The Latest
وحدت نیوز(روہڑی) مجلس وحدت مسلمین صوبہ سندھ کے سیکریٹری امور سیاسیات علی حسین نقوی نے روہڑی میں رینجرز کی جانب شہدائے کربلا کے چہلم کے موقع پر دہشت گردی کی کوشش ناکام بناتے ہوئے 3 دہشت گرد ہلاک کرنے پر خراج تحسین پیش کیا ہے،انہوں نے کہا کہ پولیس اور رینجرز کے بہترین سکیورٹی انتظامات کی بدولت کراچی اور اندرون سندھ سمیت ملک بھر میں چہلم امام حسین ؑ کے جلوس ہائے عزا بخیروعافیت اختتام پزیر ہو گئے ہیں، روہڑی میں رینجرز کے جوانوں کے بروقت اقدام سے عزاداران حسینی ؑ بڑے سانحےسے بچ گئے، مجلس وحدت مسلمین رینجرز کودہشت گردوں کے خلاف اس کامیاب آپریشن پر خراج تحسین پیش کرتی ہے۔
واضح رہے کہ ترجمان رینجرز کے مطابق روہڑی میں رینجرز کے ناکے پر تعینات اہلکاروں نے ملزمان کو رکنے کا اشارہ کیا لیکن ملزمان نے فرار ہونے کی کوشش کی جس پر اہلکاروں نے فائرنگ کردی،ترجمان نے بتایا کہ ملزمان کی جانب سے بھی فائرنگ کی گئی جس کے بعد رینجرز کی جوابی کارروائی میں تینوں ملزمان ہلاک ہوگئے،ترجمان رینجرز کے مطابق ملزمان امام بارگاہ باب کربلا جانا چاہتے تھے اور یہ امام بارگاہ ان کا ہدف تھی، دو ملزمان نے خودکش جیکٹس کے ذریعے دھماکا کرنے کی بھی کوشش کی تاہم رینجرز کی بروقت کارروائی سے ان کی یہ کوشش ناکام بنا دی گئی،ترجمان کا کہنا تھا کہ مقابلے میں ہلاک دہشت گردوں کا تعلق کالعدم تنظیم سے ہے تاہم ان کی شناخت کا عمل جاری ہے۔ ترجمان نے کہا کہ دہشت گردوں کے نیٹ ورک کے خلاف کارروائی کی جائے گی۔
وحدت نیوز(لاہور) مجلس وحدت مسلمین پنخاب کے ترجمان راجہ امجد علی نے کہا ہے کہ مرکزی ڈپٹی سیکرٹری جنرل سید ناصر شیرازی کی جبری گمشدگی کے ذمہ دار پنجاب حکومت ہے اور یہ ایم ڈبلیوایم کا اصولی موقف ہے اور مجلس کےسربراہ علامہ راجہ ناصر عباس جعفری اپنی پریس کانفرنس اور بیانات میں اس بات کا باقاعدہ اظہار کرچکے ہیں کہ سید ناصر شیرازی کی اغواء میں رانا ثناء اللہ اور پنجاب حکومت ملوث ہے -
ہمارے موقف اور بیانات انتہائی ذمہ دار افراد مرکزی رہنماوں سے مشاورت کے بعد قومی و بین الاقوامی ذرائع ابلاغ کو جاری کرتے ہیں،سوشل میڈیا پر ہمارے پیجز موجود ہیں جبکہ دیگر کسی بھی ویب سائٹ اور پیجز پر تجزیے تبصرے اور رائے کا ایم ڈبلیوایم کیساتھ کوئی تعلق نہیں۔
مجلس وحدت مسلمین پاکستان کے مرکزی ویب سائٹ کا ایڈریس درج ذیل ہے۔
www.mwmpak.org
اس کے علاوہ کسی بھی ویب سائیڈ کا ایم ڈبلیوایم سے کوئی تعلق نہیں ہے،ہم ہر قسم کے سنسنی خیز خبروں کی مذمت کرتے ہیں۔
