وحدت نیوز (چنیوٹ) اگر (ن) لیگ کی حکومت نے کارکنوں کی پکڑ دھکڑ بند نہ کی تو ہم ملک گیر جیل بھرو تحریک چلائیں گے ان خیالات کااظہار ضلعی سیکرٹر ی جنرل مجلس وحدت مسلمین چنیوٹ سید انیس عباس زیدی نے کیا انہوں نے مزید کہا کہ ہم پرامن لوگ ہیں لیکن ہم جلوس عزاداری پر قدغن برداشت نہیں کریں گے، وفاق اورپنجاب میں نیشنل ایکشن پلان کے نام پر سیاسی مخالفین کو انتقام کا نشانہ بنایا جارہا ہے ہماری نسل کشی ہوئی بیس ہزار سے زائد شہدا ء کی قربانی دینے کے باوجود ہم پر یہ حکمران ظلم کررہے ہیں انہوں نے مزید کہا کہ ہمارے رہنماؤں کو بلاجواز بیلنس پالیسی کے تحت 90روز کیلئے نظر بند کیاجارہا ہے حکمران ان قوتوں کے خلاف ہیں جو ضرب عضب کی حامی ہیں انہوں نے بھارت کی لائن آف کنٹرول پر خلاف ورزیوں کے بارے میں کہا کہ بھارت کسی غلط فہمی میں نہ رہے اس وطن کے شجاع شیر دل بیٹے اس بزدل دشمن کو نشانہ عبرت بنانے کیلئے تیار ہیں انڈیا اپنے پالتو دہشت گرد طالبان ، لشکر جھنگوی اور تکفیری عناصر کی شکست سے بوکھلاہٹ کا شکار ہے