The Latest
وحدت نیوز(خیبر پختونخواہ) رہبر کبیرانقلاب اسلامی حضرت امام خمینی (رح) کے فرمان پر ہر سال کی طرح اس مرتبہ بھی جمعتہ الوداع کو عالمی یوم القدس پاکستان میں بھی بھرپور انداز میں منایا گیا، ملک بھر کے گوش و کنار میں اسرائیل مخالف ریلیاں برآمد ہوئیں، جن میں اہل تشیع کیساتھ ساتھ دیگر مکاتب فکر کے مسلمانوں نے بھی بڑھ چڑھ کر شرکت کی، اور غزہ پر جاری حالیہ صہیونی جارحیت پر اپنے شدید درعمل سمیت قبلہ اول کی آزادی کیلئے آواز حق بلند کی۔ صوبہ خیبر پختونخوا میں بھی عالمی یوم القدس پہلے سے کہیں زیادہ جوش و جذبہ کیساتھ منایا گیا۔ مختلف شیعہ تنظیموں کے زیر اہتمام نکالی گئیں، جن میں ہزاروں افراد شریک ہوئے۔ صوبائی دارالحکومت پشاور، ڈیرہ اسماعیل خان، ہری پور، کوہاٹ، نوشہرہ، بنوں اور ٹانک میں قدس ریلیاں نکالی گئیں۔ پشاور میں مختلف جماعتوں کی جانب سے تحریک آزادی قدس کے زیر اہتمام ریلی نکالی گئی، جس میں سینکڑوں کی تعداد مختلف شعبہ ہا ئے زندگی سے تعلق رکھنے والے افراد نے شرکت کی۔
احتجاجی ریلی جامع مسجد کوچہ رسالدار سے نماز جمعہ کے بعد برآمد ہوئی۔ ریلی کے شرکاء نعرہ بازی کرتے ہوئے قصہ خوانی بازار پہنچے، جہاں مقررین نے خطابات کئے۔ اس موقع پر سیکورٹی کے بھی سخت انتظامات کئے گئے تھے اور قصہ خوانی بازار سیل تھا۔ ریلی میں امامیہ جرگہ، مجلس وحدت مسلمین، امامیہ اسٹوڈنٹس آرگنائزیشن، شیعہ علماء کونسل، تحریک فقہ نفاذ جعفریہ اور عالمی علماء و مشائخ کونسل کے رہنماوں اور کارکنان نے بھر پور شرکت کی۔ ریلی سے جامعہ شہید علامہ عارف الحسینی کے خطیب علامہ عابد حسین شاکری، عالمی متحدہ علماء و مشائخ کونسل کے رہنماء مولانا محمد شعیب، حزب اللہ کے رہنماء ضیاء الحسن اور امامیہ جرگہ کے رہنماء مظفر علی اخونزادہ نے خطاب کیا۔ علاوہ ازیں ہری پور میں مجلس وحدت مسلمین کے زیر اہتمام ریلی نکالی گئی، ریلی کا آغاز امامیہ مسجد سائیں سہیلی روڈ سے ہوا اور ریلی مین بازار سے ہوتی ہوئی پنیاں چوک میں اختتام پذیر ہوئی۔
ریلی میں مجلس وحدت مسلمین خیبر پختونخوا کے ڈپٹی سیکرٹری جنرل علامہ سید وحید عباس کاظمی، شیعہ علماء کونسل خیبر پختونخوا کے سیکرٹری جنرل وسیم اظہر ترابی، ایم ڈبلیو ایم ہری پور کے سیکرٹری جنرل پروفیسر اسرار حسین، فیاض حسین، احسن علی، نئیر عباس جعفری، ابرار حسین اور دیگر بھی شریک ہوئے۔ ریلی سے خطاب کرتے ہوئے علامہ وحید عباس کا کہنا تھا کہ عالمی یوم القدس انقلاب اسلامی و مسلمانوں کی فتح کا دن ہے اسرائیلی جارحیت و ناحق قتل عام پر عالمی استعماری طاقتوں کی بھرپور مذمت کرتے ہیں، فلسطین و غزہ کے بے گناہ کشتدگان کے غم میں برابر کے شریک ہیں۔ ان کا مزید کہنا تھا کہ دنیائے اسلام کے تمام حکمرانوں کا یہ فرض ہے کہ اس وقت سب سے زیادہ مظلوم فلسطین و غزہ کی حمایت میں اسرائیل کے خلاف آواز حق بلند کریں۔ بیت المقدس پر اسرائیل کا ناجائز قبضہ اور غزہ میں مسلمانوں پر ڈھائے جانے والے یزیدی مظالم کے خلاف آواز بلند کرنا مسلمانوں کا اہم فریضہ ہے۔ غزہ کے مظلوموں سے اظہار حمایت کا علم بلند کیا جائے اور شیطان بزرگ امریکہ کے حواریوں کے تسلط کے خاتمہ کیلئے عالم اسلام اپنے اتحاد کو یقینی بنائے۔
کوہاٹ میں بھی امامیہ اسٹوڈنٹس آرگنائزیشن، مجلس وحدت مسلمین اور انصار الحسین کے زیر اہتمام القدس ریلی نکالی گئی، ریلی کا آغاز قومی امام بارگاہ سے ہوا، شرکائے ریلی امریکہ اور سرائیل کیخلاف نعرہ بازی کرتے ہوئے کنگ گیٹ مین بازار پہنچے۔ ریلی میں سینکڑوں افراد نے شرکت کی، اس موقع پر علامہ سید ثاقب حسین اور آئی ایس او پشاور ڈویژن کے صدر ضمیر علی جعفری نے خطاب کیا۔ علاوہ ازیں کربلائے عصر ڈیرہ اسماعیل خان کے غیور شہریوں نے بھی کربلائے غزہ اور بیت المقدس کی آزادی کے حق میں ریلیاں نکالیں۔ پہلی ریلی مجلس وحدت مسلمین اور امامیہ اسٹوڈنٹس آرگنائزیشن کے زیر اہتمام صبح 9 بجے جامع مسجد لاٹو فقیر سے نکالی گئی، جو مین بازار پہنچ کر اختتام پزیر ہوئی، ریلی کے شرکاء نے ہاتھوں میں بینرز اور پلے کارڈز اٹھا رکھے تھے۔ ریلی سے مجلس وحدت مسلمین خیبر پختونخوا یوتھ ونگ کے سیکرٹری صفدر عباس اور آئی ایس او ڈیرہ اسماعیل خان ڈویژن کے جنرل سیکرٹری نے خطاب کیا۔
قبائلی علاقہ جنوبی وزیرستان سے متصل ضلع ٹانک میں پہلی مرتبہ مجلس وحدت مسلمین کے زیر اہتمام یوم القدس ریلی نکالی گئی، ریلی کے شرکاء نماز جمعہ کے بعد امام بارگاہ گرہ بلوچ سے برآمد ہوئے اور مین وانا روڈ کو بلاک کرکے امریکہ و اسرائیل کیخلاف بھرپور احتجاج کیا، اس موقع پر ایم ڈبلیو ایم کے ضلعی سیکرٹری جنرل سید عبدالحسنین نے شرکائے ریلی سے خطاب کیا۔ بنوں میں بھی مجلس وحدت مسلمین کے ضلعی سیکرٹری جنرل سید نوروز علی شاہ کی قیادت میں یوم القدس ریلی نکالی گئی۔
ریلی کے شرکاء امام بارگاہ حسین آباد سے برآمد ہوئے اور منڈان چوک ریلوے روڈ پہنچے، جہاں شرکائے ریلی سے سید نورز علی نے خطاب کرتے ہوئے کہا کہ فلسطین پر ڈھائے جانے والی قیامت پر مسلم امہ کے حکمرانوں کی خاموشی قابل مذمت ہے، تمام مسلم ممالک کے حکمران اسرائیل کیساتھ وابستہ اپنے تعلقات منقطع کریں اور یہودی مصنوعات کا بائیکاٹ کیا جائے۔ ضلع نوشہرہ میں بھی مجلس وحدت مسلمین کے زیر اہتمام ریلی نکالی گئی، جس میں اہل سنت نے ایک بڑی تعداد میں شرکت کی، اور وحدت کا عملی مظاہرہ کرتے ہوئے امریکہ و اسرائیل کیخلاف احتجاج ریکارڈ کرایا۔ علاوہ ازیں صوبہ کے دیگر اضلاع میں نماز جمعہ کے اجتماعات میں یوم القدس کی مناسبت سے آئما جمعہ جماعت نے تقاریر کیں، اور غزہ میں جاری اسرائیلی مظالم کی شدید الفاظ میں مذمت کرتے ہوئے قبلہ اول کی آزادی کیلئے عملی جدوجہد کرنے کا مطالبہ کیا۔
وحدت نیوز(کوئٹہ) مجلس وحدت مسلمین پاکستان کی شوریٰ عالی کے رکن اور امام جمعہ کوئٹہ علامہ سید ہاشم موسوی نے کہا ہے کہ افغانستان کے صوبہ غور میں طالبان دہشتگردوں کی جانب سے شیعہ ہزارہ قوم کے پندرہ افراد کی ٹارگٹ کلنگ انتہائی قابل مذمت فعل ہے۔ جس طرح پاکستان میں زائرین کو بسوں سے اتار کر شناخت کے بعد نشانہ بنایا، وہی مائنڈ سیٹ اب افغانستان میں نہ صرف شیعہ بلکہ سنی سمیت دیگر اقوام کو نشانہ بنا رہے ہیں۔ افغان حکومت کو چاہیئے کہ واقعے میں ملوث دہشتگردوں کو فوری طور پر گرفتار کرکے قرار واقعی سزاء دے۔ اسی طرح کراچی میں بھی آئے دن شیعہ مسلمانوں کو ٹارگٹ کلنگ کا نشانہ بنایا جا رہا ہے، اور حکومت خاموش تماشائی کا کردار ادا کر رہی ہے۔ انہوں نے کہا کہ ضرورت اس امر کی ہے کہ خطے میں آباد تمام مسلمان متحد ہوکر ان تکفیری دہشتگردوں کا مقابلہ کریں، کیونکہ یہ مخصوص مائنڈ سیٹ عراق و شام سمیت پورے خطے میں مغربی قوتوں کے مفادات کو پورا کرنے میں سرگرم عمل ہیں۔
علامہ سید ہاشم موسوی کا مزید کہنا تھا کہ غاصب صیہونی دہشتگرد ریاست اسرائیل اپنی پوری قوت سے مظلوم فلسطینیوں پر مظالم ڈھا رہی ہے، جو انتہائی قابل مذمت ہے۔ اسرائیل مشرق وسطٰی میں داعش سمیت دیگر دہشتگرد گروہوں کے ذریعے شورش کو ایجاد کرکے مسلم امہ کو عارضی طور پر الجھا کر غزہ پر قبضے کا خواب دیکھ رہی تھی، لیکن حماس و فلسطینی عوام کی بیداری و مقاومت کے ذریعے اسرائیل اپنے مذموم مقاصد میں کامیاب نہیں ہو پائی اور نہ کبھی ہوگی۔ پاکستان سمیت تمام مسلمان و انسان دوست ممالک کو چاہیئے کہ وہ اسرائیل کی ریاستی دہشتگردی کیخلاف متحد ہوکر عملی اقدامات اُٹھائیں۔