وحدت نیوز (اسلام آباد) راولپنڈی میں چہلم امام حسین علیہ السلام کے مرکزی جلوس میں نماز ظہرین کے اجتماع سے خطاب کرتے ہوئے مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا ہے کہ یزیدیت کا تعاقب اسوہ زینبی (س) ہے۔ مخدومہ کونین حضرت زینب سلام اللہ علیہ نے اپنے خطبات کے ذریعے جس جرات و استقامت کے ساتھ یزیدیت کے سیاہ چہرے سے نقاب اتارا تاریخ میں اس کی مثال نہیں ملتی۔جناب سیدہ سلام اللہ علیہ نے بصیرت و شعور دیا۔لوگوں کے ضمیر بیدار کیے۔ان کے کردار نے ہمیں استقامت، مقاومت اور حق پر ڈٹے رہنے کا سبق دیا ۔ہم اس خاندان عصمت و طہارت کے پیروکار ہیں جو حوصلوں اور عزم و استقامت کی معراج پر تھے۔عصر حاضر کی یزیدیت ہمارے حوصلوں کو پسپا نہیں کر سکتی۔پاکستان دشمن قوتیں اور ڈکٹیٹر ضیا ءکی باقیات نے پاکستان بنانے والوں کی اولاد پر زمین تنگ کرنے کی کوشش کی۔ہمارے علما ،ڈاکٹر،انجینئر ، نامور شخصیات اور نوجوانوں کو شناخت کر کے شہید کیا گیا۔مساجد و امام بارگاہوں کودہشت گردی کا نشانہ بنایا گیا۔تکفیر کے ذریعے ہماری طاقت کو توڑنے کی کوشش کی گئی۔ہم کربلا کے ماننے والے ہیں،دشمنوں کے تمام منصوبوں کو ہم نے بصیرت و دانش سے ناکام بنایا،ہمیں انتقام کا نشانہ بنانے کے لیے حکومت اوچھے ہتھکنڈوں پر اتر آئی ہے،ملت تشیع کے نوجوانوں کو گھروں سے اٹھا جا رہا ہے۔یہ نوجوان کئی سالوں سے لاپتا ہیں،جو پاکستان کے آئین و قانون کی صریحاََ خلاف ورزی ہے،پنجاب حکومت اگرسمجھتی ہے کہ ہمیں دبالے گی واللہ ہم سارے بھی زندانوں میں چلیں جائیں تمہارےسامنےسر نہیں جھکائیں گے۔
پنجاب حکومت نے مجلس وحدت مسلمین کے ڈپٹی سیکرٹری جنرل سید ناصر شیرازی ایڈووکیٹ کو ریاستی اداروں کے ذریعے اغوا کرایا،ایم ڈبلیو ایم نے حکومت کی ملک دشمن پالیسیوں کی ہمیشہ مخالفت کی ہے۔ اس سیاسی مخالفت پر حکومت پنجاب ہمیں انتقام کا نشانہ بنا رہی ہے۔پنجاب حکومت یہ بات ذہن نشین کر لے کہ ملت تشیع سر کٹا تو سکتی ہے مگر باطل کے سامنے کبھی سر جھکا نہیں سکتی،یہ ہتھکڑیاں اور سلاخیں ہمیں حق بات کہنے سے خاموش نہیں کرا سکتیں۔ہم نے شجاعت کا درس کربلا کے مظلوموں سے لیا ہے،انہوں نے کہا کہ میں پاکستان کی عدلیہ،افواج اور بااختیار اداروں سے مطالبہ کرتا ہوں کہ سید ناصر شیرازی کو رانا ثنا اللہ کی قید سے آزاد کرایا جائے۔پنجاب حکومت کے اس ظلم پر ہم خاموش نہیں بیٹھیں گے۔ان ظالموں کا بھرپور تعاقب جاری رکھا جائے گا۔اگر ناصر شیرازی کو بازیاب نہ کرایا گیا تو ان ظالم حکمرانوں کے خلاف ایک بار پھر پوری قوم کوسڑکوں پر آنے کے لیے پکارا جائے گا۔
وحدت نیوز(لاہور) سید ناصر شیرازی کی جبری گمشدگی میں پنجاب حکومت ملوث ہے،ملت جعفریہ کو پنجاب میں دہشتگردوں کیساتھ ساتھ پنجاب حکومت کی بربریت کا بھی سامنا ہے،جنازے بھی ہم اٹھائیں اور اسیر بھی ہم ہوں یہ کہاں کا انصاف ہے،چہلم کے بعد بھرپور احتجاجی تحریک چلائیں گے اور قوم کو ملک بھر میں سڑکوں پر نکالیں گے،ان خیالات کا اظہار امامیہ سٹوڈنٹس آرگنائزیشن پاکستان کے مرکزی صدر انصر مہدی مجلس وحدت مسلمین اور آئی ایس او کے زیر اہتمام دوران مرکزی جلوس چہلم امام حسین ؑ میں ناصر شیرازی اور دیگر لاپتہ شیعہ جوانوں کی جبری گمشدگی کے خلاف احتجاج سے خطاب کرتے ہوئے کیا۔
