا کہ ہم زائرین کو بھرپور سیکیورٹی دینے کیلئے تیار ہیں مگر پھر بھی سات سو کلو میٹر طویل روٹ پر خودکش حملہ آور کو روکنا محال ہے۔ خدا نہ خواستہ کی کسی سانحہ کی صورت میں حکومت کی ملکی اور بین الاقوامی سطح پر بدنامی ہوتی ہے، جبکہ ملک گیر احتجاج اور دہرنے کے باعث پورا ملک مفلوج ہوکر رہ جاتا ہے۔ یہ بات باعث تکلیف و پریشانی ہے۔ اس موقع پر وزیر اعلی نے ہزارہ ٹاؤن کے پانی اور اسکول و کالج کے مسائل کے حل کرنے کی یقین دھانی کروائی جبکہ بے نظیر ھاسپیٹل کو ترقی دینے کا بھی وعدہ کیا۔ ملاقات میں ممتازعالم دین علامہ محمد جمعہ اسدی، حاجی طاھر نظری،لیاقت علی ہزارہ جبکہ حکومت کی جانب سے چیف سیکریٹری بلوچستان سیف اللہ چٹھہ، کمشنر کوئٹہ، وزیراعلیٰ کے ترجمان جان محمد بلیدی اور دیگر موجود تھے۔
وحدت نیوز(نوشہروفیروز) رمضان المبارک اپنے دامن میں رحمت اور مغفرت لے کر انسان کے لیے آیا ہے اور پورا ماہ صدا دیتا رہتا ہے کہ کوئی ہے جو مجھ سے رحمت اور مغفرت لے،انسان اس وقت کامل انسان بنتا ہے جب انفرادی فرائض کے ساتھ ساتھ اجتماعی کی طرف بھی متوجہ ہوں ان خیالات کا اظہار مجلس وحدت مسلمین پاکستان کے مرکزی ڈپٹی سیکریٹری جنرل علامہ محمد امین شہیدی نے الہادی اکیڈمی مٹھیانی ضلع نوشہرو فیروز کی جانب سے منعقدہ خمسہ فہم اسلام کے اختتامی پروگرام سے خطاب کرتے ہوئے کیا ،خطابت کے موضوع "کامل انسان" پر تقریر کرتے ہوئے انہوں نے کہا کہ کسی ظاہر جسم رکھنے والے انسان کو ہم انسان تو کہہ سکتے ہیں لیکن کامل انسان نہیں کہہ سکتے کیونکہ ان میں وہ خوبیاں نہیں پائی جاتی جو کامل انسان میں ہونی چاہئے. جو انسان جسم کے اعتبار سے سالم اور روح کے اعتبار سے کامل ہوں تو وہ کامل انسان ہے کیونکہ انسان ان دو جسم اور روح سے پیدا ہوا ہے اس حوالے سے نبی کریم صلی اللہ علیہ و آلہ وسلم کی سیرت طیبہ موجود ہے انہوں نے کہا کہ اپنے گرد مادی اشیاء پر غور کرنے سے ہمیں انکی دو بنیادی اقسام نظر آتی ہیں با لکل اسی طرح انسان میں بھی معنویات ، اخلاقیات و افکار کے لحاظ سے دو طرح کے ہوتے ہیں ایک انسان کامل اور دوسرے انسان ناقص .سب سے پہلے انسان کو چاہئےکہ انسان کامل کو پہچانیں کہ انسان کامل کیا ہے اور پھر انسان کامل بننے کی کوشش کریں کیونکہ اس کے بغیر ہم زمین میں خلیفتہ الله کہلانے کے مستحق نہیں ہو سکتے .اسلام میں مختلف اقدار کے اعتبار سے انسان کی قدر و قیمت میں فرق ہے اور اسلامی نکتہ نظر سے انسان کامل وہ ہے جس میں سب قدریں ایک ساتھ ترقی کی راہ پر گامزن ہوں ایسا نہ ہو کہ بعض اقدار کی طرف وہ متوجہ ہو لیکن بعض اقدار میں با لکل صفر ہو .انسان میں مختلف اقدار سے مراد شجاعت ، عبادت ،آزادی ، عدالت اور عشق وغیرہ ہے بعض انسان صرف عبادات کی طرف متوجہ ہو جاتے ہیں البتہ یہاں عبادت کی معنی مخصوص یعنی نماز اور روزہ ہے حاصل مقصد یہ ہے کہ صرف انفرادی کام سر انجام دینے سے انسان کامل اور مومن نہیں بن سکتا یہ اس وقت کامل انسان بنتا ہے جب انفرادی فرائض کے ساتھ ساتھ اجتماعی کی طرف بھی متوجہ ہوں،رمضان کریم بشریت کو عالم مادہ سے عالم معنوی کی معراج تک پہنچانے کا نام ہے ، اس موقع پر پی پی پی رہنما سکندر چانڈیو ، مولانا محمد یوسف حسنی اور اکیڈمی کے پرنسپل مولانا شبیہ الحسن نے بھی خطاب کیا جبکہ صوبائی سیکریٹری امتیاز حسین بخاری اور ضلع سیکریٹری اعجاز علی ممنائی ڈپٹی سیکریٹری وقار حیدر عابدی میڈیا انچارج مشتاق حسین بلوچ ،سیکریٹری لائرزفورم امتیاز میمن بھی موجود تھے۔