وحدت نیوز(بلتستان) مجلس وحدت مسلمین پاکستان بلتستان ڈویژن کے زیراہتمام یوم القدس کی مناسبت سے ایک عظیم الشان "قدس کانفرس " کا انعقاد نیورنگاہ آفس کے سبزہ زار پر کیا گیا۔ جس میں حوزہ علمیہ قم، حوزہ علمیہ مشہد مقدس، حوزہ علمیہ نجف اشرف کے علاوہ بلتستان بھر کے علماء اور تنظیمی کارکنان کی بڑی تعداد نے شرکت کی۔ قدس کانفرنس سے علمائے قم کی نمائندگی کرتے ہوئے حجتہ الاسلام شیخ فدا علی شیخزادہ نے کہا کہ موجودہ حالات کے تناظر میں یوم القدس کی اہمیت بہت زیادہ بڑھ گئی ہے۔ امام راحل کی کمال دانشمندی تھی کہ انہوں نے رمضان کے آخری جمعہ کو بالخصوص فلسطینی مسلمانوں اور بالعموم مستضعفین جہاں سے منسوب کیا اور اس دن کو نہ منانے والوں کی حقیقت بھی واضح کرتے ہوئے فرمایا کہ اس دن کو نہ منانے والے استعمار کے ایجنٹ ہیں۔ اس وقت دنیا میں عالم انسانیت اور عالم اسلام کو بےشمار مشکلات ہیں اگر ان مسائل کی ترتیب کریں تو مسئلہ فلسطین مسلمانوں اور انسانوں کا اساسی مسئلہ ہے۔ انہوں نے کہا کہ اس وقت غزہ میں اسرائیلی وحشیانہ بربریت نے نہتے اور غریب سات سو کے قریب فلسطینی مظلوموں کی جانیں لی ہیں اور دوسری طرف عالمی حقوق کی نام نہاد تنظیمیں فقط مگر مچھ کے آنسو بہانے پر اکتفاء کر رہی ہیں۔ عالم اسلام بالخصوص عرب کے نام نہاد اسلامی ممالک کے دل فلسطینی مسلمانوں کے ساتھ نہیں بلکہ امریکہ و اسرائیل کے ساتھ دھڑکتے ہیں، ان آمروں کو نہ قبلہ اول کی کوئی فکر ہے اور نہ اسلام کی۔ انہیں اپنا اقتدار چاہیئے اور بس۔
قدس کانفرنس سے خطاب کرتے ہوئے شیخ محمد علی ممتاز نے کہا کہ قدس کی آزادی کے لیے دنیا بھر میں اٹھنے والی آواز اور تحریکیں دراصل حق و باطل کے درمیان ایک سرحد ہے۔ مسئلہ قدس کو بھولنا گویا حق سے پیچھے ہٹنے کے مترادف ہے۔ قدس کانفرنس سے خطاب کرتے ہوئے ڈپٹی سیکرٹری جنرل مجلس وحدت مسلمین پاکستان بلتستان ڈویژن علامہ شیخ زاہد حسین زاہدی اور صوبائی ڈپٹی سیکرٹری جنرل آغا مظاہر حسین موسوی کا کہنا تھا کہ تمام اسلامی ممالک بالخصوص مملکت عزیز پاکستان کو بھی غزہ کے مظلومین کی امداد کے لیے عملی اقدامات اٹھانے کی ضرورت ہے ہمارے حکمران صرف زبانی مذمت سے بوجھ ہلکا کرنا چاہتے ہیں جو کہ ناقابل قبول عمل ہے۔ اگر اسرائیلی جارحیت کے خلاف پاکستان سے فوج نہیں بھیجی جا سکتی تو کم از کم زخمیوں کی علاج معالجے کے لیے ماہرین اور ادویات اور خوراک کی شیپیں آزادی کاروان کی صورت میں بھیجنے کی ضرورت ہے۔ اگر ہمارے حکمران اسلام سے مخلص ہوتے تو اب تک غزہ کے مظلوموں کی امداد اور اسرائیل کی جارحیت کے خلاف کچھ کر چکے ہوتے۔ دوسری طرف ہماری خارجہ پالیسی میں واضح تبدیلی کی ضرورت ہے سابقہ 67 سالوں سے یہ بات روز روشن کی طرح واضح ہوگئی ہے کہ امریکہ اسلام اور پاکستان دونوں کا دشمن ہے اس کے ساتھ مزید دوستانہ تعلقات نبھانا مظلوم فلسطینوں اور دنیا بھر کے مظلوم انسانون کے ساتھ خیانت ہے کیونکہ غزہ میں اسرائیلی بربریت اور دنیا بھر میں امریکی مظالم اور جنایت کاریوں کے پیچھے شیطان بزرگ امریکہ ہے۔ ہمارے حکمرانوں کی نادانی کی یہی انتہاء ہے کہ اب بھی امریکہ سے امداد اور پاکستان کی ترقی کو امریکہ سے وابستہ کر کے رکھا ہوا ہے جبکہ 67 سالوں میں امریکہ نے پاکستان کو دیا کیا ہے جو اب دے گا۔ ہمارے حکمرانوں کو سرابوں سے نکل کر، غلامی سے نکل کر حقیقت کی دنیا میں قدم رکھنا چاہیئے اور اپنی خارجہ پالیسی کو امریکہ کی خوشنودی سے منسوب کرنے کی بجائے آزادانہ خارجہ پالیسی اہنانی چاہیئے۔ دنیا میں اور بھی قومیں وجود رکھتی ہیں جو امریکہ سے دشمنی مول لینے کے بعد بھی دنیا میں سرخرو اور ترقی یافتہ ممالک میں شمار ہوتی ہیں۔ اگر پاکستان اپنے قدم پر کھڑا ہو کر بیساکھیوں کو توڑ ڈالے تو غزہ کے مسلمانوں کی حمایت کے لیے عملی اقدام کیا جا سکتا ہے۔