انہوں نے کہا کہ ہم اس وطن کے باوفا بیٹے ہیں ہماری تاریخ گواہ ہے کہ ہم نے ہمیشہ اتحاد امت اور ملکی سلامتی کو مقدم رکھا،آج حکومت ہمیں اسی حب الوطنی کی سزا دے رہی ہے،جب ملک پر کرپٹ اور قاتل حکمران مسلط ہو تو مظلوم کس سے انصاف مانگیں،ہم ان ظالموں کے ظلم و بربریت کے آگے مرعوب نہیں ہونگے،انشااللہ اپنے بے گناہ گمشدہ رہنما سید ناصر شیرازی کی بازیابی کے لئے آئینی و قانونی جدوجہد سے پیچھے نہیں ہٹیں گے،جلوس میں موجود عزاداران نے سید ناصر شیرازی کی جبری گمشدگی کیخلاف لبیک یاحسینؑ کے نعروں کیساتھ صدائے احتجاج بلند کئے،اس موقع پر مجلس وحدت مسلمین کے رہنما خرم نقوی،رانا ماجدمو دیگر بھی شریک تھے۔
وحدت نیوز (کراچی) مجلس وحدت مسلمین پاکستان کے ڈپٹی سیکرٹری جنرل اور امامیہ اسٹوڈنٹس آرگنائزیشن پاکستان کے رکن مرکزی نظارت سید ناصر عباس شیرازی ایڈووکیٹ کے رانا ثناء اللہ کے ہاتھوں اغوا اور ایک سو سے زائد محب وطن شیعہ شہریوں کی اداروں کی غیر اعلانیہ اور غیر قانونی طور پر قید کیخلاف چہلم امام حسین (ع) کے مرکزی جلوس میں احتجاجی مظاہرہ کیا گیا۔ احتجاج کا اہتمام آئی ایس او کراچی ڈویژن اور ایم ڈبلیو ایم کراچی ڈویژن کی جانب سے کیا گیا تھا۔ احتجاجی مظاہرے میں ہزاروں کی تعداد میں عزاداران امام حسین (ع) نے شرکت کی۔ اس موقع پر شرکاء سے علامہ احمد اقبال رضوی اور علامہ صادق رضا تقوی نے خطاب کیا۔ مظاہرین سے خطاب کرتے ہوئے علامہ احمد اقبال رضوی کا کہنا تھا کہ پنجاب حکومت قانون و انصاف کی برملا تضحیک کر رہی ہے، عدالت عالیہ کے حکم کے باوجود ناصر شیرازی کو عدالت کے سامنے پیش نہیں کیا گیا اور مزید ایک ہفتے کی مہلت مانگ لی گئی، ناصر شیرازی کی صحت و سلامتی کے حوالے سے ہمیں بیشتر خدشات ہیں، پنجاب حکومت ظالموں کی حکومت ہے، جن پر قطعاََ اعتماد نہیں کیا جا سکتا۔ انہوں نے کہا کہ ناصر شیرازی ایک سیاسی جماعت کا مرکزی رہنما، ہائی کورٹ کا سینیئر وکیل ہے، اتحاد بین المسلمین کے لئے ناصر شیرازی کی کوششوں کی تمام سیاسی جماعتیں معترف ہیں، وہ ملک میں بڑھتی ہوئی تکفیریت کے خلاف للکار سمجھے جاتے ہیں، انہیں اسی جرم کی سزا دی جا رہی ہے، ہماری اطلاعات یہ ہیں کہ بے جرم و خطا قید کئے جانے والے پاکستان کے غیرت مند فرزند ناصر شیرازی اور وطن کے دیگر باوفا بیٹوں پر غیر انسانی تشدد بھی کیا جا رہا ہے۔
