وحدت نیوز(لاہور) سانحہ واہگہ بارڈر کے ملزمان کو لاجسٹک سپورٹ مقامی کالعدم دہشت گرد گروہ نے دی ہے حکومت پنجاب کو بار ہا باور کرنے کے باوجود آنکھیں بند کیے رکھے جس کا خمیازہ آج معصوم پاکستانیوں کو بھگتنا پڑا اس واقعے سے آج ہر پاکستانی کا دل رنجیدہ اور آنکھیں پر نم ہیں۔ ان خیالات کا اظہار مجلس وحدت مسلمین پنجاب کے سیکرٹری جنرل علامہ عبدالخالق اسدی نے عزاداری سیل کے اجلاس سے خطاب کرتے ہوئے کیا انہوں نے کہا اس المناک واقعے کے بعد ہمیں عزاداروں کے لئے حکومتی سیکیورٹی اقدامات پر شدیدتحفظات ہیں عزاداران اپنے ارد گرد کے ماحول پر کڑی نگاہ رکھیں اور کسی بھی ہنگامی صورت حال پر اپنے رضاکاروں اور سکیورٹی پر معمور نوجوانوں سے بھر پور تعاون کریں  انہوں نے مجلس وحدت مسلمین عزاداری سیل کے مسئول سجاد بیگ ایڈوکیٹ کو ہدایات جاری کی کہ وہ پنجاب بھر کے عزاداری سیل کے کنٹرول رومز سے رابطے میں رہیں اور کسی بھی ہنگامی صورت حال سے مرکزی عزاداری سیل کو بروقت مطلع کریں اجلاس میں سانحہ واہگہ باڈر کے شہداء کی مغفرت کے لئے فاتحہ خوانی اور زخمیوں کی جلد صحت یابی کے لئے دعا کی۔