وحدت نیوز(پشاور) تحریک آذادی قدس پشاور کے زیر اہتمام ملک کے دیگر حصوں کی طرح پشاور میں میں بھی بھرپور احتجاجی ریلی نکالی گئی، جس سینکڑوں کی تعداد مختلف جماعتوں کارکناں، قائدیں اور مختلف شعبہ ہائے زندگی سے تعلق رکھنے والے افراد نے شرکت کی۔ احتجاجی ریلی مسجد کوچہ رسالدار سے نماز جمعہ کے بعد برآمد ہوئی، اس موقع پر شرکاء ریلی نے غزہ کے نہتے مسلمانوں پر اسرائیلی مظالم کے خلاف اور فلسطینی عوام سے اظہار یکجہتی و آزادی قدس کے حق میں نعروں پر مبنی بینرز اور پلے کارڈز اُٹھا رکھے تھے۔ ریلی کے شرکاء نعرہ بازی کرتے ہوئے قصہ خوانی بازار پہنچے۔ اس موقع پر سیکورٹی کے سخت انتظامات کئے گئے تھے۔ ریلی میں امامیہ جرگہ، مجلس وحدت مسلمین پشاور، امامیہ اسٹوڈنٹس آرگنائزشن، شیعہ علماء کونسل، تحریک نفاذ فقہ جعفریہ اور امن کمیٹی کے ارکین نے بھرپور شرکت کی۔
ریلی سے علامہ عابد حسین شاکری امام جمعہ جامعہ شہید عارف الحسینی، مولانا محمد شعیب چیرمین عالمی متحدہ علماء مشائخ کونسل، ضیاء الحسن سربراہ حزب اللہ اور مظفر علی اخونزادہ نے خطاب کیا۔ مقررین کا کہنا تھا کہ اسرائیلی افواج کی جانب سے بے گناہ نہتے اور روزہ دار فلسطینی عوام کو گزشتہ 17 روز سے آگ اور باروڈ برسایا جا رہا ہے اور اب تک 750 سے بھی زائد فلسطینی مسلمان شہید ہوچکے ہیں، جن اکثرین معصوم بچوں اور خواتین کی ہے۔ مقررین کا کہنا تھا کہ تمام ظلم اور بربریت کے باوجود اُمت مسلمہ بلخصوص عرب ممالک کے حکمران کے کان پر جوں تک نہیں رینگی۔ اقوام متحدہ جوکہ استعماری قوتوں کا آلہ کار ادارہ بن چکا ہے سمیت او آئی سی اور عرب لیگ ن انسانیت سے مربوط اس نازک مسئلہ پر اجلاس تک طلب نہیں کیا۔ انہوں کا کہنا تھا کہ رہبر کبیر انقلاب اسلامی امام خمینی (رح) نے آج کے دن کو بیت المقدس کی آزادی سے منسوب کرکے اُمت مسلمہ پر ایک احسان عظیم کیا لیکن موجودہ مسلم حکمرانوں کی بے حسی کی وجہ سے آج بھی مسئلہ فلسطین اور قبلہ اول حل نہیں ہو پایا۔ بلکہ اس مسئلے پر استعماری قوتوں نے ابھی تک اپنے مفادات کا تحفظ کیا۔
وحدت نیوز(کراچی) یوم القدس کے موقع پر لاکھوں فرزندان پاکستان کا سٹرکوں پر نکلنا عالمی دہشت گرد امریکہ اور اس کی ناجائز اولاد اسرائیل کیخلاف نفرت کا اظہار ہے، دنیا بھر کے ہر مہذب انسان نے یہ فیصلہ سنا دیا ہے کہ اسرائیل کا وجود دنیا کی امن کے لئے سب سے بڑا خطرہ ہے،یوم القدس کو شایان شان طریقے سے مناکر پاکستانی قوم نے ثابت کردیا کہ وہ آج بھی بانیان پاکستان کی فکر پر گامزن ہے۔
ان خیالات کا اظہار مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری نے مرکزی دفتر سے جاری ایک بیان میں کیا۔انہوں نے کہا کہ غزہ کے مظلوم مسلمانوں پر اسرائیلی جارحیت کے خلاف مختلف مذاہب سے تعلق رکھنے والی دنیا بھر کی عوام نے اپنی آواز بلند کرکے اپنے باضمیر ہونے کا ثبوت دیا ہے، آج دنیا جان چکی ہے کہ امریکہ اور عرب ممالک اسرائیل کے سب سے بڑے خیرخواہ ہیں اور ان ہی کی اسرائیلی سرپرستی کی بدولت آج غزہ کے مظلوم عوام مصائب و آلام کا شکار ہیں۔ انہوں نے کہا کہ بیت المقدس کی آزادی کیلئے اٹھنے والی امام خمینی کی آواز نے دنیا بھر کے مظلوموں کو یکجا کردیا ہے اور آج دنیا بھر کا مظلوم اسرائیلی ظلم کے خلاف میدان عمل میں ہے اور غزہ کے مظلومین کی امداد کے لئے تیار ہے۔ علامہ راجہ ناصر عباس جعفری نے مزید کہا کہ اسرائیل کے خلاف غزہ کے عوام کی مزاحمت ایک مقدس جنگ ہے اور دنیا بھر کی عوام اپنی مظلوم فلسطینی بھائیوں کے شانہ بشانہ ہے اور انشاءاللہ عوامی بیداری کا یہ سفر جاری و ساری رہے گا۔ ان کا کہنا تھا کہ آج سرزمین فلسطین دنیا بھر کے مذاہب کے اتحاد کا مرکز بن چکی ہے، دنیا بھر کے مسلمان، عیسائی حتیٰ یہودی بھی غاصب صیہونی ریاست اسرائیل کے وجود کو تسلیم کرنے سے انکار کررہے ہیں، وہ دن دور نہیں کہ قدس کی آزادی کی آواز دنیا کے گوش و کنار میں گونجے گی اور انشاءاللہ دنیا بھر کی مظلوم عوام اسرائیل کی نابودی کا مشاہدہ کرے گی۔
وحدت نیوز(لاہور) یوم القدس کے موقع پر لاکھوں فرزندان اسلام کا سٹرکوں پر نکلنا عالمی دہشت گرد اسرائیل کیخلاف ریفرنڈم ہے دنیا بھر کے ہر مہذب انسان نے یہ فیصلہ سنا دیا ہے کہ اسرائیل کا وجود دنیا کی امن کے لئے سب سے بڑا خطرہ ہے ان خیالات کا اظہار مجلس وحدت مسلمین پنجاب کے سیکرٹری جنرل علامہ عبدالخالق اسدی نےالقدس کمیٹی کے ارکان سے خطا ب میں کیا ۔علامہ عبدالخالق اسدی نے امامیہ سٹوڈنٹس آرگنائزیشن پاکستان کے کارکنان کو مبارک باد پیش کی اور کہا کہ یہ آئی ایس او پاکستان کے نوجوان ہی ہیں جنہوں نے پاکستان میں امت مسلمہ میں آزادی بیت المقدس کی تحریک اور یوم القدس کی اہمیت کو اجاگر کیا الحمداللہ آج ہر مکتب فکر جمعتہ الوداع کو یوم القدس ایک فرض عبادت سمجھ کر مناتے ہیں علامہ اسدی کا کہنا تھا کہ عرب کے بے حس حکمران فلسطینیوں کو صدقہ خیرات کے اعلانات کرنے کے بجائے یہود و نصاریٰ سے اپنے تعلقات کی خاتمے کا اعلان کرئے انہی عرب حکمرانوں کے مال سے مظلوم نہتے فلسطینیوں پر یہود و نصاریٰ بارود کی بارش کر رہے ہیں اُن کا مزید کہنا تھا کہ عرب لیگ، او آئی سی اور اقوام متحدہ کا مسلمانوں کو درپیش مسائل سے کوئی تعلق نہیں یہ ادارے اسرائیل اور مغرب کے مفادات کی تحفظ کے لئے ہیں۔
وحدت نیوز(کوئٹہ ) مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے افغانستان میں ۱۵ معصوم انسانوں کے قتل کو المناک سانحہ قرار دیتے ہوئے کہا ہے کہ بے گناہ مسلمانوں کے قاتل کسی طرح مسلمان نہیں ہو سکتے۔انہوں نے کہا کہ ایک تسلسل کے ساتھ ہزارہ قبیلے کے معصوم لوگوں کو دہشت گردی کا نشانہ بنایا جا رہا ہے، افغانستان کے صوبہ غور میں ۱۵ مسافروں کو گاڑیوں سے اتار کر شناخت کے بعد بہیمانہ انداز سے قتل عام کیا گیا اس المناک سانحہ کی جتنی مذمت کی جائے کم ہے۔ انہوں نے کہا کہ اسلام دشمن قوتیں اپنے آلہ کار عناصر کے ذریعے بے گناہ انسانوں کا خون ناحق بہا کر اپنے سامراجی عزائم کی تکمیل چاہتی ہیں۔ ہم حکومت افغانستان سے مطالبہ کرتے ہیں کہ وہ معصوم انسانوں کے قاتل دہشت گردوں کو گرفتار کرکے قرار واقعی سزا دے۔
در ایں اثناء علامہ مقصود علی ڈومکی نے عراق میں داعش کے ہاتھوں انبیائے الٰہی کے مقدس مزارات پر حملوں کی شدید الفاظ میں مذمت کی۔داعش نے جمعرات کو موصل میں پیغمبر خدا ،حضرت دانیال نبی ؑ جبکہ نینویٰ میں حضرت یونس ؑ کے روضہ مقدس کو منہدم کرکے پوری امت مسلمہ کو غم زدہ کر دیا ہے۔ بم دہماکوں میں حضرت یونس ؑ کے مزار اقدس سے متصل تاریخی مسجد بھی شہید ہوگئی۔ اس المناک سانحے کی ہم پرزور الفاظ میں مذمت کرتے ہیں۔ ایک ایسے وقت میں جب اسرائیل غزہ کے معصوم مسلمانوں کابے دردی سے قتل عام کر رہا ہے، ایسے واقعات کا رونماء ہونا موساد کی سازش معلوم ہوتی ہے۔ امت مسلمہ اپنی بیداری اور اتحاد سے امریکہ اور اسرائیل کی سازشوں کو ناکام بنا دے۔
وحدت نیوز(اوکاڑہ) بانی انقلاب امام خمینی کے فرمان پر ملک بھر کی طرح ضلع اوکاڑہ میں بھی مجلس وحدت مسلمین ضلع اوکاڑہ کے زیر اہتمام چھ مقامات پر یوم القدس اور نہتے فلسطینیوں پر اسرائیلی مظالم کے خلاف مظاہرے اور ریلیاں نکالی گئی تفصیلات کے مطابق اوکاڑہ سٹی میں امام بارگاہ ایوان حسین ؑ سے بعد از نماز جمہ ایک احتجاجی ریلی نکالی گئی جس کی قیادت ضلعی سیکرٹری جنرل سید انوار زیدی، ڈپٹی سیکرٹری جنرل سید سجاد رضا زیدی اورمولانا عون عباس نقوی نے کی ریلی میں امامیہ سٹوڈنٹس آرگنائزیشن کے ڈویژنل صدر سید حسن رضا شیرازی اور کارکنان نے بھر پور شرکت کی احتجاجی ریلی چرچ روڑ سے ہوتی ہوئی پریس کلب اوکاڑہ پہنچی تو جلسے کی شکل اختیار کر گئی جس سے ضلعی سیکرٹری جنرل اور مولانا عون عباس نقوی نے خطاب کیا ۔
دیپال پورسے احتجاجی جلوس امام بارگاہ سجادیہ سے نکالا گیاجس کی قیادت سید منیب الحسن ایڈووکیٹ ضلعی سیکرٹری شعبہ جواناں ،مولانا علی حسین جتوئی اور مولانا غلام حسن طاہری نے احتجاجی جلوس صدر بازار دیپال پور سے ہوتا ہوا مدینہ چوک پہنچا جہاں پر مولانا علی حسین جتوئی جلوس سے خطاب کرتے ہوئے کہا کہ اسرائیل کے خلاف امت مسلمہ کے اتحاد کی ضرورت ہیں ۔
حجرہ شاہ مقیم میں امام بارگاہ دربار حسین سے ایک احتجاجی جلوس نکا لا گیا جس کی قیادت ضلعی سیکرٹری طبلیغات مولانا احمد نواز بلتستانی اور حجرہ یونٹ کے سیکرٹری جنرل سید فرخ عباس کاظمی نے کی احتجاجی جلوس مین بازار حجرہ پہنچ کر احتتام پزیر ہوگیا ۔
شیر گڑھ سے مرکزی جامعہ مسجد جعفریہ سے ایک احتجاجی جلوس زیر قیادت مولانا اقبال حسین شاہ نقوی ضلعی سیکرٹری تربیت مولانا بابر حسین جعفری اور ضلعی سیکرٹری روابط صادق حسین غفاری نے کی جلوس مین بازار شیر گڑھ سے ہوتا ہوا کرنل چوک پہنچ کر احتتام پزیر ہوگیا ۔
قصبہ چوچک سے ایک احتجاجی جلوس جامعہ مسجد جعفریہ چوچک سے برآمد ہوا جس کی قیادت چوچک یونٹ کے سیکرٹری جنرل سید علی عمران نقوی نے احتجاجی جلوس مین بازار سے ہوتا ہوا پریس کلب پہنچ کر احتتا م پزیر ہو گیا ۔
قصبہ گوگیرہ امام بارگاہ گوگیرہ سے ایک احتجاجی جلوس زیر قیادت زوالفقار حسین بادشاہ ضلعی سیکرٹری شماریات اور مولانا زوار حسین قی نے کی احتجاجی جلوس ساہیوال موڑ سے ہوتا ہوا تھانہ گوگیرہ پہنچ کر اختتام پزیر ہو گیا احتجاجی جلوسوں اور ریلیوں سے خطاب کرتے ہوئے مقررین نے اسرائیل کے خلاف امت مسلمہ کی وحدت پر زور دیا مقررین نے فلسطین میں اسرائیل کی ظلم اور بر بریت کی شدید الفاظ میں مذمت کی اور حکومت سے مطالبہ کیا کہ وہ احتجاجاً امریکہ سے اپنے تعلقات پر نظر ثانی کرے۔
وحدت نیوز(آزادجموں کشمیر) ملک بھر کی طرح آزاد کشمیر کے بھی تمام اضلاع میں ریلیوں کا انعقا دکیا گیا، مرکزی ریلی کا انعقاد دارالحکومت مظفرآباد میں مجلس وحدت مسلمین آزاد جموں و کشمیر ، جعفریہ سپریم کونسل ، آئی او، آئی ایس ، انجمن جعفریہ او و دیگر ملی تنظمیات کے اشتراق سے ہوا، ریلی کی قیادت ممبر اسلامی نظریاتی کونسل مفتی کفایت نقوی، سیکرٹری جنرل مجلس وحدت مسلمین آزاد کشمیر علامہ سید تصور حسین نقوی الجوادی، چئیرمین جعفریہ سپریم کونسل آزاد کشمیر سید شبیر حسین بخاری ، صدر انجمن جعفریہ مظفرآباد سید بشیر حسین کاظمی ، سیکرٹری جنرل ایم ڈبلیو ایم مظفرآباد مولانا طالب ہمدانی و دیگر علماء و زعماء نے کی ، ریلی کا آغاز مرکزی امام بارگاہ پیر علم شاہ بخاری سے ہوا، ریلی اپنے مقررہ راستوں سے ہوتی ہوئی عزیز چوک پہنچی ، دوران ریلی مردہ باد امریکہ ، مردہ باد اسرائیل سے فضا گونجتی رہی۔