ان کا مزید کہنا تھا کہ رانا ثناء اللہ اور نواز لیگ کی پنجاب حکومت سن لے اگر ناصر شیرازی کو کسی قسم کا نقصان پہنچا تو اس کی تمام تر ذمہ داری نواز شریف، شہباز شریف اور رانا ثناء اللہ پر عائد ہوگی، ناصر شیرازی سمیت دیگر مسنگ پرسنز کو حبس بے جا میں رکھا جانا، ان زیر کفالت مظلوم بوڑھے والدین، بیویوں، بہنوں، بھائیوں اور کمسن بچوں کے معاشی قتل کے مترادف ہے، یہ غیر قانونی تحویل ان شہریوں کے بنیادی حقوق کی سنگین خلاف ورزی ہے، پاکستان کے آئین و قانون کے تحت کسی شہری کو اس طرح قیدی نہیں بنایا جاسکتا۔علامہ صادق رضا تقوی کا کہنا تھا کہ اگر ناصر شیرازی سمیت دیگر افراد پر کوئی الزام ہوتا تو عدالت میں پیش کئے جاتے، ان کے عزیز و اقارب حکمرانوں اور عدلیہ کے سامنے درخواستیں پیش کرچکے لیکن کوئی شنوائی نہیں ہوئی، قانون کی خلاف ورزی کرنے والے یہ نام نہاد ادارے خدا کے قہر سے ڈریں کہ مظلوموں کی آہ سے عرش الٰہی بھی کانپتا ہے، ہم ہزاروں کی تعداد میں احتجاج کرتے عزادارن امام حسین (ع) چیف جسٹس آف پاکستان، چیف آف آرمی اسٹاف، صوبائی عدلیہ کے سربراہان سمیت سارے ذمہ داران سے اپیل کرتے ہیں کہ ان مظلوم و بے قصور محب وطن شہریوں کے ساتھ یہ ظلم و تشدد، قید و بند کا سلسلہ ختم کرائیں اور ان کی فوری آزادی کو یقینی بنائیں، یہ شہری پاکستان کا سرمایہ ہیں، یہ شہری پاکستان کا فخر ہیں، ان کی قدر کریں اور پاکستان میں قانون کی حکمرانی کو یقینی بنائیں، قائداعظم محمد علی جناح کے پاکستان کو جنگل کے قانون سے نجات دلائیں۔
وحدت نیوز(مظفرآباد) مجلس وحدت مسلمین آزاد کشمیر کی ریاستی کابینہ کا اجلاس،چہلم امام حسین علیہ السلام کے موقع پر شیعہ مسنگ پرسنز ، ناصر عباس شیرازی کا اغوا اور علامہ سید تصور حسین نقوی الجوادی پر حملہ کرنے والے مجرمان کی عدم گرفتاری و حکومت آزادکشمیر کی علامہ تصور نقوی کیس پر عدم توجہی کے خلاف بھرپور احتجاج کا فیصلہ،ترجمان مجلس وحدت مسلمین آزادکشمیر مولانا سید حمید حسین نقوی نے میڈیا کو جاری تفصیلات میں بتایا کہ فیصلہ کیا گیا کہ قائد وحدت علامہ راجہ ناصر عباس جعفری کی اپیل پر چہلم امام حسین علیہ السلام کے موقع پر بھرپور احتجاج ریکارڈ کروایا جائے گا۔ آزاد کشمیر بھر کے جلوسوں میں مذمتی قراردادیں پیش کی جائیں گی۔ خطباء حضرات اپنے خطابات کے دوران وفاقی، پنجاب اور آزاد کشمیر کی حکومتوں کے ملت تشیع کے ساتھ ناروا سلوک کو عیاں کریں گے۔
مولانا حمید نقوی نے کہا کہ چہلم کے بعد حکومتی ایوانوں کے گھراوکی تحریک ہو یا کوئی بھی کال مجلس وحدت مسلمین آزاد کشمیر مرکز کی جانب سے ملنے والی ہر کال پر تاریخی احتجاج ریکارڈ کروائے گی۔ انہوں نے کہا کہ ہم چیف جسٹس آف پاکستان سے اپیل کرتے ہیں کہ سید ناصر عباس شیرازی سمیت تمام شیعہ لاپتہ جوانوں کی جبری گمشدگیوں کا از خود نوٹس لیں اور آزاد کشمیر حکومت کو متنبہ کرتے ہیں کہ ہوش کے ناخن لے۔ ورنہ ملت جعفریہ تمہارے ایوانوں کا گھیراؤ کرنے اور ہر راست قدم اٹھانے کا حق محفوظ رکھتی ہے۔