وحدت نیوز(اسلام آباد) چیئرمین خیرالعمل فاؤندیشن نثارعلی فیضی کا طورمک کے عوام کے لیے علامہ ناصرعباس جعفری کے اعلان کردہ واٹر پروجیکٹ کے سروے کے لیے صوبائی سیکر ٹری فلاح و بہبود علامہ احمد نوری ، تر جمان ایم ڈبلیوایم اسکردو ڈویژن فدا حسین اور انجینیئر علی سنگ کے ہمراہ طورمک سب ڈویژن روندو کا دورہ کیا ۔ طورمک ویلی روندو کی اہم ویلی ہے جس میں اکثریت عوام صاف پانی کی نعمت سے محروم ہیں اور دریا کا گدلا پانی پینے پر مجبور ہیں جس کے نتیجے میں کئی بیماریوں کا شکار ہیں اس موقع پر نثار علی فیضی نے کہا کہ صاف پانی کی فراہمی طورمک عوام کی دیرینہ خواہش ہے جسکو پورا کرنے کے لیے خیرالعمل فاؤنڈیشن نے علامہ راجہ ناصر عباس جعفری کی خصوصی ہدایت پر اس علاقے میں صاف پانی کی فراہمی کے لیے فیزیبلٹی تیار کروائی اور ڈونرز سے رابطے کیے اس پر و جیکٹ کو اگلے سیزن سے پہلے پایہ تکمیل تک پہنچائیں گے ۔ انہوں نے کہا کہ گلگت بلتستان کے عوام موجودہ حکومت کی کرپشن اور عوامی مسائل حل کرنے میں ناکامی کے بعد مجلس وحدت مسلمین پاکستان کو اپنا نجات دہندہ سمجھ رہے ہیں اس وجہ سے خیرالعمل فاؤنڈیشن اپنی ذمہ داری کا احساس کرتے ہوئے تمام تر وسائل و امکانات کو علاقہ کے عوام کی ضروریات پورا کرنے کے لیے صرف کرنے کا عزم رکھتی ہے اور اس سلسلے میں ملت کے تمام مخیر حضرات سے اپنا حصہ ڈالنے کی پر زور اپیل کرتی ہے۔ دورہ کے دوران خیرالعمل فاؤنڈیشن کے چیئرمین نے پروجیکٹ پر عملدرآمد کے تمام لوازمات کوپورا کرنے کا جائزہ لیا اس منصوبے کے تحت پہاڑوں پر سے پانی کے صاف چشمے کے قریب ایک پول بنا کر پائپ کے ذریعے پانچ سے سات دیہا توں کے تقریبا700 مکینوں کو صاف پانی کی سہولت فراہم کی جا سکے گی ۔ طورمک کے عوام نے اس دورے کو بے حد سراہا ۔
وحدت نیوز(اسلام آباد) یوم القدس یوم شعائر اسلام ہے،امام خمینی کی سنہری یادوں میں سے ایک یاد یوم القدس ہے، یوم القدس عالمی استعمار کے خلاف سر بکف ہو نے کا دن ہے، مجلس وحدت مسلمین پاکستان ملک بھر میں یوم القدس اسلامی تشخص اور آبرو کے ساتھ منائے گی، یوم القدس کے پروگرامات کو حتمی شکل دے دی گئی ہے، ان خیالات کا اظہار مجلس وحدت مسلمین پاکستان کے مرکزی سیکریٹری سیاسیات ناصر عباس شیرازی ایڈووکیٹ نے مرکزی سیکریٹریٹ سے جاری اپنے بیان میں کیا۔
ان کا کہنا تھا کہ سالہائے گذشتہ کی نسبت اس سال یوم القدس انتہائی حساس اہمیت کا حامل ہے، غزہ ، عراق اور شام میں جاری انسانیت سوز مظالم تقاضہ کرتے ہیں کہ یوم القدس کو یوم حمایت مظلومین جہاں کی طور پر منایا جائے ، داعش امریکہ ، اسرائیل اور سعودیہ کی ایماء پر شیعہ سنی مسلمانوں کے قتل عام اور مقامات مقدسہ کی تباہی میں ملوث ہے، انشاء اللہ مجلس وحدت مسلمین پاکستان رہبر کبیر ، بت شکن زمان ، حضرت امام خمینی رضوان اللہ تعالیٰ علیہ کے فرمان پر جمعتہ الوداع کو یوم القدس امت اسلامی کے اتحاد کے مظہر کے عنوان سے منائے گی، اس حوالے سے پروگرامات ترتیب دے دیئے گئے ہیں،مرکزی شعبہ اطلاعات کی جانب سے یوم القدس کی مناسبت سے پوسٹر کا اجراء کر دیا گیا ہے، مختلف شہروں میں فلسطین سیمینار کانفرنسیں منعقد کی جائیں گی ،جبکہ آئی ایس او کے ساتھ ریلیوں میں بھر پو ر شرکت کی جائے گی۔