ریلی سے خطاب کرتے ہوئے علامہ مفتی سید کفایت حسین نقوی، علامہ سید تصور حسین نقوی الجوادی و دیگر مقررین نے اپنے خطاب میں کہا کہ خمینی بت شکن سال ہا پہلا فرمان کہ اسرائیل ملت اسلامیہ کے دل میں خنجر کی مانند ہے، ملت نے دیکھا کہ آج اسرائیل کسطرح مسلمانوں کس طرح سے اذیت دے رہا ہے، غزہ پر حملہ کر دیا، دودھ پیتے بچوں تک کو بھی نہ چھوڑا،شوسل میڈیا پر تصاویر دیکھ کر دل خون کے آنسو روتا ہے، مگر ہمارے حکمرآن خاموش، عرب حکمران خواب خرگوش کے مزے لے رہے ہیں ، عرب حکمران شام کے معاملے پر تواکھٹے تھے،شام کے لیئے جنگ کے پورے اخراجات برداشت کرنے والے اسرائیلی بچوں کے لیئے کچھ کھانے کو بھی بھیج نہیں رہے، کیا یہ بے حسی نہیں ، ہمارا قبلہ اول اسرائیلی قبضے میں ہے، فلسطینی مسلمان ظلم چکی میں پس رہے ہیں ، کشمیر پر ظلم و ستم کی داستانیں رقم کی جارہی ہیں ، کب مسلم دنیا کے حکمران سمجھیں گے؟ کب تک وہ اپنے اقتدار کو دوام دینے کے لیئے امریکہ و اسرائیل کی غلامی کو گلے کا طوق بنا کر رکھیں گے، نہیں اب امت مسلمہ کو متحد ہونا ہو گا، ظالم کے مقابلے میں میدان عمل میں آنا ہو گا۔
مقررین نے کہا کہ قبلہ اول کی آزاد ی ہماری یہ احتجاجی تحریک جاری و ساری رہے گی ، ہم اس وقت تک میدان میں رہیں گے جب تک قبلہ اول کو پنجہ اسرائیل سے چھڑا یا نہیں جاتا، انہوں نے کہا کہ یوم القدس صرف قدس تک محدود نہیں بلکہ دنیا میں جہاں کہیں بھی ظلم ہو رہا ہے، اس کے خلاف احتجاج کا دن ہے ، وہ چاہے شام ہو یا عراق، فلسطین ہو یا کشمیر جہاں بھی ظلم ہو گا ، ہم اس کے خلاف آواز اٹھاتے رہیں گے، مقررین نے داعش کی طرف سے انبیاء علیھم السلام و صحابہ کرام کے مزارات کی مسمارگی بھی شدید مذمت کی، انہوں نے کہا کہ اب وقت آ گیا کہ مسلمان متحد و منظم ہو کر ظلم ، استبداد، طاغوت و استعمار کے خلاف اٹھ کھڑے ہوں ، انہوں نے کہا کہ خمینی بزرگوار نے فرمایا تھا کہ اگر تمام مسلمان متحد ہو کر ایک ایک بالٹی پانی کی اسرائیل پر بہائیں تو اسرائیل نیست و نابود ہو جائے گا، اور ولی فقیہ آیت اللہ خامنہ ای نے بھی کہا ہے کہ جس طرح عرب دنیا شام کے خلاف متحد تھی اگر اسرائیل کے خلاف متحد ہوجا تو اسرائیل صفحہ ہستی سے مٹ جائے گا،اب اسرائیل کی نابودی کا وقت آچکا، مٹھی بھر صہیونی مسلمانوں کو یرغمال نہیں بنا سکتے بلکہ مسلمان اپنے اتحاد سے صہیونیت کو شکست فاش دیں گے، ریلی کا اختتام دعائے وحدت سے ہوا، آخر میں اسرائیل کے وزیراعظم کا پتلہ بھی نذر آتش کیا گیا۔
دارالحکومت مظفرآباد کی دوسری ریلی گڑھی دوپٹہ کی جامع مسجد سے نکل کر کالج چوک پر اختتام پذیر ہوئی، جہاں مقررین نے خطاب کیا ، ریلی مجلس وحدت مسلمین گڑھی دوپٹہ وآئی ایس او کے زیر اہتمام تھی، ریلی کی قیادت سرپرست مجلس وحدت مسلمین گڑھی دوپٹہ حاجی سید قربان حسین بخاری، مولانا منیر بلوچ، سیکرٹری روابط ایم ڈبلیو ایم ضلع مظفرآباد سید طفیل نقوی، سیکرٹری جنرل کھٹپورہ حافظ اشتیاق حسین کاظمی نے کی، مقررین نے اپنے خطاب میں اسرائیلی مظالم اور قبلہ اول پر قبضہ کی مذمت کی اور مسلم دنیا سے بیدار ہونے کا مطالبہ کیا۔
دارالحکومت مظفرآباد کے نواحی گاؤں کمہار بانڈی میں بھی ریلی کاانعقاد کیا گیا جس کی قیادت ضلعی سیکرٹری تربیت و تبلیغات مولانا سید مجاہد حسین کاظمی صاحب نے کی۔
ضلع ہٹیاں بالا کی مرکزی ریلی کچھا سیداں کی امام بارگاہ سے کچھا بازار تک نکالی گئی جس کی قیاد ت علامہ فضل عباس نقوی، ضلعی کوآرگنائزر ایم ڈبلیو ایم ڈاکٹر سید عارف کاظمی نے کی ، ریلی آئی ایس او کے اشتراق سے نکالی گئی۔
ضلع نیلم کی مرکزی ریلی میرپور تکیہ سیداں جامع مسجد سے نکالی گئی جس کی قیادت ضلعی سیکرٹری جنرل ایم ڈبلیو ایم پیر سید ظاہر حسین نقوی نے کی۔
انجمن امامیہ باغ اور مجلس وحدت مسلمین کے زیر اہتمام مرکزی امام بارگاہ سے ریلی کا انعقاد کیا گیا جس کی قیادت مولانا اقبال ساجدی نے کی۔
ضلع باغ کی دوسری بڑی ریلی نمب سیداں جامع مسجد سے برآمد ہوئی، جو حسینی چوک نمب سیداں اختتام پذیر ہوئی، ریلی کی قیادت ریاستی سیکرٹری تربیت مولانا سید افتخار الحسن جعفری نے کی۔
مدرسہ شہید عارف حسینی ؒ سے مرکزی ریلی کا انعقاد کیا گیا، ریلی کا اہتمام ملی تنظیمات نے ملکر کیا ، ریاستی سیکرٹری شماریات سید شعیب حسین بخاری اور ضلعی سیکرٹری یوتھ سید احسن بخاری نے ریلی سے خطاب کیا۔
مجلس وحدت مسلمین، آئی ایس او اور آئی او کے زیر اہتمام مرکزی ریلی سادات کالونی سے نکالی گئی، جس کی قیادت ضلعی سیکرٹری جنرل سید ناظر عباس نقوی، میرپور سٹی کے سیکرٹری جنرل سید واجد شمسی، خطیب جامع مسجد علامہ سید تنویر حسین شیرازی و کابینہ کے دیگر احباب نے کیا ۔
ان ریلیو ں میں صہیونی اسرائیل کے مظالم اور قبلہ اول پر قبضہ کی شدید الفاظ میں مذمت کی گئی۔
وحدت نیوز( باغ) غزۂ کے مظلو مین پر حملہ اسرائیل کے تابوت پر آخری کیل ثابت ہوگا۔ وحشیانہ بربریت پر عرب لیگ اور او آئی سی کی خاموشی مسلم اُمہ کیلئے لمحہ فکریہ ہے۔ اسرائیل اپنی غیر انسانی خبایت کاریورں کے سبب بہت جلد صفحہ ہستی سے نیست و نابوت ہو جائیگا کیونکہ اسی میں دُنیا کے قیام امن کا راز مضمر ہے۔ حماس اورحزب اللہ کو بدنام اور کمزور کرنے کیلئے امریکہ اور اسرائیل نے داعش جیسی تنظیمیں بناکر اسن کو مسلح کرکے مسلمانوں کے قتل عام اور شیعہ سنی تفرقہ کا ٹھیکہ دیاہے جو کہ قابل مزمت ہے ۔ اقوام متحدہ ، یورپ اور انسانی حقوق کی تنظیمیں امریکہ اور اسکی ناجائز اولاد اسرائیل سے خوفزدہ ہوکر خاموش تماشاہی کا گھناونہ کردار ادا کررہے ہیں۔ ان خیالات کا اظہار مجلس وحدت مسلمین کے سیکرٹری جنرل ضلع باغ سیدعبادت کاظمی ،(ر)پرنسپل ملک ادریس،سردار طارق مسعود، سیدشبیرایڈوکیٹ، قیصر بانڈے،لیاقت کاظمی ،تبریزخان،سجاد حیدربانڈے، وقار جعفری نے رمضان المبارک کے آخری جمعہ کے یوم القدس کے موقع پر احتجاجی مظاہرے سے خطاب کر تے ہوئے کیا۔
احتجاجی مظاہرے میں مجلس وحدت مسلمین، امامیہ سٹوڈنٹس آرگنائزیشن، امامیہ آرگنائزیشن، شیعہ علماء کونسل ، انجمن جعفریہ کے کارکنان کے علاوہ اہلسنت سے تعلق رکھنے والے افراد نے کثیر تعداد میں شرکت کی ۔ شرکاء نے فلسطین کی آزادی کے حق میں جبکہ اسرائیل اور امریکہ کیخلاف بینرز اور پلے کارڈ اُٹھا رکھے تھے ۔ شرکارنے فلسطین کے حق میں اور اسرائیل کیخلاف فلک شگاف نعرے بلند کرتے ہوئے حیدری چوک سے براستہ مین بازار زمان چوک پہنچے جہاں پر مقررین نے کہا کہ امام خمینی کے حکم پر حسب سابق اس سال بھی دُنیا بھر کی طرح باغ میں بھی فرزندان تو حید ، دُنیا بھر کے مستفعفین بالخصوص فلسطینی بھائیوں سے اظہار یکجہتی اور اسلام دشمن قوتوں امریکہ اور اسرائیل کیخلاف سٹرکوں پر نکلے ہیں کیونکہ فلسطین فلسطینوں کے مسئلہ نہیں بلکہ عالم اسلام کا مسئلہ ہے۔
مقررین نے حماس کی اخلاقی اور عسکری امداد کرنے پر ایران کو زبردست الفاظ میں خراج تحسین پیش کر تے ہوئے رہبر معظم سیّد علی خامنہ ای کے اس بیان کی پرزور حمایت کی جس میں اُنہوں نے عرب لیگ کو اسلامی ملک شام کے بجائے اسرائیل کیخلاف متحد ہونے کی دعوت دی تاکہ فلسطین کی آزادی اور اسرائیل کی بربادی کو یقینی بنا یاجائے۔ مقررین نے دُنیا بھر میں اسلامی تحریکوں ، مظلوموں محکموں اور مستفعفین سے بھرپور اظہار یکجہتی کرتے ہوئے امریکہ ، اسرائیل، یورپ اور اقوام متحدہ کی منافقانہ اور منفی کردار کی شدید مزمت کر تے ہوئے منصف مزاج ، غیرجانبدار اور حقیقی انسانی حقوق کی تنظیموں سے مطالبہ کیا کہ وہ امریکہ اور اسرائیل کیخلاف متحدہ ہوجائیں۔