وحدت نیوز (شہدادکوٹ) الصبح شہدادکوٹ سٹی میں تکفیری دہشت گردوں کی فائرنگ کے نتیجے میں مجلس وحدت مسلمین کا کارکن مختارحسین سومرو شدید زخمی ہوگیا، جسے سول اسپتال لاڑکانہ منتقل کردیا گیا ہے ، تفصیلات کے مطابق ایم ڈبلیوایم کے کارکن مختارسومروکو تکفیری ہشت گردوں نے اس وقت فائرنگ کا نشانہ بنایا جب وہ صبح سویرے اپنی دکان کھولنے کے بعد سامنے ہوٹل سے چائے لینے جا رہا تھا اسی اثناء میں پہلے سے گھات لگائے تکفیری دہشت گردوں مختار حسین سومروپر اندھادھند فائرنگ کردی ، دہشت گردوں نے چھ گولیاں مختار سومروپر فائر کی جن میں سے چار مختار سومروکے جسم میں پیوست ہو گئیں ، جائے وقوعہ پر موجود شہریوں نے مختار سومرو کو مقامی اسپتال منتقل کیا جہاں ڈاکٹروں نے اسے ابتدائی طبی امداد دینے کے بعد سول اسپتال لاڑکانہ منتقل کرنے کی ہدایت کی جسے بعد ازاں سول اسپتال لاڑکانہ منتقل کردیا گیا جہاں ڈاکٹرز اس کی جان بجانے میں مصروف ہیں ۔
مجلس وحدت مسلمین صوبہ سندھ کے رہنما سید علی اکبر شاہ نے وحدت نیوز سے ٹیلیفونک گفتگو کرتے ہوئے کہاکہ مختار حسین سومروکے والد عبدالغنی سومروپر بھی ماضی میں حملہ ہو چکا ہے وہ تکفیری عناصر کی جانب سے 2013میں مذید 13مومنین کے ہمراہ ایک حملے میں شدیدزخمی ہوئے تھے اور اس واقعے میں تکفیری دہشت گردوں کی اپنی ہی فائرنگ سےایک حملہ آور ہلاک ہوا تھا ، بعد ازاں اس بلوائی گروہ کی جانب سے مختار سومرو کے والد کی دکانوں کو آگ لگادی گئی تھی، اس واقعے کے بعد سے مختار سومرواور اس کے اہل خانہ تکفیری دہشت گردوں کے نشانے پر تھے۔
وحدت نیوز (اسلام آباد) آل پاکستان مسلم لیگ کے سربراہ ، سابق صدر پاکستان اور چیف آف آرمی اسٹاف سید پرویز مشرف کا مجلس وحدت مسلمین کے مرکزی ڈپٹی سیکریٹری جنرل سید ناصر شیرازی ایڈوکیٹ کی گمشدگی اور کئی دن گزرنے کے باوجود عدم بازیابی پر اظہار تشویش،ناصر شیرازی کے اغوا کو کئی دن گزر جانے کے باوجود بازیاب نہ کروانے سے حکمرانوں کی عوامی مسائل میں دلچسپی کا پول کھل گیا ہے،آل پاکستان مسلم لیگ کے مرکزی میڈیا سیل سے جاری اپنے بیان میں سید پرویز مشرف نے کہا کہ حکمران اقتدار بچانے میں مصروف ہیں جبکہ عوام کا کوئی پرسان حال نہیں ہے،حکمرانوں کے اس روئیے کی شدید مذمت کرتے ہیں، انہیں یہ شرمناک رویہ ترک کرنا چاہیئے،انہوں نے مذید کہا کہ پریشانی کی اس گھڑی میں ناصر شیرازی کے اہل خانہ اور مجلس وحدت مسلمین کے ساتھ دل و جان سے کھڑے ہیں،حکومت سے مطالبہ کرتے ہیں کہ ناصر شیرازی کی فوری بازیابی کے لئے خاطر خواہ اقدامات کئے جائیں،ناصر شیرازی کو بازیاب کروا کر انہیں اغوا کرنے والوں کو عبرت ناک سزا دی جائے۔
وحدت نیوز(کراچی) مجلس وحدت مسلمین پاکستان کے مرکزی ڈپٹی سیکرٹری جنرل علامہ احمد اقبال رضوی نے پریس کانفرنس سے خطاب کرتے ہوئے کہا ہے کہ ایم ڈبلیو ایم مرکزی رہنما سید ناصر شیرازی اور دیگر لاپتہ عزاداروں کے اغوا ءکے خلاف کل ملک بھر میں جلوس چہلم امام حسین ؑ میں پرامن احتجاج کیا جائے گا،چہلم امام حسین علیہ السلام کے بعد حکومتی ایوانوں کا گھیراؤ کریں گے۔پنجاب حکومت نے ایم ڈبلیو ایم سے حکومت مخالف پالیسیوں کا انتقام لینے کے لیے ناصر شیرازی کو ریاستی اداروں کے ہاتھوں اغوا کرایا،ناصرشیرازی کا اغواء ملت جعفریہ کو قومی عسکری اداروں سے محاذآراءکرنے کی پنجاب حکومت کی مذموم سازش ہے،ناصر شیرازی کے اغوا کی منصوبہ بندی میں شہباز شریف،حمزہ شریف اور رانا ثنا اللہ براہ راست ملوث ہیں۔پنجاب حکومت نے ملت تشیع کو مسلسل عتاب کا شکار بنایا ہوا ہے۔عزاداری سید الشہدا پر پابندی، بانیان پر بلاجواز مقدمات کا اندراج اور بے گناہ شعیہ نوجوانوں کی جبری گمشدگی پنجاب حکومت کے وہ مذموم ہتھکنڈے ہیں جو ملت تشیع پر گزشتہ کئی سالوں سے آزمائے جا رہے ہیں۔ان مظالم پر پوری ملت تشیع پنجاب حکومت کے خلاف سراپا احتجاج ہے۔
انہوں نے کہا کہ پنجاب حکومت قانون و انصاف کی برملا تضحیک کر رہی ہے۔عدالت عالیہ کے حکم کے باوجود ناصر شیرازی کو عدالت کے سامنے پیش نہیں کیا گیا اور مزیدایک ہفتے کی مہلت مانگ لی گئی۔ناصر شیرازی کی صحت و سلامتی کے حوالے سے ہمیں بیشتر خدشات ہیں۔پنجاب حکومت ظالموں کی حکومت ہے جن پر قطعاََ اعتماد نہیں کیا جا سکتا۔انہوں نے کہا ناصر شیرازی ایک سیاسی جماعت کا مرکزی رہنما ،ہائی کورٹ کا سینئر وکیل ہے ۔اتحاد بین المسلمین کے لیے ناصر شیرازی کی کوششوں کی تمام سیاسی جماعتیں معترف ہیں۔وہ ملک میں بڑھتی ہوئی تکفیریت کے خلاف للکار سمجھے جاتے ہیں۔انہیں اسی جرم کی سزا دی جا رہی ہے۔انہوں نے کہا کہ چہلم کے بعد حکومتی ایوانوں کے گھیراؤ کی جس تحریک کا آغاز کرنے ہم جا رہے ہیں وہ ظالم حکمرانوں کو ہمیشہ یاد رہے گی۔ہم حکومت کو متنبہ کرتے ہیں کہ وہ فوراً ناصر شیرازی کو رہا کرے بصورت دیگر ہمارا احتجاج حکومت ایوانوں کی بنیادیں ہلا دے گا۔انہوں نے کہا کہ اگر ناصر شیرازی کو فورابازیاب نہ کرایا گیا تو حالات کی تمام تر ذمہ داری شہباز شریف ،رانا ثنا اللہ اور ان کے حواریوں پر ہو گی۔رانا ثنا اللہ نے عدالت عالیہ کے دو ججز کو شیعہ جج کہہ کر تعصب کو ہوادی جوبذات خود جرم ہے، اس جرم کی سزا رانا ثناء اللہ کو دینے کے بجائے بے گناہ ناصر شیرازی کو اغوا کرلیاگیا ۔ملت تشیع پاکستان کی سب سے بڑی افرادی قوت ہیں، بدمعاش حکومت ہمیں تنہا نہ سمجھے۔ ہم لاقانونیت کے مرتکب افراد کے خلاف اس وقت تک سکون سے نہیں بیٹھیں گے جب تک انہیں انصاف کے کٹہرے میں نہ لائے جائے۔
