وحدت نیوز (اسکردو) مجلس وحدت مسلمین پاکستان بلتستان ڈویژن کے ایک اخباری بیان کے مطابق ایم ڈبلیو ایم پاکستان بلتستان ڈویژن 27 رمضان مورخہ 6 اگست بروز منگل کو علامہ عارف حسین الحسینی کی 25ویں اور پاکستان کے معروف عالم دین علامہ آغا علی الموسوی کی پہلی برسی کی مناسبت ایک عظیم الشان مجلس ترحیم کا انعقاد کرنے جا رہی ہے۔ مجلس ترحیم 27 رمضان المبارک کو مجلس وحدت مسلمین بلتستان ڈویژن کے ڈویژنل سیکرٹریٹ میں ہوگی۔ جس میں علامہ آغا علی الموسوی کے فرزند ارجمند علامہ آغا مظاہر حسین موسوی، علامہ آغا علی رضوی اور دیگر علمائے کرام کے علاوہ مجلس وحدت مسلمین پاکستان بلتستان ڈویژن کے کارکنان اور امامیہ اسٹوڈنٹس آرگنائزیشن پاکستان بلتستان ڈویژن کے ممبران شریک ہونگے۔
مجلس وحدت مسلمین پاکستان
مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے
