وحدت نیوز (لاہور) مجلس وحدت مسلمین سینٹرل پنجاب کی صوبائی شوریٰ کا دوروزہ اجلاس صوبائی سیکریٹریٹ لاہور میں اختتام پزیر ہوگیا۔ صوبائی شوریٰ کا اجلاس سیکرٹری جنرل پنجاب علامہ عبدالخالق اسدی کی زیر صدارت منعقد ہوا۔اجلاس میں پنجاب کے مختلف اضلاع سے جنرل سیکرٹریز شریک ہوئے ۔
صوبائی کابینہ کے ارکان سمیت ضلعی سیکرٹری جنرلز نے کارکردگی رپورٹ پیش کی ۔صوبائی شوریٰ کے اجلاس میں فیصلہ کیا گیا کہ تمام اضلاع اگلے ماہ تک اپنے اضلاع میں ضلعی شوریٰ کا اجلاس طلب کریں گے اور قائد وحدت علامہ راجہ ناصر عباس جعفری کے تنظیمی دورہ جات کے حوالے سے تیاری کو یقینی بنائیں گے ۔
اجلاس میں مجلس وحدت مسلمین پاکستان کے مرکزی ڈپٹی سیکرٹری جنرل علامہ سید احمد اقبال رضوی ، رکن مرکزی شوریٰ عالی علامہ مبارک علی موسوی اور ممبر مرکزی تنظیم سازی کونسل برادر آصف رضا نے خصوصی طور پر شرکت کی ۔