انہوں نے کہا کہ اربعین امام حسین علیہ السلام کے موقعہ پر ملک کے مختلف شہروں سے نکلنے والے ماتمی جلوسوں کو فول پروف سیکورٹی فراہم کی جائے۔اس موقعہ پر مجلس وحدت مسلمین کے تین ہزارسکاؤٹس ملک کے مختلف شہروں میں متعلقہ انتظامیہ کے ساتھ مل کر سیکورٹی کے فرائض سرانجام دیں گے۔ کراچی،راولپنڈی،کوئٹہ ،لاہور اور پشاور سمیت حساس مقامات پر رینجرز اور ایف سی کی اضافی نفری تعینات ہونی چاہیے تاکہ شر پسند عناصر کو کسی شرپسندی کا موقعہ نہ مل سکے۔جلوسوں کے داخلی راستوں پر واک تھرو گیٹ نصب کیے جائیں اورگرد و نواح کی تمام شاہراؤں کی کڑی نگرانی کی جانی چاہیے۔انہوں نے کہا بانیان جلوس اور سکاؤٹس کے نوجوانوں سے اپیل کی ہے کہ وہ اپنے اپنے علاقوں میں پولیس اور سیکورٹی اہلکاروں کے ساتھ مکمل طور پر تعاون کریں۔
پریس کانفرنس میں علامہ مرزایوسف حسین مرکزی صدر مجلس علمائے شیعہ پاکستان ، محمد عباس جنرل سیکریٹری آئی ایس او کراچی ڈویژن، مجلس وحدت مسلمین کے صوبائی رہنما علامہ نشان حیدر ، علامہ محمد صادق جعفری ،علامہ اظہر حسین نقوی ، علامہ مبشرحسن اور علامہ احسان دانش بھی موجود تھے۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری نے کہا ہے کہ اپنی کرپشن اور لوٹ مار کو چھپانے کے لیے سابق وزیر اعظم نواز شریف اداروں کو تنقید کا نشانہ بنا رہے ہیں۔قومی خزانے کی لوٹ مار سے بنائے ہوئے اپنے اثاثوں کو بچانے کے لیے نواز شریف اور ان کے خاندان نے پورے ملک کو داؤ پر لگایا ہوا ہے۔انہوں نے سابق وزیر اعظم کے اس بیان کو مضحکہ خیز قرار دیا کہ انہیں سیاسی انتقام کا نشانہ بنایا جا رہا ہے۔ ان کی اپنی جماعت برسراقتدار ہے تمام ریاستی ادارے ان کے اپنے وزیر اعظم کے ماتحت ہیں پھر انہیں سیاسی انتقام کا نشانہ کون بنا رہا ہے۔قومی اداروں پر بے تنقید کر کے نواز شریف لوگوں میں اداروں کے خلاف شکوک و شبہات پیدا کرنا چاہتے ہیں۔ احتساب عدالت کے فیصلے کو ججز کا بغض قرار دے کر عوام کی آنکھوں میں دھول نہیں جھونکی جا سکتی۔اپنی کرپشن پر پردہ ڈالنے کے لیے ریاستی اداروں کی بے توقیری کی اجازت کسی کو ہر گز نہیں دی جاسکتی۔
انہوں نے کہا کہ شریف خاندان کی ظلم و زیادتیوں کا پردہ چاک ہو چکا ہے۔نواز شریف کے دور حکومت میں قومی سرمائے کو جس بے رحمی سے لوٹا گیا ہے اس کی پاکستانی تاریخ میں مثال نہیں ملتی۔پاکستان کے بیس کروڑ عوام قومی سرمایہ لوٹنے والوں کا بے رحمانہ احتساب چاہتے ہیں۔نواز شریف اور ان کے خاندان سے لوٹی ہوئی ایک ایک پائی وصول کی جائے۔انہوں نے کہا کہ نواز شریف کی لوٹ مار کے باعث بیرونی سرمایہ کاروں نے پاکستان میں سرمایہ کاری سے ہاتھ کھینچ لیا جس کے باعث ملکی معیشت عدم استحکام کا شکار ہو کر تباہی کے دہانے پر پہنچ چکی ہے۔ہندوستان کی ایما پر پاکستان کی سالمیت و بقا کو خطرات سے دوچار کرنے والی کسی معافی کے مستحق نہیں۔ عہدوں کا ناجائز استعمال اور آئین کی پامالی ملک و قوم سے غداری ہے ۔کرپٹ اور لیٹرے حکمرانوں کا کڑا احتساب قانون و انصاف کا تقاضہ ہے جسے ہر حال پورا ہونا چاہیے۔
