وحدت نیوز (لاہور) مجلہ بصیرت مجلس وحدت مسلمین پاکستان کا ترجمان رسالہ ہے مجلہ کی اشاعت اور ترسیل میں مالی مشکلات کو ممبر سازی مہم سے حل کیا جا سکتا ہے ۔ علامہ ناصر عباس جعفری نے مدیر مجلہ بصیرت سے ملاقات کے دوران خصوصی طور پر تاکید فرمائی کہ مجلہ بصیرت کی ممبر سازی مہم کو فعال بنانے کےلئے مجلس وحدت مسلمین پاکستان کے تمام کارکنان ، عہدیدران اور مسئولین سے درخواست کی جائےوہ اس کار خیر میں شعبہ تربیت کا بھر پور ساتھ دیں اور مجلہ کی ممبر سازی مہم میں بڑھ چڑھ کر حصہ لیں تاکہ مجلہ کی اشاعت اور ترسیل بروقت ہو سکے ۔ ہماری خواہش ہے کہ یہ مجلہ مجلس وحدت مسلمین کے ہر کارکن اور وابستہ افراد تک پہنچے اور اسی صورت ممکن ہے کہ آپ سب برادران سنجیدگی اور ذمہ داری کے ساتھ اس ممبر سازی مہم کو آگے بڑھائیں اگر آپ خود یہ کام نہیں کرسکتے تو کسی دوسرے رکن یا ممبر کو اس کی ذمہ داری سونپیں ۔ہمیں امید ہے کہ مجلس کے تمام کارکنان اور مسئولین اس کام کو آگے بڑھائیں گے۔